KOLOSE 3:15 - Sura' Madatu

¹⁵ Anna kamarampasanNamora Kristus ma’parenta lan penaammi, belanna ditambaimokomi la unnappa’ kamarampasan iato lan kale sangbatang; sia la ma’kurre sumanga’komi.

KOLOSE 3:15 ပူးပေါင်းရင်းမြစ်များ

PA’PUDIAN 100:4

Unnola tamakomi babanganNa situang pa’kurre sumanga’, sia tamakomi tarampakNa sitonda pa’pudi-pudian, la mipudi sia la mipakala’bi’ tu sanganNa!

PA’PUDIAN 107:22

Sangapaoi anna penombanni tau iato mai tu pemala’ pa’pudian, sia mela’tek umpa’peissanan penggauranNa Puang.

PA’PUDIAN 116:17

La kupenomban tu pemala’ pa’pudian Mati’, angku meongli’ ussa’bu’ sanganNa PUANG.

PA’PUDIAN 29:11

PUANG la umpa’kamasean kamatotoran lako taunNa, PUANG la umpassakkei kamarampasan tu taunNa!

YESAYA 26:3

Iatu to matu’tun penaanna Mikaduttu’ kamarampasan sundun, belanna sande’ mati’ Kalemi.

YESAYA 27:5

– Sangadinna ke napentoei tu pa’rinding pala’Ku, sia ke sikadamakNa’, ke sikadamakNa’.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

YESAYA 57:19

Aku umpadenni tu pa’pudi-pudian nagente’ lila: Marampa’, marampa’ tu to mambela sia to mandappi’, kadanNa PUANG; sia la Kupamatana tu tau iato mai.

YUNUS 2:9

Apa iatu aku, la memala’na’ lako Kalemi dipasituang pa’pudi-pudian, sia la Kusundunni tu pangallonan, tu mangka kuallu’. Kadirampanan iato lu dio mai PUANG.

YOHANES 14:27

Kamarampasan Kutampeangkomi, ontongpi kamarampasangKu kalena Kusorong lako kalemi, tangia susinna tu nasorong te lino, tu Kusorong lako kalemi. Da narosso penaammi sia da miselang.

YOHANES 16:33

Mintu’nate kupokada lako kalemi, kumua misiria kamarampasan ussisolanNa’. Lan te lino umperasaikomi kamaparrisan; apa pabatta’komi penaammi, belanna Aku te mangkaMo’ untaloi te lino.

ROMA 1:21

belanna moi natandai tu Puang Matua, apa tae’ nabilang Puang Matuai sia tae’ nama’kurre sumanga’ lako, sangadinna tae’mo patunna tu tangnga’na sia dipamalillin tu penaa baganna.

ROMA 14:17

belanna iatu ParentaNa Puang Matua tangia diona kande ba’tu diiru’na, sangadinna kamalamburan sia kamarampasan sia kaparannuan tete dio Penaa Masallo’.

ROMA 15:13

Denno upa’ anNa Puang Matua, tu oto’na kapa’rannuanan, umponnoikomi mintu’ kaparannuan sia kamarampasan tete dio kapatonganan, anna sakapua-puana rannummi belanna kamatotoranNa Penaa Masallo’.

ROMA 5:1

Tu belanna dibilang malolomoki’ diona kapatonganan, anna den kasikaeloanta Puang Matua tete dio Puangta Yesu Kristus,

1 KORINTUS 10:17

Belanna iatu roti misa’ri, na iate kita budaki’ namisa’ri kale tapokale, apa mintu’ki’ unnala taata lan mai tu roti misa’.

1 KORINTUS 7:15

Apa iake mentantangi tu tang ma’patonganna, da’ito namentantang. Iatu siulu’ muane ba’tu baine tae’mo apa ussangkinni lan tu iannato. Apa mangkamokomi Natambai Puang Matua tama kasikaeloan.

2 KORINTUS 4:15

Apa mintu’nate iannate dadi tu belanna kamu, kumua anna iatu pa’kamasean tu sakerangngan-rangnganna belanna sabuda-budanna bilanganna tu tau, umpopemba’ka’i tu pa’kurre sumanga’ Napomala’bi’ Puang Matua.

2 KORINTUS 9:11

anna anggenna minii dipasugi’ ammi urunganni umpogau’ mintu’ kamasokanan, tu umpabu’tui tu pa’kurre sumanga’ langngan Puang Matua tete dio pa’pakilalangki.

EFESUS 4:16

Tete diomora Kristus anna salobo’-lobo’na tu kale, umpamatoto’ kalena lan pa’kaboro’ anna sitoe-toe sia sikande-kande napasikande mintu’ lesoan situru’ patu pengkaranganna lesoan kale.

EFESUS 4:4

misa’ri batang kale sia misa’ri Penaa, susi tommi mangka ditambai misa’ dukari kapa’rannuanan napabu’tu kadi- tambaiammi;

EFESUS 5:1

Iamoto, la dadikomi to unturu’ Puang Matua, susi anak Nakaboro’i,

EFESUS 5:20

sia tontongkomi ma’kurre sumanga’ diona mintu’ passalan langngan Ambe’ta Puang Matua, ussa’bu’ sanganNa Puangta Yesu Kristus,

KOLOSE 1:12

ma’kurre sumanga’ langngan Ambe’, tu umpasipato’komi untamai mana’na to masallo’ lan inan masero.

KOLOSE 2:7

mennuaka’komi sia bantangkomi lan Kalena sia batta’komi lan kapatonganan, susitu mangka diadarangkomi, ammi pabuda pa’kurre sumanga’.

KOLOSE 3:17

Na apa-apa mipogau’, la diona kada la diona pengkarangan, mintu’na la mipogau’ lan sanganNa Puang Yesu, ammi ma’kurre sumanga’ langngan Puang Matua, iamotu Ambe’, tete dio Kalena.

1 TESALONIKA 5:18

sia ma’kurre’ sumanga’ diona mintu’na, belanna iamoto tu pa’poraianNa Puang Matua lako kalemi tete dio Kristus Yesu;

1 TIMOTIUS 2:1

Iannamoto bunga’na pa’pakilalangku, la mipangandoan sia mipassambayangan sia mipalakuan sia la mipa’kurre sumangasan tu mintu’ tau;

1 TIMOTIUS 6:12

Pembela-belai lan rari melona kapatonganan, pellambi’i tu katuoan matontongan, tu ditambammoko, sia mangkamoko unnaku pangakuan tongan dio tingayona buda sa’bi.

IBRANI 13:15

Iamorato anna tete dio Yesu, tala tontong umpemalaranni langngan Puang Matua tu pemala’ pa’pudi-pudian, tu bua tassu’ dio puduk unnaku sanganNa.

KADA OMBO’ LAKO RASULU’ YOHANES 7:12

nakua: Amin, mintu’na kadipudian sia kamala’biran sia kakinaan sia pa’kurre sumanga’ sia kadipangkeran sia kuasa sia kamatotoran lu lako Puangta tontong sae lakona! Amin.