KOLOSE 1:10 - Sura' Madatu

¹⁰ kumua anna pato’ lako Puang tu gau’mi, anNa poraikomi lan mintu’na, ammi pabu’tu bua lan mintu’ gau’ melo, sia sakerangngan-rangnganna kauntandaiammi Puang Matua.

KOLOSE 1:10 ပူးပေါင်းရင်းမြစ်များ

SARAMBU PEADA’ 16:7

Iake naalai penaanNa PUANG tu lalanna misa’ tau, Puang Kalena umpasikaeloi ualinna.

YESAYA 53:11

Belanna kakapuanna pa’di’na anna tiroi tu iannato sanamosona; sia tete dio kapaissananna tu tau malambu’Ku anna buda tau nabilang malolo, sia iamo la urrengnge’i tu kakelokanna tau iato mai.

DANIEL 12:4

Apa iko, e Daniel, nannai te mintu’ kada iate sia ca’i te Sura’ sae lako attu ma’katampakanna; buda tu tau la unnunnungi sia iatu kapaissanan la sakerangngan-rangnganna.

MIKHA 4:5

Belanna mintu’ bangsa pantan lolang tete dio sanganna deatanna, apa iatu kita la lolangki’ tete dio sanganNa PUANG, Kapenombanta, tontong sae lakona.

HABAKUK 2:14

Belanna la naponnoi kapaissanan diona kamala’biranNa PUANG tu mintu’ lino, susi uai buda ussamboi salinna tasik.

YOHANES 15:16

Tae’ anNa kamu umpileiNa’, sangadinna Akuri tu umpileikomi sia umpamanassakomi, ammi male umpalao bua, sia tontong tu buammi; dikua anna apa-apa tu mipalaku lako Ambe’ umpotete sangangKu, la Napa’kamasean lako kalemi.

YOHANES 15:8

Iamorato tu dinii umpakala’bi’ Ambe’Ku, to ke tarri’i buammi, sia iake susito dadikomi anak gurungKu.

YOHANES 17:3

Inde sia tu katuoan tontong sae lakona, ke natandaiKomi, o Puang tu misari sia tongan, sia iatu Yesu Kristus tu mangka Misua.

ROMA 1:13

Tang matana penaangku ke tang miissanni, e sangsiulurangku, kumua ba’tu pempirammo’ la morai male mati’ – nasae lako totemo sakkalanganna’, – dikua angku kabu’tui dukai buanna dio mai kalemi susi dio mai to kapere’ senga’.

ROMA 4:12

Sia napoambe’ dukai to disunna’ tu to tangia manna disunna’ sangadinna unturu’ lalan kapatongananna ambe’ta Abraham, tonna tang disunna’pa.

ROMA 6:4

Iamoto mangkamoki’ dipasilamun tete dio pa’dioran tama kamatean, kumua anna tumba tu Kristus mangkamo dipamalimbangun dio mai to’ to mate tete dio kamala’biranNa Ambe’, susi dukamoto tu kita la unnolai katuoan ba’ru.

2 KORINTUS 2:14

Apa kurre sumanga’na langngan Puang Matua, tu tontong umpasonglo’kan lan mai pa’telangan la male lumiling tama tondok belanna kapataloan tete dio Kristus sia umpatitantan busarungngu’na kaditandaianna Kristus diona kadangki dio lu mintu’ inan.

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

2 KORINTUS 5:9

Ia dukamoto anta pengkullei, la torro lannaki’ lu, la torro saliannaki’, kumua Naalaki’ penaanNa Puang.

2 KORINTUS 9:8

Kuasa tu Puang Matua umpakabu’ikomi pa’kamaseanNa, ammi tontong tang kakurangan lan mintu’na, naurunganni kala’biangkomi lan mintu’na penggauran melo.

EFESUS 1:17

kumua anna KapenombanNa Puangta Yesu Kristus, iamotu Ambe’ oto’na mintu’ kamala’biran, umpa’kamaseanni lako kalemi tu Penaa kakinaan sia kaNapamanassan untandai Puang Matua.

EFESUS 2:10

Belanna kita te panampaNaki’, Napadadiki’ lan Kristus Yesu la umpogau’ kameloan, tu Naparandan dolomo Puang Matua, kumua anta karitutui tu mintu’nato.

EFESUS 4:1

Iamo bannangnato, anna aku te to dirante bassi belanna Puang malaku lako kalemi, kumua ammi pasitende’i gau’mi tu petamba ditambangkomi.

EFESUS 4:13

taurunganni sola nasang landa’ lako kasisanginaan lan kapatonganan sia kapaissanan diona AnakNa Puang Matua sia lako kamatakkoan sae lako ma’angge kaloboranna kasundunanNa Kristus,

EFESUS 5:10

sia sudii tu apa Naporainna Puang.

