KOLOSE 2:18 - Sura' Madatu

¹⁸ Da’ naden misa’ tau umpasisayurangkomi tanda kabilangammi, tu to unna’ga madiongan kalena sia menomba lako malaeka’, anna pamatampo punala kalena tete dio tangnga’ pa’kaleanna,

KOLOSE 2:18 ပူးပေါင်းရင်းမြစ်များ

KADADIAN 3:13

Ma’kadami PUANG Kapenomban lako tu baine: Apara te mangka mupogau’? Mebali tu baine: Napakenana’ ula’ angku kandei.

AYUB 38:2

Mindara tu umpamalillinni tu pangra’ta’ tanan penaanNa Puang ma’kada tang ma’battuan?

YESAYA 57:9

Saeko mennolo lako Molokh umbaa minna’ busarungngu’ sia mupasakka’ buda liu tu salap; sia musua tu mintu’ pesuammu male mambela, sia musua rokko lino to mate.

YEHEZKIEL 13:3

Inde sia tu kadanNa Puangta PUANG Nakua: Upu’ allona tu mai nabi baga, tu unturu’ tanan penaanna kalena, moi natae’ apa natiro. –

DANIEL 11:38

Apa naposondana deata iato mai la napenombai, iamo deata tambakuku, tu deata tae’ natandai nene’ to dolona la napenombai umpennoloan bulaan, salaka, parimata sia ma’rupa-rupa ianan masuli’.

KADIBILANGAN 25:18

belanna iatu penggauranna lako kalemi susito uali untangnga’-tangnga’ kadake unneakomi diona Peor sia diona Kozbi, anak arungna to Midian, iamo siulu’na baine, tu dipatei tonna allo kasanggangan tete dio Peor.

MATIUS 24:24

Belanna ba’tu pira-pira tu Kristus tang tongan sia nabi tang tongan la bendan, tu umpabu’tu tanda kalle-kallean tongan sia penggauran memangngan, kumua anna ma’papusa moi na iatu to ditonno’, ke la ma’din siai.

ROMA 1:25

tu ussondai kabuttokan tu katongananNa Puang Matua sia umpangke’ sia umpenombai tu panampaNa napasondana To manampa, tu sipatu dipudi sae lakona. Amin.

ROMA 16:18

Belanna iatu to susito, tangia to mekapuang lako Puangta Kristus, sangadinna umpopuang tambukna; sia mamming bang kadanna sia male’so’ untua’ ba’tangi to mai to ma’inaa sangkaloloan.

1 KORINTUS 13:4

Iatu pa’kaboro’ umpama’tan penaa sia kamasokanan; iatu pa’kaboro’ tang sisola kamabirisan; iatu pa’kaboro’ tang ussattuan kalena, tang madao penaa;

1 KORINTUS 3:3

belanna lanpakomi a’gan pa’kalean. Belanna ke denni kamabirisan sia kasisarangngasammi, tang lanrokomika pa’kalean sia umpogau’ pasirua tolino?

1 KORINTUS 4:18

Apa den ba’tu pira-pira tu tau umpamadao kalena takua to tae’mo kula male mati’.

1 KORINTUS 4:6

Mintu’nate iannate, e kamu siulu’ku, kupangande’i dio kaleku sia Apolos tu belanna kamu, ammi pelada’i dio mai kaleki kumua da ammi paleanni kamanarangammi tu disura’na, da ammi umpamadaoan kalemi ussattuan misa’ tau la umpaottonni to senga’.

1 KORINTUS 8:1

Iatu diona apa dipemalaran lako deata, taissan kumua mintu’ki’ den paissanta. Iatu kapaissanan umpamadao penaa, apa iatu pa’kaboro’ umpabatta’ kapatonganan.

1 KORINTUS 9:24

Tae’raka miissan kumua mintu’na tu to ma’dondo-dondo lan kasilomban, pada ma’dondo nasang, apa misa’ bangsiari tu unnappa’ tanda kabilangan? Ma’dondo-dondomokomi susito, ammi appa’ tanda kabilangan.

2 KORINTUS 11:3

Apa mataku’na’ susi manii ula’ umpakena Hawa napalaoi tangnga’na, susi duka manii to dipatangma’rundunan penaammi sia dipasepang dio mai kamalamburan sia kamaseroan ma’palulako Kristus.

