KOLOSE 4:6 - Sura' Madatu

⁶ La mammi’ bang tu buangan kadammi butung to disiai, ammi issanni umba la mikua umpebalii simisa’-misa’i tu tau.

KOLOSE 4:6 ပူးပေါင်းရင်းမြစ်များ

1 OSSORANNA DATU 16:24

Pakaleleammi tu kamala’biranNa dio lu mintu’ bangsa, Sia iatu penggauran kalle-kalleanNa dio lu mintu’ sangpetayanan.

PA’PUDIAN 105:2

PenanianNi sia pakendekanNi pa’pudian; pokadai tu sininna penggauran kalle-kalleanNa!

PA’PUDIAN 119:13

Napa’peissanammo tongka’ dililaku tu mintu’ atoran ombo’ dio randan pudukMi.

PA’PUDIAN 119:46

Sia tang masiri’na’ umpokada mintu’ kasa’biamMi dio olona mintu’ datu.

PA’PUDIAN 45:2

Tiakka’ tu penaangku la umpokada kada masokan, la ussengoanna’ datu, iatu lilaku susi peoki’na to malute mangoki’.

PA’PUDIAN 66:16

E kamu sola nasang tu ungkataku’na Puang Matua, maikomi umperangii, la kuulelean tu apa Napogau’ lako tondon to batangku.

SARAMBU PEADA’ 10:21

Iatu pudukna to malambu’ umpamakarimman buda tau, apa iatu to baga umpomate kataeranna tangnga’ kinaanna.

SARAMBU PEADA’ 15:4

Iatu lila kaboro’ iamo garonto’na katuoan marendeng, apa iatu kada leko’ iamo ussanggang penaa.

SARAMBU PEADA’ 15:7

Iatu pudukna tokinaa umpatale’ kapaissanan, apa iatu penaanna tobaga tang malolo.

TOMANGADA’ 10:12

Iatu kada tassu’ dio mai pudukna to kinaa iamo umpabu’tuanni kamasokanan, apa iatu lilana tobaga unnampello’ kalena tu tobaga iato.

YEHEZKIEL 43:24

La mupopennolo tu apa iato dio oloNa PUANG sia la naambo’i sia to minaa dao, anna pemalaranni napopemala’ ditunu pu’pu’ lako PUANG.

SURA’ KATOMINAAN 2:13

Iatu mintu’ pemala’ dio mai kande dipemalaran la musiai; da mupasalai sia basseNa Kapenombammu tu kande pemalarammu; iatu mintu’ pemala’mu la musiai.

MATIUS 5:13

Kamumo te tu sianna lino. Iake memmatammakki tu sia, apa pole’pa la dipamapi’danni? Tae’mo naden len gai’na, sangadinna ditibe sia nalullu’ tau.

MARKUS 9:50

Iatu sia inang apa melo, apa iake pa’denmi mapi’danna tu sia, la dipatumba pole’pi anna mapi’da sule? Sipatu la den sia lan kalemi, sia karitutui tu kasikaeloan.

LUKAS 4:22

Natonganan nasangmi tau tu kadanNa sia napomangnga tu kada sun dio pudukNa umpabu’tu kapaimanan, nakuami tu tau: tang anaknaraka Yusuf te?

EFESUS 4:29

Da mipasunni dio pudukmi tu kada dipomasiri’, sangadinna iari tu melona tu la napomatoto’na kapatonganan, tu denna patunna, anna pasaeanni pa’kamasean tu to urrangii.

PA’TOLE 11:19

La miadaran tu mai anakmi sia la mipokada tu iannato, ke unno’ko’komi lan banuammi sia iake diokomi lu lalan sia iake matindokomi sia iake millikkomi.

KOLOSE 3:16

Anna kadanNamora Kristus lempan unnongannikomi; siada’komi sia sipakilalakomi situru’ mintu’ kakinaan, sia situru’ pa’pudian sia pa’tendeng sia penanian masallo’ mimenani ma’kurre sumanga’ langngan Puang Matua lan penaammi.

1 PETRUS 3:15

Pamaindanni lan penaammi tu Kristus kumua iamo Puang, sia la tontongkomi marea umpebalii tu mintu’ to ungkutanaikomi diona kapa’rannuanan dio kalemi, apa la naturu’ sorong inaa sia sipa’,