KOLOSE 1:25 - Sura' Madatu

²⁵ Dialana’ to ma’kamayana kombongan situru’ tu passanan tengko Napatageranna’ Puang Matua belanna kamu, la umparampo sama lele kadanNa Puang Matua,

KOLOSE 1:25 ပူးပေါင်းရင်းမြစ်များ

1 KORINTUS 3:5

Mindara pale’ tu Apolos? Sia mindara tu Paulus? Iatu tau iato to ma’kamaya bangri, tu tete dio kalena ammi tama kapatonganan susitu mangka pantan Nakamaseanni Puang.

1 KORINTUS 9:17

Belanna iake ma’lalan inaannana’ umpogau’i tu iannato, den kupomelona dio; apa iake tang ma’lalan inaannana’, inang passanan tengkoku bangsia.

EFESUS 3:2

– inang mirangimo tu diona atoran kadipasseronganna pa’kamaseanNa Puang Matua, tu dikamaseanna’, kamu napatu –

EFESUS 3:7

Anna aku dipadadi to ma’kamayana Kareba-kaparannuan, situru’ serong pa’kamaseanNa Puang Matua, tu Napa’kamasean lako kaleku sitinaya pengkarangan kamatotoranNa.

KOLOSE 1:23

podo ammi bantang sia batta’ umpoparandangan kapatonganan, apa pole’pa, ke tae’i mimemboko’ dio mai kapa’rannuanan napabu’tu Kareba-kaparannuan, tu mangkamo mirangi, tu dipa’peissanan lako mintu’ sangga menaa lan nasambo langi’ sia tu kuninna te aku Paulus mendadi to ma’kamayana.

1 TESALONIKA 3:2

Angki sua Timotius siulu’ta, iamo misa’ to ma’kamayanNa Puang Matua lan kadipalolanganna Kareba-kaparannuanNa Kristus, la umpakananna’ sia umpakilalakomi diona kapatonganammi,

1 TIMOTIUS 4:6

Iake mupa’pakilalanni te mintu’na te lako sangsiuluranta, manassa ikomo tu to masokanNa Kristus Yesu, to ungkaritutuiko kalemu diona kada pa’patongan sia mintu’ tu pangadaran melo tu mupengkaolainnamo.