KOLOSE 3:17 - Sura' Madatu

¹⁷ Na apa-apa mipogau’, la diona kada la diona pengkarangan, mintu’na la mipogau’ lan sanganNa Puang Yesu, ammi ma’kurre sumanga’ langngan Puang Matua, iamotu Ambe’, tete dio Kalena.

KOLOSE 3:17 ပူးပေါင်းရင်းမြစ်များ

1 DATU 18:32

Anna batu iato nagaragai inan pemalaran siindo’ sanganNa PUANG sia nakalo’i tiku lao tu inan pemalaran iato, silasa dipannii duang sea banne.

SARAMBU PEADA’ 3:6

Kasiri’i tu Puang dio lu mintu’ lalanmu, na Ia la umpamarantei tu lalanmu.

MIKHA 4:5

Belanna mintu’ bangsa pantan lolang tete dio sanganna deatanna, apa iatu kita la lolangki’ tete dio sanganNa PUANG, Kapenombanta, tontong sae lakona.

MATIUS 28:19

Iamoto malemokomi mipopendadii anak gurungKu tu mintu’na bangsa, ammi dio’i tama sanganNa Ambe’, sia Anak na Penaa Masallo’;

PENGGAURANNA RASULU’ 19:17

Tiseno-senomi tu kareba iato lako mintu’ to Yahudi sia to Grika dio Efesus, sae nasangmi kamatakuranna tu tau, anna pakala’bi’i tau tu sanganNa Puang Yesu.

PENGGAURANNA RASULU’ 4:30

amMi unne’te’ lima kuasamMi la umpamaleke tau, anna dadi tu mai tanda mangnga sia tanda kalle-kallean tete dio sanganNa Yesu To masallo’Mi.

ROMA 1:8

Tipamulanna ma’kurre sumanga’na’ langngan Kapenombangku diona kamu tete dio Yesu Kristus, belanna kaleleammo tu kapatonganammi lan mintu’ lino.

1 KORINTUS 10:31

Iamoto, la iake kumandekomi, ba’tu mangiru’, la diona umba-umba misa’ penggaurammi, pogau’i tu mintu’nato situru’ tu la Napomala’bi’na Puang Matua.

EFESUS 1:17

kumua anna KapenombanNa Puangta Yesu Kristus, iamotu Ambe’ oto’na mintu’ kamala’biran, umpa’kamaseanni lako kalemi tu Penaa kakinaan sia kaNapamanassan untandai Puang Matua.

EFESUS 5:20

sia tontongkomi ma’kurre sumanga’ diona mintu’ passalan langngan Ambe’ta Puang Matua, ussa’bu’ sanganNa Puangta Yesu Kristus,

FILIPI 1:11

Sia naponnoikomi bua kamalamburan tete dio Yesu Kristus, umpabu’tuan kamala’biran sia kadipudian Puang Matua.

FILIPI 2:11

sia mintu’ puduk mangaku, kumua Yesu Kristus tu Puang, la napomala’bi’ Puang Matua, Iamotu Ambe’.

KOLOSE 1:12

ma’kurre sumanga’ langngan Ambe’, tu umpasipato’komi untamai mana’na to masallo’ lan inan masero.

KOLOSE 2:7

mennuaka’komi sia bantangkomi lan Kalena sia batta’komi lan kapatonganan, susitu mangka diadarangkomi, ammi pabuda pa’kurre sumanga’.

KOLOSE 3:15

Anna kamarampasanNamora Kristus ma’parenta lan penaammi, belanna ditambaimokomi la unnappa’ kamarampasan iato lan kale sangbatang; sia la ma’kurre sumanga’komi.

KOLOSE 3:23

Apa mipogau’, karang tongan-tonganni, susitu lu lakoNa Puang, tangia lu lako tolino,

1 TESALONIKA 1:1

Iate sura’ lu dio mai Paulus sia Silwanus anna Timotius diparampo lako kombongan to Tesalonika, tu lanna Puang Matua, Iamotu Ambe’ sia Puang Yesu Kristus. Narampoimorokomi pa’kamasean sia kamarampasan.

1 TESALONIKA 5:18

sia ma’kurre’ sumanga’ diona mintu’na, belanna iamoto tu pa’poraianNa Puang Matua lako kalemi tete dio Kristus Yesu;

2 TESALONIKA 2:17

umpakatana penaammi sia umpabatta’komi lan mintu’ penggauran sia kada maelo.

IBRANI 1:5

Mindannamora tu mintu’ malaeka’ denmo Nanii ma’kada Puang Matua lako kumua: Kamumo tu AnakKu, Allo ia bangsiamote angKu dadiangKomi; Nakuapa: Aku la mendadi Ambe’Na, na Ia mendadi AnakKu.

IBRANI 13:15

Iamorato anna tete dio Yesu, tala tontong umpemalaranni langngan Puang Matua tu pemala’ pa’pudi-pudian, tu bua tassu’ dio puduk unnaku sanganNa.

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

1 PETRUS 4:11

Iake den tau ma’ulelean, sipatu ma’ulelean susito umpokada kadanNa Puang Matua; iake den tau ungkamayai solana, sipatu naturu’ tu kamatotoran Nakamaseanni Puang Matua; anna dipakala’bi’ tu Puang Matua lan mintu’na tete dio Yesu Kristus; lu lako Kalena tu kamala’biran sia kapaan tontong sae lakona. Amin.

1 YOHANES 2:23

Minda-minda umpeonganni Anak, tae’ duka anna poAmbe’i tu Puang Matua, apa iatu to unnaku Anak, napoAmbe’ tu Puang Matua.

1 YOHANES 3:18

E anakku, da tama’pakaboro’ kada ba’tu puduk bangri, sangadinna la situang penggauran sia kalantukan tongan.