KOLOSE 1:16 - Sura' Madatu

¹⁶ belanna tete lanri Kalena anna dipadadimo tu mintu’ angge maritik dao langi’ sia lan lino, mempaanna sia tang mempaanna, la esungan kapayungan, la pekapuangan, la to ma’parenta, la to paa; tete dio Kalena sia lu lako Kalena anna dipadadi tu mintu’ angge maritik;

KOLOSE 1:16 ပူးပေါင်းရင်းမြစ်များ

1 OSSORANNA DATU 29:11

Kamumo, o PUANG, unnampui kapasareonganan sia kamatotoran, kamala’biran, kadipangkeran sia kabarre-alloan. Kamuri tu unnampui tu mintu’na apa dao langi’ sia lan lino; Kamuri tu unnampui kadatuan, o PUANG, sia Kamu unnampui kapaan undaoanni mintu’ apa.

NEHEMIA 9:6

Kamu mannari tu PUANG, Kamumo tu mangka umpadadi langi’, ondongpi langi’ tu daona lu mintu’ langi’ sia mintu’ ma’dandan maritikna, sia lino sola mintu’ tu untongkonni sia tasik sia mintu’ tu apa lan; sia Kamu umpatuoi tu mintu’na sia mintu’ ma’dandan maritik dao langi’ tukku menomba dio oloMi.

SARAMBU PEADA’ 16:4

Mangkamo Napadadi PUANG tu mintu’na la unturu’i tu lalan pa’inaanNa, moi na iatu to tang mekaaluk, la Naparampoi duka allo kamandasan.

YESAYA 43:21

Iatu bangsa mangka Kukombong la umpakala’bi’Na, la umpatale’ kadipudiangKu.

YESAYA 44:24

Inde sia tu kadanNa PUANG, Pela’bakmu sia To tumampamu tempon lan mai pa’tambukanna indo’mu: Akumo tu PUANG ungkombong nasangi te mintu’na; Aku manna umpalumbangi te langi’; Aku manna umpatungarai te tana kalua’ tete dio kamatotorangKu.

YOHANES 1:10

Lanmo lino sia mangka Napadadi te lino, apa tae’ natandai lino.

YOHANES 1:3

Mintu’na angge maritik dipadadimo tete dio Kalena, iake tae’i na Ia tae’ duka misa’ dadi tu mintu’na dadinnamo.

ROMA 11:36

Belanna iatu mintu’ angge maritik lu dio mai Kalena sia tete dio Kalena sia lu lako Kalena. Lu lako duka Kalena tu mintu’ kamala’biran sae lakona. Amin.

ROMA 8:38

Belanna kukatappa’i, kumua la kamatean, ba’tu katuoan, la malaeka’ ba’tu to paa, la denna totemo ba’tu mane la saena, ba’tu misa’ kamawatangan,

ROMA 9:5

tu umponene’i tu mai to dolo, dio duka mai to Israel nanii bu’tu Kristus diona a’gan kale tolinoNa, Kapenomban sipatu dipudi sae lakona! Amin.

1 KORINTUS 8:6

apa kita, Misa’ri Kapenomban, iamotu Ambe’, namintu’na angge maritik Ia nasang oto’na, na kita te ma’pangudu lu lakoki’, sia misa’ dukari tu Puang, iamotu Yesu Kristus, napodenni mintu’ apa sia tapobannangI den.

EFESUS 1:10

la Napasakka’ tu kagannaranna attu, anNa pasipulungi ma’misa lan Kristus tu mintu’na apa la daona suruga, la lanna lino.

EFESUS 6:12

Belanna tangia padanta ma’rupa tau tasiean, sangadinna mintu’ to ma’parenta sia to paa sia pangulunna lino tu umparenta kamalillinan iate sia mintu’ kuasa deata masussuk dao langi’.

PA’TOLE 4:39

Totemo la mutandai sia la mupalan penaa, kumua iatu PUANG Iamo Kapenomban lan langi’ dao sia dao kuli’na padang inde to diong, tae’ senga’na.

FILIPI 2:10

kumua anna lan sanganNa Yesu la malinguntu’ tu mintu’ guntu’, la iatu daona langi’, la lanna te lino, la iatu diongna lu te lino,

KOLOSE 1:15

sia Iamo rapang-rapangNa Puang Matua tang mempayan, sia Iamo Anak pa’bunga’ tu mintu’na pa’padadi,

KOLOSE 1:20

Sia bannang dioRi anNa padenni Puang Matua tu kasitaman tete dio raraNa dao kayu pea’ta’, sia bannang dio dukaRi anNa pasikaeloi Puang Matua Kalena tu angge maritik, la lanna lino la daona langi’.

KOLOSE 2:10

sia kamu duka dipasundun tete dio Kalena, tu to napopangulu mintu’ to ma’parenta sia to paa.

KOLOSE 2:15

Iatonna mangka ungkalosso’i tu mai to ma’parenta sia to paa, Napalaomi siri’na, anNa pakitanni tu kapataloanNa dio kayu pea’ta’.

IBRANI 1:2

nama’katampakanna attu iate, ma’kadaMi lako kaleta Nalopian AnakNa tu Napamanassa umpomana’ mintu’na, tete dio dukari anNa padadii tu angge maritik.

IBRANI 2:10

Belanna Puang Matua, tu bannang Dio sia tete Dio duka napodenNi angge maritik, anNa solan ba’tu sangapa budanna anak lako kamala’biran, pato’ umpasundun Panglalan kasalamaranna tau iato, tete dio buda kamaparrisan.

1 PETRUS 3:22

tu mangkamo kendek langngan suruga, anNa unno’ko’ dio kananNa Puang Matua, na mintu’ malaeka’ sia to paa sia kakuasan mengkanorong lako Kalena.