KOLOSE 2:14 - Sura' Madatu

¹⁴ sia tonna butaimi tu sura’ indan sola mintu’ atoranna, tu unno’tonniki’ sia unneaki’; anNa alai dio mai kaleta, Napakui lako kayu pea’ta’.

KOLOSE 2:14 ပူးပေါင်းရင်းမြစ်များ

NEHEMIA 4:5

Da Misamboi tu kakadakeanna tau iato mai sia da nadipa’dei tu kasalanna dio oloMi, belanna iatu tau iato mai umpa’dikki penaanna mintu’ tau ma’bangun sule. –

ESTER 3:12

Ta’kala natambaimi tu mintu’ to massura’na datu tonna allo ma’pessangpulo tallunna bulan bunga’na, sia disura’ tu sura’ susi tu napasan Haman lako mintu’ to maraa lompona datu, sia mintu’ to maraa dio lu mintu’ propinsi sia arungna mintu’ bangsa, lako mintu’ propinsi umpake passura’na siamo sia lako mintu’ bangsa umpake basana siamo; iatu sura’ iato mai disura’ tete dio sanganna datu Ahasweros sia dica’ sissin peca’na datu.

ESTER 8:8

Totemo la massura’komi diona to Yahudi tu misanganna melo tete dio sanganna datu, ammi ca’i sissin peca’na datu; belanna misa’ sura’, tu disura’ tete dio sanganna datu sia dica’ sissin peca’na datu tae’mo nama’din diriu’ sule.

PA’PUDIAN 51:1

Lu lakona pangala sengo. Pa’pudianna Daud.

PA’PUDIAN 51:9

Pamaserona’ supa angku masero pindan, baseina’, angku mandu mabusa anna ambun makko.

YESAYA 43:25

Aku, Akumote tu umpa’dei mintu’ kakadakeammu belanna iamo pa’poraiangKu sia tae’mo Kupalanni penaa tu kasalammu.

YESAYA 44:22

Kusarrinni tu kakadakeammu susi rambu roya sia iatu kasalammu susi salebu’; la suleko lako Kaleku, belanna Akumo tu ullendokangko.

YESAYA 57:14

Attu iato den kada Nakua: Bumbunni, bumbunni, rantei tu lalan. Lolinni nasangi tu batu katitodoan dio mai lalanna taungKu.

KADIBILANGAN 5:23

Mangkato la nasura’ to minaa tu mintu’ sumpa iate lan sanglamba’ karattasa’, anna basei pole’i uai mapai’ iato,

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

PENGGAURANNA RASULU’ 3:19

Iamoto menassankomi sia mengkatoba’ anna dibasei tu kasalammi sia kumua anna den tu attu kamanamanan dio mai oloNa Puang,

KOLOSE 2:20

Iake mangkamokomi mate sola Kristus tilendok dio mai aluk lino dolo, ma’apai ammi popa’taloan kalemi lako ma’rupa-rupa atoran butung to tuopokomi lan lino? iamotu nakua:

2 TESALONIKA 2:7

Belanna lalomo tu rasia kakelokan; iamira tu to unnampangi sae lako totemo la dipa’dei dolo.

IBRANI 7:18

Susinnamorato na iatu atoran dolo dipa’dei, belanna malamma’ sia tae’ gai’na,

IBRANI 8:13

Diona ussa’bu’ basse ba’ru Nasangamo malusa tu bunga’na; iatu apa malusamo sia matuamo sattu’mora napa’de.

1 PETRUS 2:24

Ia Kalenamo umpassanni lan batang kaleNa tu mintu’ kasalanta Napemalaranni dao kayu pea’ta’, kumua iatonna tiro matemoki’ kasalan, la natiro tuoki’ kamaloloan; belanna iatu kamassendang-sendanganNa mipomondo.