KOLOSE 3:9 - Sura' Madatu

⁹ Da misipokadan buttok, tu belanna mangkamokomi urrampananni tu a’gan tolino masai sia mintu’ penggauranna,

KOLOSE 3:9 ပူးပေါင်းရင်းမြစ်များ

SARAMBU PEADA’ 13:5

Iatu to malambu’ ungkabiri’ kada buttok, apa iatu to tang mekaaluk nasikabiri’i tau sia la kasirisan.

YESAYA 63:8

Nakuami: TaungKu duka tu tau iato mai, iamo pia tang la mo’rang, nasusito Iamo dadi To parampananna.

SURA’ KATOMINAAN 19:11

Da miboko, da mima’kada tang tongan sia da misipakena len.

ZEFANYA 3:13

Iatu to torrona Israel tae’mo nala ma’pakario-rio ba’tu ma’kada tang tongan sia iatu lila pa’pakenan la tae’mo lan sadangna, belanna tau iato mai la ungkande riu dio padang kariuan sia la matindo sia tae’mo misa’ tau la umpatirambanni.

ZAKHARIA 8:16

Inde sia tu mintu’ apa la mipogau’, iamotu la sipokadangkomi tu tonganna, ma’paolaikomi salu lan lu babanganmi situang kamalamburan, anna bu’tu karapasan,

YOHANES 8:44

Kamu te bu’tu diokomi mai ambe’mi deata bulituk, sia mintu’ tu kamoraianna ambe’mi mipeolai. Iamo papongko tolino tempon dio mai mulanna, tang unnola salunna, belanna tae’ kamanapparan dio kalena. Iake ma’kada mo’rangi, napasiolanan tu kedona umpokadai, belanna ia mo’rang, sia ambe’ kamo’rangan.

ROMA 6:6

Belanna taissan kumua iatu a’gan pa’kalean masainta mangkamo dipasia’ta’ dikua anna disabu’i tu kale kasalan, da tanenne’ umpopengkaunan kaleta lako kasalan;

EFESUS 4:22

iamotu diona gau’ dolomi, la mitibe tu pa’kalean masaimmi, tu sanggang napobua’ kamoraian lu dio mai tangnga’ sala,

EFESUS 4:25

Iamoto la mitibe tu kamo’rangan, ammi pantan ma’kada tongan lako padammi tolino, belanna sipolesoan kaleki’.

KOLOSE 3:8

Apa totemo la mirampanan duka te iannate: kasengkean, arasan, kakadakean, pa’palele beko, kada pagi’giran sun dio pudukmi.

1 TIMOTIUS 1:10

to ma’pangngan buni sia to sigau’ sala padanna muane, sia to umboko tau, to buttokan sia to menggata tang tongan, sia apa-apa tu sisalanna pangadaran mepamanaman,

KADA OMBO’ LAKO RASULU’ YOHANES 21:27

Apa inang tae’ anna la tama len tu apa maruttak, ba’tu to umpogau’ pagi’giranna sia to ma’kada mo’rang, sangadinna ia manna tu to tisura’ tu sanganna lan sura’ katuoanNa Anak domba.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.

KADA OMBO’ LAKO RASULU’ YOHANES 22:15

Apa la salian rinding tu mintu’ asu sia to patiro-tiro sia to ma’gau’ sala, sia mintu’ to papatean, sia mintu’ to umpenombai deata, sia minda-minda tu ungkamali’ kamo’rangan sia umparri-parrii.