KOLOSE 3:22 - Sura' Madatu

²² E mintu’ kaunan, lan mintu’na apa la mituru’ tu pesuanna puang lanmi te lino, da ammi ma’angga’-angga’i butung to la ussede tau, sangadinna la lantuk penaammi sia la ungkataku’komi Puang.

KOLOSE 3:22 ပူးပေါင်းရင်းမြစ်များ

KADADIAN 42:18

Iatonna ma’tallung alloammo nakuami Yusuf lako: Pogau’i te ammi tuo, belanna ungkataku’na’ Puang Matua.

NEHEMIA 5:15

Iatu mintu’ to maraa tu dolona na aku umpamagasa passananna mintu’ tau sia untuntun roti sia anggoro’ dio mai tau iato mai, senga’pa to tu patangpulo sikele’ salaka. Sia ia duka tu taunna matampo lako bangsa iato. Apa iatu aku tae’ kupogau’i susito, belanna mataku’na’ lako Puang Matua.

NEHEMIA 5:9

Ma’kadamo’ kukua: Tae’ namelo tu apa mipogau’. Tae’raka mila lolang ungkataku’ Kapenombanta, anta toyang dio mai pebe’sena to kapere’, ualinta?

PA’PUDIAN 123:2

Sitinti mata kaunan umpemantang limanna puangna, sia ten to baine pa’kurinan umpemantang limanna puangna baine, tenmo matanta to untingara PUANG, Kapenombanta, sae lako Nakaturu-turuinta.

TOMANGADA’ 12:13

Inde sia tu kada ma’katampakanna tu mintu’ apa narangimo tau, iamotu kataku’i tu Puang Matua sia karitutui tu mintu’ pepasanNa, belanna iamoto tu sipatu lako mintu’ tolino.

TOMANGADA’ 5:7

Iake untiroko to bongko dipakario-rio sia dilullu’ tu katonganan sia kamaloloan lan propinsi, da mukamangngai tu iannato, belanna iatu misa’ to kapua pangka’na umpenunui tu misa’na, sia den pole’opa ia tu madaona umpenunui tu tau iato mai.

TOMANGADA’ 8:12

Belanna iatu to kadake gau’na umpogau’ kakadakean pessaratu’, anna malambe’ siapa tu sunga’na. Moi nasusito kuissan, kumua la salama’ tu to mengkaola lako Puang Matua belanna mataku’ dio oloNa.

MALEAKHI 1:6

Iatu pia muane ungkasiri’ ambe’na, sia misa’ kaunan ungkasiri’ puangna. Iate Aku te, ke misa’Na’ Ambe’, umbanii tu pa’pakaraya lako Kaleku? Sia iate Aku te ke misa’Na’ Puang, umbanii tu kamatakuran lako Kaleku? kadanNa PUANGna mintu’ ma’dandan maritik lako kalemi, e mintu’ to minaa, tu umpamatuna sangangKu. Moi susito, ma’kadakomi mikua: Apara kipotete umpamatuna sangamMi?

MATIUS 6:22

Iatu mata, palitanna kale; iamoto, ianna masero tu matammu, tae’ natang masero tu mintu’ kalemu.

MATIUS 8:9

Belanna aku te to diparentana’, naden pole’o tu surodadu kuparenta. Iake kukua ungkuanni tu misa’: Maleko, male; sia ke kukua lako tu misa’na: Maleko mai, sae; sia iake kukua lako kaunanku: Garagai te, nagaragai.

LUKAS 6:46

Ma’apai ammi ma’puang-puang untambaiNa’, anna tae’ mipogau’i susitu Kupokadanna?

LUKAS 7:8

Belanna aku te to diparentana’, naden pole’o tu surodadu kuparenta; iake kukua ungkuanni tu misa’: maleko, male; sia kukua lako tu misa’na: maleko mai, sae; sia iake kukua lako kaunanku: garagai te, nagaragai.

PENGGAURANNA RASULU’ 2:46

Keallo-keallo sanginaa bang makaritutu tama banuanNa Puang Matua, sia ullelei banua nanii sirampun untepu-tepu roti, anna kumande situru’ kaparannuan sia penaa malambu’na,

2 KORINTUS 7:1

E pa’kaboro’ku, tu belanna den pangallu’ susito lako kaleta, dadi la usseroiki’ kaleta dio mai mintu’na kamarutanna kale sia penaa sia la tasundunni tu kamaseroanta ungkataku’ Puang Matua.

GALATIA 1:10

Na totemo ussedera’ka tolino, ba’tu Puang Matua? Ba’tu undaka’ra’ka lalan kumua anna poraina’ tolino? Iake mukkunna’ undaka’ lalan kumua anna poraina’ tolino, manassa tangiana’ taunNa Kristus.

KOLOSE 3:20

E pia turu’i tu peada’na to matuammi, belanna susimoto tu NaporainNa Puang.

1 TESALONIKA 2:4

Sangadinna susitu NasanganNa Puang Matua kumua sipato’mokan dipakambi’i tu Kareba-kaparannuan, susi dukamoto kipa’peissanan, tangiara butung to la umpasende tolino, sangadinna Puang Matua, tu ussudi penaanta.

FILEMON 1:16

totemo tae’mo nasusi kaunan, sangadinna mala’bi’mo ia na kaunan, susimo siulu’ dipakaboro’, ma’ondonganna lako kaleku, tang dipokada pissanmo tu ikona, la lanna a’gan tolino, la diona kasiturusan lan Puang.