EFESUS 5:15

Iamoto kainga’i meloi, umba la mipakuanni tu kalemi, da misusi to tang keinaa, sangadinna la susikomi to keinaa;

EFESUS 5:2

sia lolangkomi umpa’pekitanan pa’kaboro’ susi Kristus mangka ungkamaseikomi, sia mangka ussorong Kalena belanna kita, mendadi pemala’ sia pesuru’, tu busarungngu’ lako Puang Matua.

FILIPI 1:11

Sia naponnoikomi bua kamalamburan tete dio Yesu Kristus, umpabu’tuan kamala’biran sia kadipudian Puang Matua.

FILIPI 1:27

Samamira kumua iato katuoammi la sitondon Kareba-kaparannuanNa Kristus, dikua la iake saena’ untirokomi, la iake pa’dena’, anna rampo tama talingangku, kumua tontongkomi misa’ penaa sia sanginaa sibalian umpangeai kapatonganan diona Kareba-kaparannuan.

FILIPI 4:18

Kutarima nasangmo sia losongmo na iatu silasanna; kala’biammo’, tongku tarimami dio mai Epafroditus tu pamengammi, susi bau busarungngu’ sia pemala’ naala penaanNa sia Naporai Puang Matua.

KOLOSE 2:19

sia tae’ namanda’ mentoe lako tu Ulu, tu nanii batang kale napasanda sia napasikande mintu’ lesokan sia ura’, nasalobo’-lobo’na Napalobo’ Puang Matua.

KOLOSE 2:6

Tu belanna mitarimamo tu Kristus Yesu, tu Puang, lolangmokomi lan kasiturusanNa,

KOLOSE 3:20

E pia turu’i tu peada’na to matuammi, belanna susimoto tu NaporainNa Puang.

KOLOSE 4:5

Pa’pekitanangkomi kakinaammi lako to salian sia da’ mimatei tu attu melo.

1 TESALONIKA 2:12

angki pabatta’i tu penaammi sia kipasan-pasan, miangkaran gau’ sipatu pa’poraianNa Puang Matua, tu mangka untambaikomi tama ParentaNa sia kamala’biranNa.

1 TESALONIKA 4:1

Sia indepa, e sangsiulurangku, kipalaku lako kalemi sia kipakilalakomi lan Puang Yesu, susitu mangkanna mitarima dio mai kaleki, kumua umba la mipakuanni tu gau’mi anNa poraikomi Puang Matua, – susitu mipogau’ sia –, susi dukamoto la samipakendek-kendekna tu pengkaolammi.

2 TIMOTIUS 2:4

Tae’ misa’ tu surodadu marassan parari, umposara’ kalena kinallona, ia manna ria la naposara’ tu la naposendena tu to umpangului.

TITUS 3:1

Pakilalai tu mai tau, anna tunduk lako mintu’ to paa sia to ma’parenta sia anna mengkaola sia ma’parandan lako mintu’ penggauran melo.

TITUS 3:14

Sia melo ke napelada’i nasangi tu solata umpengkullei umpogau’ penggauran melo, la umpaganna’ kurangnapa, da anna tae’ buanna tu kapatongananna tau iato mai.

IBRANI 11:5

Bannang dio dukamora kapatonganan anna dipopellindung tu Henokh, kumua da naperasai kamatean; sia tae’mo anna kabu’tui tau, belanna Naalamo ia Puang Matua, belanna iatonna tae’pa nadipopellindung dikanassaimo kumua Naala ia penaanNa Puang Matua.

IBRANI 13:16

Sia da mimalilu umpa’pekitanan kamasokanan sia kamamasean belanna iatu pemala’ susito iamo Naporainna Puang Matua.

IBRANI 13:21

anna Iamora umpasakka’komi lan mintu’ melona, ammi pogau’i tu pa’poraianNa; sia Ia dukamora umpadenni lan kaleta tu Naporainna tete dio Yesu Kristus. Lu lako Kalena tu kamala’biran tontong sae lakona! Amin.

2 PETRUS 1:8

Belanna iake dio nasangi kalemi tu iannate, sia sakerangngan-rangnganna, iamora tang untangga’komi tukkunan sia tang membua diona kapaissanan untandai Puangta Yesu Kristus.

2 PETRUS 3:18

sangadinna sakendek-kendekmi lan pa’kamasean sia kauntandaian diona Puangta sia To pakarimmananta, Yesu Kristus. Lu lako Kalena tu kamala’biran, la totemo te, la attu tontong sae lakona. Amin.

1 YOHANES 3:22

sia apa tapalaku, la taappa’ dio mai Kalena, belanna takaritutui tu mintu’ parentaNa sia tapogau’ tu apa Naporai.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.

3 YOHANES 1:6

Tu mangkamo ungkatottongi pa’kaboro’mu dio olona kombongan; melo dukamo penggaurammu ke mukinalloi tu tau iato mai, susi sipato’na dio oloNa Puang Matua.