KOLOSE 3:25 - Sura' Madatu

²⁵ Apa iatu to umpogau’ sala, la napassan ia tu sala napogau’, belanna tae’ ia tau dipelindo.

KOLOSE 3:25 ပူးပေါင်းရင်းမြစ်များ

2 SAMUEL 14:14

Inang la mate nasangki’ susito uai tibollo rokko padang, tu tae’ nadirampun. Apa tae’ Naalai Puang Matua tu katuoan, sangadinna Natangnga’, kumua anna iatu to ditibe, da natontong mambela dio mai Kalena.

2 OSSORANNA DATU 19:7

Iamoto la narampoikomi katirambanan tu lu dio mai PUANG; kanandai meloi tu apa mipogau’, belanna dio PUANG, Kapenombanta, tae’ tu apa tang malambu’, tae’ tu mentiro rupa, ba’tu untarima pappe’.

AYUB 34:19

tu tang umpelindo arung, sia tang umpalosongan to mala’bi’ anna to bitti’, belanna mintu’nato panggaraganNa nasang?

AYUB 37:24

Iamoto Nakataku’i ma’rupa tau tu Puang, apa iatu to tang ma’perangi moi misa’ tae’ Natiroi Puang.

SURA’ KATOMINAAN 19:15

Da mibimbang ma’paolai salu; da mikaturu-turui to baitti’ ba’tu umpelindo to kapua, sangadinna la musanda tonganni tu kara-karana padammu ma’rupa tau.

MATIUS 16:27

Belanna iatu Anak rampan dilino la sae nakabu’ kamala’biranNa Ambe’Na naturu’ mintu’ malaeka’Na; attu iato pantan la Napapakkanni lako tau sitinaya penggauranna.

LUKAS 20:21

Mekutanami tinde tau lako, nakua: O Guru! kiissan tongan tu kadamMi sia pangadaramMi, kumua malolo sia tae’ tau Milaenan, sangadinna umpa’pangadaran tongan bangKomi lalanNa Puang Matua;

PENGGAURANNA RASULU’ 10:34

Ma’kadami tu Petrus nakua: Tonganna tongan manassamo lako kaleku, kumua tae’ Namentiro lindo lako tau tu Puang Matua,

ROMA 2:11

Belanna tae’ Namentiro lindo tu Puang Matua.

2 KORINTUS 5:10

Belanna tae’ nasalai tang payan nasangki’ dio tingo isungan pangra’tasanNa Kristus, anta pantan untarimai tu pakkanna, tumba tu mangkanna tapogau’ tonta lanpa batang kaleta, la melo la kadake.

EFESUS 6:8

belanna miissan, kumua kameloan apa tu napogau’ tau, ia duka natarima sule dio mai Puang, la kaunan, la to makaka.

EFESUS 6:9

E kamu mintu’ puangna, susi duka la mipogau’ lako kaunanmi to, sia torroi tu pa’pakingki-kingkimmi, belanna miissan kumua iatu Puangna sia Puangmi dao sia suruga sia tae’ Ia Namentiro lindo lako tau.

PA’TOLE 1:17

Lan pa’paolaian salu da mipelindo tau; la pada miperangii tu to bongko ba’tu to la’bi’ moi misa’ tau da mikataku’i, belanna iatu pa’paolaian salu Kapenomban umpoissanni. Iatu kara-kara magasa lako kalemi, la mibaa lako kaleku, angku perangii.

PA’TOLE 10:17

Belanna iatu PUANG, Kapenombammi, Iamo Puang Matua undaoanni mintu’ deata sia Puangna mintu’ puang, iamotu Kapenomban pasareongan sia mawatang sia metakuran, tu tang umpelindo rupa tau sia tang untarima pamengan,

KOLOSE 4:1

E mintu’ puang, pogau’i tu tonganna sia malambu’na lako kaunammi, belanna miisan den duka misa’ Puangmi dao suruga.

1 TESALONIKA 4:6

sia da miden misa’ umpogau’ kadake sia untampan saki inaa siulu’na lan tu iannato, belanna Puang Matua umpapakkanni tu mintu’nato, susitu inang mangkamo kipokada dolo sia kikatottongi lako kalemi.

2 TESALONIKA 1:6

Apa Nasanga Puang Matua malambu’ ke dipabala’i kadipakario-rioan lako tu to umpakario-riokomi,

FILEMON 1:18

Iake mangkami umparugiko ba’tu kaindananni lako kalemu, bilang lakoi kaleku.

IBRANI 2:2

Belanna iake iatu kadanNa Puang Matua tu naparampo malaeka’ payanmo tang tileluk sia mintu’ kasalan sia kapabali-balian dipakkanni sipatunna,

1 PETRUS 1:17

Iake misa’bu’i Ambe’, tu mangra’ta’ tang pakayun bimbang sitinaya penggauranna simisa’-misa’ tau, dadi la lolang mataku’komi, angge mempuemipa lan te lino,

YUDAS 1:16

Tau iamorato mai tu pa’nuku-nukuan sia suma’rok sia unturu’ bang kamoraianna, ma’kada matampo, anna ussede tau belanna untiroan misa kalena.