KOLOSE 1:15 - Sura' Madatu

¹⁵ sia Iamo rapang-rapangNa Puang Matua tang mempayan, sia Iamo Anak pa’bunga’ tu mintu’na pa’padadi,

KOLOSE 1:15 ပူးပေါင်းရင်းမြစ်များ

PA’PUDIAN 89:27

La ma’kada lako Kaleku kumua: Kamumo tu Ambe’ku, Kapenombangku sia buntu batu kasalamarangku.

KATASSURAN 24:10

Natiromi tau iato mai tu Kapenombanna to Israel, na diong to’ lette’Na den susi sali batu parimata lasuri’, na iatu parrangna butung to langi’ maserrong.

KADIBILANGAN 12:8

PudukKu kalena sipa’kada pudukna, Kupamanassan tongan sia tae’ Kubunianni, sia natiro tu pa’kaleanNa PUANG, ma’apai anna tae’ mimataku’ unta’tanni tu taungKu Musa?

YOHANES 1:1

Tempon mulanna naden tu Bisara, na iatu Bisara siayoka Puang Matua, sia iatu Bisara Ia bangsia Puang Matua.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

YOHANES 1:18

Iatu Puang Matua moi misa’ duka tau tae’pa untiroi; anNa Anak misa, tu diong bantananNa Ambe’, Ia umpa’pepayananNi.

YOHANES 14:9

Nakuami Yesu ungkuanni: E Filipus, samamo masainna Kunii ussisolangkomi, natae’ bangsiaraka mutandaiNa’? Minda-minda tu ungkitaMo’, ungkitamo Ambe’. Ma’apai ammu kua: Pakitangkan tu Ambe’?

YOHANES 15:24

Iakenna tae’ Kupogau’i dio tingayona tu penggauran tae’ bangpa to senga’ misa’ duka umpogau’i tae’ra nala kasalan tu tau iatu mati’; apa totemo natiromo, anna kabiri’Na’ sola Ambe’Ku.

YOHANES 3:16

Belanna tenmoto tu Puang Matua ungkamasei tu issinna te lino, naurunganni umpa’kamaseanni tu Anak tungga’Na, kumua anna minda-minda umpatonganNi tae’ nala sanggang, sangadinna ungkabu’tui katuoan sae lakona.

ROMA 8:29

Belanna iatu to tempon dio mai Natandai, tempon dio dukapa mai Nalampakki la sangrupa a’ganna AnakNa, kumua anna Ia pa’bunga’ dio tu to budai sangsiuluran.

2 KORINTUS 4:4

tu mangka napabuta datunna lino tu mata penaanna to tang ma’patongan, kumua da anna kita arrang kamala’biranNa Kristus iamotu rupanNa Puang Matua.

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

FILIPI 2:6

tu moi anNa pada Ia a’ganNa Puang Matua, apa diona tu kapada-tandeanNa Puang Matua tae’ nasangai misa’ apa la nala’ka’I,

KOLOSE 1:13

Iamotu mangka urrampanangki’ dio mai kuasa kamalillinan sia umpalengka’ki tama parentaNa Anak pa’kaboro’Na,

1 TIMOTIUS 1:17

Mintu’na kadipangkeran sia kamala’biran lu lako Datu umparenta attu siosso’ Iamo Puang Matua tu tae’ kasangganganNa sia tang dikita, sia Puang Misa’ri, tontong sae lakona. Amin.

1 TIMOTIUS 6:16

Tu Ia manna unnampui tu tang mate, sia unnesungi arrang tang dirandan, tu tae’ lenpa tau untiroi ba’tu ma’din untiroi, na mintu’na kamala’biran sia kapaan matontongan lu lako nasang Kalena! Amin.

IBRANI 1:3

Iamo arrang kamala’biranNa Puang Matua sia bate rupanna A’ganNa sia Naria tu mintu’na tete dio kada kuasanNa; iatonna mangkamo umpogau’ kadiseroianna mintu’ kasalan, unno’ko’mi dio kananNa To patodoranna dao masuanggana.

IBRANI 1:6

Tu diona attu, ke la Napatama polei lino tu Anak pa’bunga’ iato, nakua kadanNa: Mintu’ malaeka’Na Puang Matua la umpenombai

IBRANI 11:27

Bannang dio dukamora kapatonganan anna tampei tu tondok Mesir tang ungkataku’ kasengkeanna datu, belanna bantang ia butung ungkita To tang kakitanan.

KADA OMBO’ LAKO RASULU’ YOHANES 3:14

Surasanni malaeka’ kombongan Laodikia susite: Iamote tu kada lu dio mai Puang tu disanga Amin, iamo sa’bi maruru’ sia tongan, pamulanna mintu’ pa’padadinNa Puang Matua.