2 KORINTUS 12:20

Belanna mataku’na’ saena’ manii mati’ angku kabu’tuikomi, tae’ nasusi tu kuporainna, susi duka aku, ke mikabu’tuina’, tae’ nasusi tu miporainna; mataku’na’ den manii kasigagan, kamagallian, kare’dekan ara’, kasisala-salan, pa’palele beko, ma’parampo sala, kapabe’sean, kamarukkan.

EFESUS 4:17

Inde sia tu kadangku sia kukatottongi lan Puang, kumua da’mo nasusi gau’na to kapere’ tu gau’mi, unturu’i tu tangnga’ tae’na gai’na,

EFESUS 5:6

Da naden misa’ tau umpapusakomi napokadan kada tang kebattuan; belanna iamora napobannang to anna rampoi kasengkeanNa Puang Matua tu mai to battuk.

PA’TOLE 29:29

Iatu apa kabunian Napoissan PUANG, Kapenombanta, apa iatu dipaombo’namo ma’din taissan sia ma’din naissan anakta sae lakona, kumua anta turu’i tu mintu’ kada Sukaran aluk iate.

FILIPI 3:14

angku ma’dondo-dondo lako tu tanda umpempatui tu bua kamara’tasan tu napaombo’ petambaNa Puang Matua dao mai, tete dio Kristus Yesu.

KOLOSE 2:23

Mintu’na tu iannato, moi anna disanga kakinaan, belanna umpogau’ kamenomban pangala penaa kalena sia umpamadiongan penaa sia umpakario-rio kale, apa mintu’nato tae’ bua’na, dinii bangri umpaliu pa’poraian a’gan lino.

KOLOSE 2:4

Ia sia kupokadai te, dikua da naden misa’ tau umpakenakomi kada pelono’.

KOLOSE 2:8

Pengkilalai tonganni da naden misa’ tau umpaalaikomi kapaissananna to paminnakan sia pangadaran ma’papusa tang kebattuan, situru’ panganna to dolo sia aluk lino dolo, tu tang unturu’ Kristus;

1 TIMOTIUS 1:7

La morai pandita Sukaran aluk, moi anna tae’ naissanni tu apa napokada sia iatu namanassainna.

1 TIMOTIUS 4:1

Apa maleso tongan tu kadanNa Penaa, kumua undinna, la sorong boko’ tu tau pira dio mai kapatonganan, belanna menturu’ lako penaa ma’papusa sia lako ba’tu pira-pira pangadaranna deata masussuk,

2 PETRUS 2:14

Mentia’-tia’ bang tu matanna ma’gau’ sala sia tang natorei umpogau’ kakadakean, nadaai tu to tang bantang penaanna, umpopa’biasa basisi penaanna, anak-anak ditampakki ropu;

1 YOHANES 2:26

Mintu’na apa iate mangkamokomi kusurasan tu diona to la umpapusakomi.

KADA OMBO’ LAKO RASULU’ YOHANES 12:9

Dipembuangammi tu naga kapua, iamo ula’ tua, tu disanga deata patua’ ba’tang sia deata masussuk, tu umpapusa mintu’ issinna lino. Dipembuangammo tama lino sia mintu’ baananna dipembuangan dukamo sola.

KADA OMBO’ LAKO RASULU’ YOHANES 13:14

Napapusai tu mintu’ to torro lan te lino tete dio ma’rupa-rupa tanda kalle-kallean tu dibenni la napogau’ dio tingayona olo’-olo’ iato. Nasuami tu mintu’ to torro lan te lino unggaraganni rapang-rapang dipodeata tu olo’-olo’ mangka nabangkei pa’dang, apa tuo sia.

KADA OMBO’ LAKO RASULU’ YOHANES 13:8

Mintu’na tu to torro lan te lino la umpenombai, iamotu to randuk dio mai diparandanganninna te lino, tang disura’ sanganna lan sura’ katuoanNa Anak domba, tu mangkamo direre’.

KADA OMBO’ LAKO RASULU’ YOHANES 19:10

Tukkumo’ umpenombai, apa nakua lako kaleku: Da mususi to! Aku te, padaki’ taunNa Puang Matua, sia susi duka mintu’ sangsiulurammu tu untoena apa Nakatottonginna Yesu; Puang Matua Ia tu la mupenombai! Belanna iatu apa Nakatottonginna Yesu, iamo napopenaa pa’nubua’.

KADA OMBO’ LAKO RASULU’ YOHANES 3:11

Madoi’ tu kasaeangKu, toe manda’i tu apa dio kalemu, da naden misa’ tau umpasayu’ko makotamu.