KOLOSE 1:27 - Sura' Madatu

²⁷ Lako tu tau iamoto Naporai Puang Matua umpasomboi, tumba kapuana kamala’biranna rasia iato dio lu to kapere’, iamotu Kristus tu dio kalemi; Iamo kapa’rannuanan, tu diporannu la ungkabu’tui kamala’biran,

KOLOSE 1:27 ပူးပေါင်းရင်းမြစ်များ

MATIUS 13:11

Mebalimi sia Nakua ungkuanni tu tau: Iatu kamu dibenkomi pa’kamasean la unnissanni tu rasia diona Parenta Suruga, apa iatu mati’ tau tae’ ia dikamaseanni.

LUKAS 17:21

Sia tae’ duka nala kua tau kumua: Tiroi inde, ba’tu tiroi dio, belanna iatu ParentaNa Puang Matua lan tangnga-tangngami.

YOHANES 14:17

Iamotu Penaa Kamanaparan, tu tang nabelanna te lino untarimaI, belanna tae’ nakitaI sia tae’ natandaI; apa kamu te mitandaI kamu, belanna Ia urrondongkomi, sia la lan kalemi.

YOHANES 14:20

Allo ia bangsiamoto ammi issanni kumua Aku lan Ambe’Ku na kamu lan Kaleku, sia Aku duka lan kalemi.

YOHANES 14:23

Mebalimi Yesu nakua ungkuanni: Iake den tau ungkamali’Na’, la nakaritutui tu kadangKu, anNa kamasei Ambe’Ku, sia la saeKanni lako kalena sia mareso’ dio.

YOHANES 17:26

Sia mangkamo Kupa’petandan tu sangamMi lako sia la Kupa’petandampa, anna lan kalena tu pa’kaboro’ susi pa’kaboro’Mi lako Kaleku, sia angKu lan duka kalena.

YOHANES 6:56

Minda-minda tu ungkande kaleKu sia unniru’ raraKu, iamo torro lan Kaleku sia Aku torro lan kalena.

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

ROMA 2:4

Ba’tu tae’raka muangga’i tu kamasokanan tang dilambi’Na sia kama’tananNa sia pesuka’ kalandoNa sia tae’ muissanni, kumua iatu kamasokananNa Puang Matua urrendenko lako katobaran?

ROMA 5:2

sia dio dukaRi, anta ma’din tama te pa’kamasean iate (tete dio kapatonganan) tu tanii bendan; anta massattuan belanna rannunta diona kamala’biranNa Puang Matua.

ROMA 8:10

Apa iake denni lan kalemi tu Kristus, iatu batang kale inang mate belanna kasalan, apa iatu penaa tuo belanna kamaloloan.

ROMA 9:23

Iamo Napogau’i susito kumua la Napa’peissanan tu kasugiran kamala’biranNa lako apa nanii kamaturu-turuan, tu Naparandanan dolomo kamala’biran?

1 KORINTUS 3:16

Tae’raka miissanni kumua iatu kalemi banuanNa Puang Matua, sia iatu PenaanNa Puang Matua torro lan kalemi?

2 KORINTUS 2:14

Apa kurre sumanga’na langngan Puang Matua, tu tontong umpasonglo’kan lan mai pa’telangan la male lumiling tama tondok belanna kapataloan tete dio Kristus sia umpatitantan busarungngu’na kaditandaianna Kristus diona kadangki dio lu mintu’ inan.

2 KORINTUS 4:17

Belanna iatu kamaparrisanta tu maringngan bangsia sia tae’ nasangapa, umpabu’tuangki’ misa’ ma’kalolokanna kamala’biran matontongan,

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

2 KORINTUS 6:16

Sia apara nasikandei banuanNa Puang Matua tu deata? Belanna kitamote tu banuanNa Puang Matua matontongan, susitu kadanNa Puang Matua, Nakua: La torroNa’ sia la sumalongNa’ dio lu naninna tau iato, sia la mendadiNa’ Puangna tau iato, anna tau iato la mendadi taungKu.

GALATIA 2:20

Iatu tuoku te tangiamo aku umpoissanni, sangadinna Kristus tu tuo lan kaleku; apa iatu kupotuona lan kaleku totemo te, umpokatuoanna’ kapatonganan lako AnakNa Puang Matua, tu ungkamaseina’, sia ussorong Kalena belanna aku.

GALATIA 4:19

E kamu anakku, belanna kamu angku perasai pa’di’ butung to mangurria’, anna ma’rupa tu Kristus lan kalemi.

EFESUS 1:7

Tu tapobannang ungkabu’tui kadila’bakan diona raraNa iamotu kadipa’deianna mintu’ kasalan, situru’ kakapuanna pa’kamaseanNa,

EFESUS 2:22

Lan duka Kristus minii dipabendan sola, ammi dadi inan Nanii Puang Matua diona Penaa.

FILIPI 4:19

Anna Puangku umpasilasan mala’bi’i tu mintu’ kakurangammi situru’ kasugiranNa tete dio Kristus Yesu.

KOLOSE 1:5

sia diona apa dirannuan, tu diparandanangkomi dao suruga, tu mangkamo mirangi dolona lan kada kamanapparan, iamotu Kareba-kaparannuan,

KOLOSE 2:3

Indemoto nanii karerungan tu mintu’ kakinaan sia kapaissanan butung ianan ballo, mentirerung.

KOLOSE 3:11

Tu naninna tae’mo to Yunani ba’tu to Yahudi, to disunna’ ba’tu to tang disunna’, bangsa senga’ ba’tu to Skit, kaunan ba’tu to makaka, sangadinna ma’massangmo Kristus sia Naluang nasangmo.

1 TIMOTIUS 1:1

Iate sura’ lu dio mai Paulus, rasulu’Na Yesu Kristus tete dio pepasanNa Puang Matua, To pakarimmananta, sia dio mai Yesu Kristus kapa’rannuananta,

IBRANI 6:19

tu susi sau penaanta bantang sia matoto’, tu mentama tarru’ dio boko’ kulambu sapa’,

1 YOHANES 4:4

E anakku, kamu te lu diokomi mai Puang Matua sia mangka untaloi tau iato mai, belanna mandu kapua tu To lan kalemi na iatu to lan lino.

KADA OMBO’ LAKO RASULU’ YOHANES 3:20

Tiromi bendanNa’ dio to’ ba’ba angKu ma’dedek; iake narangii tau tu gamarangKu, anna bungkaranNa’ ba’ba, la tamaNa’ angKu kumande sola.