KOLOSE 4:18 - Sura' Madatu

¹⁸ Anna salama’ku, Paulus, tu lalan limangku kalenamo te. Palan ara’i te rante bassingku. Narondongmorokomi pa’kamaseanNa Puang Matua.

KOLOSE 4:18 ပူးပေါင်းရင်းမြစ်များ

ROMA 16:20

Na Puang Matuamora, tu oto’na kamarampasan, urru’puk-ru’pukki madomi’ tu deata bulituk diong to’ lentekmi. Denno upa’ anna pa’kamaseanNa Puangta Yesu urrondongkomi!

ROMA 16:22

Akumo Tertius, tu ussura’i te sura’ umparampo salama’ lako kalemi tete dio Puang.

ROMA 16:23

Sia Gayus, tu untoratuna’ sola mintu’ to lan kombongan, umparampo salama’na lako kalemi. Salama’na Erastus sandan uainna tondok, sia Kwartus, siulu’ta.

1 KORINTUS 16:21

Na iamote tu salama’ku, Paulus, limangku kalena unnoki’i.

FILIPI 1:7

Inang sipato’na’ la ma’timbang susito tu diona kamu sola nasang, belanna kupalan ara’komi, pa kamu sola nasang pada-padaki’ unnappa’ pa’kamasean, la iatongku dirante bassi, la iatongku umpebalian sia umpamanassai tu Kareba-kaparannuan.

KOLOSE 4:3

Ammi passambayangan dukakan, anNa bungkarangkan lalan Puang Matua la umpalolang Kareba-kaparannuan, angki pokadai tu rasianNa Kristus, tu kupobannang te dirante bassi.

2 TESALONIKA 3:17

Salama’ dio mai aku Paulus, tu kuoki’ kalena, napotanda mintu’ sura’ku, susimote tu pangoki’ku.

1 TIMOTIUS 6:21

denmo tau pira unnakui, anna pusa dio mai kapatonganan. Narondongmorokomi pa’kamaseanNa Puang Matua.

2 TIMOTIUS 1:8

Iamoto da mumasiri’ umpa’peissananni tu diona Puangta, sia da mupomasiri’i tu diona aku te dirante bassi, sangadinna la pada-padako umperasai kamaparrisan tu belanna Kareba-kaparannuan situru’ kamatotoran dio mai Puang Matua.

2 TIMOTIUS 4:22

AnNa Puangmora urrondong penaammu sia pa’kamaseanNamora Puang Matua urrondongkomi sola nasang.

TITUS 3:15

Mintu’na tu to kusolan umparampo salama’na mati’. Salama’ lako tu mintu’ to umpakaboro’ki’ lan kapatonganan. Narodongmorokomi pa’kamaseanNa Puang Matua sola nasang.

IBRANI 13:25

Narondongmorokomi pa’kamaseanNa Puang Matua sola nasang.

IBRANI 13:3

Kilalai tu to ditarungku, butung pada ditarungkukomi, sia iatu to dipakario-rio butung batang kalemi dipakario-rio.