KOLOSE 2:20 - Sura' Madatu

²⁰ Iake mangkamokomi mate sola Kristus tilendok dio mai aluk lino dolo, ma’apai ammi popa’taloan kalemi lako ma’rupa-rupa atoran butung to tuopokomi lan lino? iamotu nakua:

KOLOSE 2:20 ပူးပေါင်းရင်းမြစ်များ

YOHANES 15:19

Iakenna alakomi bilangan lan te lino, sipatu tu lino unnala mase apanna, apa belanna tae’ naalakomi bilangan lan te lino, sangadinna mangkamokomi Kupilei lan mai te lino, iamoto anna kabiri’komi te lino.

2 KORINTUS 10:3

Belanna moi angki tuo unturu’ a’gan lino, tae’ duka angki parari unturu’ a’ganna pa’kalean.

GALATIA 4:3

Ten dukamoto te kita, iatonta piapa, mengkaolaki’ lako aluk lino dolo.

GALATIA 6:14

Apa dennoupa’ da’ angku massattuan, sangadinna ke diona kayu pea’ta’Na Puangta Yesu Kristus, ia dukamo bannangnato, anna iate lino tia’ta’mo, namateammo kaleku sia susi duka kaleku to lako te lino.

EFESUS 2:15

belanna mangka umpasalian tuntunan sukaran aluk sola mintu’ pangalukanna lan batang kaleNa, dikua anna lan Kalena Nanii umpopendadi misa’i tolino ba’ru patomalinna anNa pabu’tu kasikaeloan,

KOLOSE 2:14

sia tonna butaimi tu sura’ indan sola mintu’ atoranna, tu unno’tonniki’ sia unneaki’; anNa alai dio mai kaleta, Napakui lako kayu pea’ta’.

KOLOSE 2:16

Iamoto da naden misa’ tau umpasalakomi tu diona kande ba’tu diiru’na ba’tu lan attu dipakaraya ba’tu bulan ba’ru ba’tu allo katorroan,

KOLOSE 2:21

Da mutoei, da mule’i, da mukaka’i!

KOLOSE 2:8

Pengkilalai tonganni da naden misa’ tau umpaalaikomi kapaissananna to paminnakan sia pangadaran ma’papusa tang kebattuan, situru’ panganna to dolo sia aluk lino dolo, tu tang unturu’ Kristus;

KOLOSE 3:3

Belanna mangkamokomi mate, na iatu katuoammi mellindung sola Kristus lan Puang Matua.

IBRANI 13:9

Da napapusakomi ma’rupa-rupa pangadaran makalaen-laen, belanna iatu tonganna, melo ke napabatta’i pa’kamaseanNa Puang Matua tu penaanta, tangia ma’rupa-rupa kande, tu tae’ gai’na lako to umpogau’mi tu iannato.

YAKOBUS 4:4

E kamu tu dipasitinti to ma’gau’ sala, tae’raka mitandai kumua kasiporaian lino iate, iamo kasiualian Puang Matua? Iamoto minda-minda morai la siporai lino iate, iamo mendadi ualinNa Puang Matua.

1 YOHANES 5:19

Taissan kumua lu dioki’ mai Puang Matua, apa mintu’ lino te naluang kuasanna deata bulituk.