KOLOSE 2:11 - Sura' Madatu

¹¹ Tete dio duka anna dipogau’ lako kalemi tu sunna’ tang naola lima, diona kauntampeanna pa’kalean kasalan, iamotu sunna’Na Kristus.

KOLOSE 2:11 ပူးပေါင်းရင်းမြစ်များ

YEREMIA 4:4

Sunna’i tu kalemi lako PUANG sia tibei tu salepe’ kasirisan penaammi, e kamu to Yehuda sia pa’tondokan Yerusalem, da nama’lana-lana susi api tu kare’dekangKu sia ma’pamampu’, naurunganni tang dibela dipa’dei, belanna penggauran kadakemi.

MARKUS 14:58

Kirangimo tu kadanNa tau iate kumua: La Kurondonni te Banua Kabusungan tu nagaraganna limanna tolino na tallung allori Kupabendanni tu Banua Kabusungan senga’, tu tangia panggaraga lima tolino.

LUKAS 2:21

Iatonna ganna’mo karua allona tinde Pia, la disunna’mi, disangai dukami Yesu, susitu nasanganni malaeka’, tonna tae’pa natambukki indo’na.

PENGGAURANNA RASULU’ 17:24

Iatu Puang Matua umpadadi lino sia mintu’ issinna, Iamo Puangna langi’ sia lino, tae’ Natorro lan banua penomban, tu panggaraga lima;

PENGGAURANNA RASULU’ 7:48

Apa iatu Puang patodoranna tae’ Nanii banua panggaraga lima, susitu napokada nabi nakua:

ROMA 2:29

sangadinna iatu Yahudi tongan, iamo Yahudi lanna lu, sia iatu massang sunna’ iamotu lanna ba’tang tete dio Penaa, tangia tete dio sura’. Iamoto iatu kadipudianna tae’ nalu dio mai tolino, sangadinna lu dio mai Puang Matua.

ROMA 6:6

Belanna taissan kumua iatu a’gan pa’kalean masainta mangkamo dipasia’ta’ dikua anna disabu’i tu kale kasalan, da tanenne’ umpopengkaunan kaleta lako kasalan;

ROMA 7:24

A’a to masolangna’ aku te! Mindamo la urrampananna’ tassu’ lan mai te kale kamatean?

2 KORINTUS 5:1

Belanna taissan kumua iake dirondonnimi tu tenda tanii torro lan te lino, la unnappa’ki’ misa’ banua lu dio mai Puang Matua dao suruga, la tanii torro, tu tangngia panggaraga lima, sangadinna tontong sae lakona.

2 KORINTUS 5:17

Iamoto iake denni misa’ tau tuo lan Kristus, iamo pa’padadi ba’ru; iatu mai apa malaun pa’demo; na tonganna dipopendadi ba’rumo.

GALATIA 2:20

Iatu tuoku te tangiamo aku umpoissanni, sangadinna Kristus tu tuo lan kaleku; apa iatu kupotuona lan kaleku totemo te, umpokatuoanna’ kapatonganan lako AnakNa Puang Matua, tu ungkamaseina’, sia ussorong Kalena belanna aku.

GALATIA 5:24

Apa iatu mintu’ taunNa Kristus Yesu mangkamo naa’ta’ tu pa’kalean sola kamoraianna sia kamailuanna.

EFESUS 4:22

iamotu diona gau’ dolomi, la mitibe tu pa’kalean masaimmi, tu sanggang napobua’ kamoraian lu dio mai tangnga’ sala,

PA’TOLE 10:16

Iamoto sunna’i tu kuli’ penaammi sia damo mimatoro.

PA’TOLE 30:6

Sia PUANG, Kapenombammu, la ussunna’i tu penaammu sia penaanna bati’mu, muurunganni ponno penaammu sia kalebu deatammu ungkamasei PUANG, Kapenombammu, ammu marendeng-rendeng.

FILIPI 3:3

Belanna kitari te tu umpogau’ sunna’ tongan, kitari tu menomba unturu’ PenaanNa Puang Matua, sia massattuan tu belanna Kristus Yesu, sia tang urrannuan a’gan tolino;

KOLOSE 3:5

Pamatemi tu mintu’ lesoan kale a’gan lino, iamotu: pa’pangngan buni, kamaruttakan, kamoraian, pa’poraian kadake, sia kabasisi-inaan, tu samanna memala’ lako deata;

IBRANI 9:11

Apa saemo tu Kristus mendadi Tominaa Kapua, tu oto’na mintu’ kameloan la bu’tu, unnolai tenda la’bi kapua sia la’bi sundun, tangia panggaraga lima, battuananna tangia lu dio mai te lino,

IBRANI 9:24

Belanna iatu Kristus tangia tamamo inan maindan panggaraga lima, tu rapang-rapang batangna inan maindan, sangadinna tama batang suruga, la mennolo totemo dio oloNa Puang Matua belanna kita.