KOLOSE 2:19 - Sura' Madatu

¹⁹ sia tae’ namanda’ mentoe lako tu Ulu, tu nanii batang kale napasanda sia napasikande mintu’ lesokan sia ura’, nasalobo’-lobo’na Napalobo’ Puang Matua.

KOLOSE 2:19 ပူးပေါင်းရင်းမြစ်များ

LUKAS 5:38

sangadinna iatu anggoro’ ba’ru sipatu dipatama kiriba’ ba’ru.

YOHANES 17:21

kumua anna mendadi misa’ sola nasangi, susi Kamu lan Kaleku, o Ambe’, sia Aku lan Kalemi, anna mendadi misa’ duka lan Kaleta, anna patonganni issinna te lino, kumua Kamu ussuaNa’.

PENGGAURANNA RASULU’ 4:32

Iatu to buda tu to ma’patonganmo situru’ bang sia sanginaa, sia tae’ bangi misa’ umpokadai tu apa naampui misa, sangadinna mintu’i umpoapai sola.

ROMA 11:17

Apa iake le’toi ba’tu pirang-pirang tangke, anna iko tu saitun pangala’, dipopengkale’pe’ tama, ammu pada unnalai lompona tu uaka’ to’ saitun,

1 KORINTUS 1:10

E kamu siulu’ku, ussa’bu’na’ sanganNa Puangta Yesu Kristus, umpakilalakomi, dikua ammi sanginaa sola nasang sia da misisarangnga’ bang, sangadinna la manda’komi lan kasiturusan umpamisa penaa sia misa pa’tangngaran.

1 KORINTUS 11:3

Apa kuporai ke miissanni kumua, iatu Kristus pangulunna mintu’ muane, na muane pangulunna baine, anna Puang Matua pangulunNa Kristus.

1 KORINTUS 3:6

Mangkamo’ mantanan na Apolos ma’sakka’i, apa Puang Matua Ia tu umpatuoi.

EFESUS 1:22

Sia mintu’na angge maritik Napopengkanorong Puang Matua diong to’ lentekNa, sia Nakamasean kombongan mendadi pennuluanna mintu’na angge maritik.

EFESUS 1:23

Anna iatu kombongan iamo batang kaleNa sia kasundunanNa Kristus, tu umpasundun nasangi lan mintu’na.

EFESUS 2:21

Lan Kristus dinii umpasikala’ nasangi tu garagan banua dipabendan, anna salangngan-langnganna nabendan misa’ banua kabusungan maindan diona Puang.

EFESUS 4:3

Ammi pengkullei ungkaritutui kasisanginaan tete dio Penaa ussiulangi kamarampasan;

EFESUS 5:29

Belanna tae’ bangpa ia tau misa’ ungkabiri’ batang kalena, sangadinna nadaranai sia nakaritutui susi Kristus anna kombongan;

FILIPI 1:27

Samamira kumua iato katuoammi la sitondon Kareba-kaparannuanNa Kristus, dikua la iake saena’ untirokomi, la iake pa’dena’, anna rampo tama talingangku, kumua tontongkomi misa’ penaa sia sanginaa sibalian umpangeai kapatonganan diona Kareba-kaparannuan.

KOLOSE 1:10

kumua anna pato’ lako Puang tu gau’mi, anNa poraikomi lan mintu’na, ammi pabu’tu bua lan mintu’ gau’ melo, sia sakerangngan-rangnganna kauntandaiammi Puang Matua.

KOLOSE 1:18

sia Iamo Ia ulunna batang kale, iamotu kombongan; Iamo tipamulanna sia pa’bunga’ malimbangun dio mai to’ to mate, kumua anna lan mintu’na angge maritik Iamo ma’iringanna.

KOLOSE 2:2

dikua anna dipakatana penaanna sia dipasikala’ lan pa’kaboro’, napoulangi ullambi’ kasugiran kapaissanan matarru’, tu ungkanassai sia untandai tonganni, naurunganni untandai tu apa tang paanNa Puang Matua, iamotu Kristus.

1 TESALONIKA 3:12

Sia anNa Puangmora umpasake- rangngan-rangnganna kasiala-maseammi sia umpalempan kasiala-masean lako mintu’ tau susi kami unnala mase- komi.

1 TESALONIKA 4:10

Belanna tonganna mipogau’mo susito lako mintu’ sangsiuluran dio lili’na Makedonia. Apa kipakilalakomi, e kamu sangsiulurangku, dikua anna sakendek-kendekna kasiala- maseammi.

2 TESALONIKA 1:3

E sangsiulurangku, sipatukanni tontong ma’kurre sumanga’ langngan Puang Matua diona kamu, susitu sielle’na siamo, belanna sakendek-kendekna tu kapatonganammi sia iatu kasialamaseammi tang dikemba’mo lako kamu simisa’-misa’mi sola nasang,

1 PETRUS 3:8

Ma’katampakanna sipatukomi sola nasang sanginaa, sia maturu-turu, sia unnala mase mintu’ siulu’, sia madulu’, sia umpamadiongan penaa;

2 PETRUS 3:18

sangadinna sakendek-kendekmi lan pa’kamasean sia kauntandaian diona Puangta sia To pakarimmananta, Yesu Kristus. Lu lako Kalena tu kamala’biran, la totemo te, la attu tontong sae lakona. Amin.