KADIBILANGAN 2:2 - Sura' Madatu

² Iatu mintu’ to Israel la pantan umpabendan tendana dio to’ banderana situru’ tu mai bate-bate rapunna; la ma’tenda tu tau iato tiku lao sikambela tu Tenda Kasitammuan.

KADIBILANGAN 2:2 ပူးပေါင်းရင်းမြစ်များ

PA’PUDIAN 74:4

Mintu’ to unneaKomi melalla-lalla lan tangnga kombongamMi, sia umpabendan rapang-rapang napodeata la napotoding minanga.

PA’PUDIAN 76:11

Manassa napudiKomi tu to masarrang, sia to masarrang tinampepa Mitaro’to’.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

YESAYA 18:3

E kamu mintu’ issinna lino sia mintu’ to untorroi kuli’na padang, iake naosokki tau tu bandera dao ma’buntunna, sipatu la mitiro, sia iake dipannonii tu napiri tanduk, sipatu la miperangii.

YEHEZKIEL 43:7

Sia ma’kada tu Puang lako kaleku, Nakua: E ma’rupa tau, iamote tu inan nanii isungan kapayungangKu sia inan pala’ lette’Ku, tu la Kunii torro dio lu to Israel tontong sae lakona; tae’mo nala urruttakki to Israel tu sanga madatungKu, la tau iato mai, la iatu mai datunna napobua’ gau’ salana sia napobua’ batang rabukna datunna tau iato mai’ ke matemi.

ZAKHARIA 9:16

Allo iato, PUANG, Kapenombanna, la urrampananni tu tau iato mai susi domba ma’baanan; iatu taunNa susi tuntunan dombaNa, ondongpi sangtinti parimata dio makotaNa, tu la pandillak-dillak lan tondokNa.

KADIBILANGAN 1:50

Sangadinna la mupatage’i to Lewi tu kema kasa’bian sia mintu’ pareanan sia mintu’ tu dipakena; anna tau iato umbullei tu kema sia mintu’ pareananna; sia la untoe pentoeanna dio sia ma’tenda untikui kema.

KADIBILANGAN 10:14

Iatu dolona ke’de’ iamotu banderana to’ tenda to Yehuda situru’ tuntunanna; na iatu pangulu tuntunan surodadunna Yehuda iamotu Nahason, anakna Aminadab.

KADIBILANGAN 10:18

Mangkato ke’de’mi tu banderana to’ tenda Ruben situru’ tuntunanna; iatu pangulu tuntunan surodadunna Ruben iamotu Elizur anakna Syedeur.

KADIBILANGAN 10:22

Mangkato ke’de’mi tu banderana to’ tenda to Efraim situru’ tuntunanna: iatu pangulu tuntunan surodadunna Efraim iamotu Elisama, anakna Amihud.

KADIBILANGAN 10:25

Iatu ma’katampakanna mintu’ to’ tenda ke’de’ iamotu banderana to’ tenda to Dan situru’ tuntunanna; iatu pangulu tuntunan surodadunna Dan iamotu Ahiezer, anakna Amisyadai.

KADIBILANGAN 2:1

Ma’kadami tu PUANG lako Musa sola Harun Nakua:

KADIBILANGAN 2:10

Iatu bandera dio to’ tendana Ruben la dio rampe lo’na lu situru’ tuntunanna. Iatu arung bati’na Ruben disanga Elizur, anakna Syedeur.

KADIBILANGAN 2:3

Dio rampe matallona, tu dio kabu’tuan allo, la nanii bendan banderana dio to’ tendana to Yehuda, situru’ tuntunanna. Iatu arung bati’na Yehuda disanga Nahason, anakna Aminadab.

KADIBILANGAN 24:2

Iatonna bangunanni Bileam tu matanna, sia natiro tu to Israel ma’tenda unturu’ sukunna. Narampoimi PenaanNa Puang Matua.

1 KORINTUS 14:33

belanna iatu Puang Matua Iamo Puangna karapasan, tangngia ma’pasirompo.

1 KORINTUS 14:40

Apa mintu’na tu iannato la dipogau’ susitu sipato’na sia dipopa’rundunan.

FILIPI 1:27

Samamira kumua iato katuoammi la sitondon Kareba-kaparannuanNa Kristus, dikua la iake saena’ untirokomi, la iake pa’dena’, anna rampo tama talingangku, kumua tontongkomi misa’ penaa sia sanginaa sibalian umpangeai kapatonganan diona Kareba-kaparannuan.

KOLOSE 2:19

sia tae’ namanda’ mentoe lako tu Ulu, tu nanii batang kale napasanda sia napasikande mintu’ lesokan sia ura’, nasalobo’-lobo’na Napalobo’ Puang Matua.

YOSUA 3:4

Apa melo ke iatu kasiallarammi na patti iato agi-agi duangsa’bu siku; da mimareke’ lako; ammi tandai tu lalan, tu sipatu la miolai, belanna tae’pa miola lenni tu lalan iato la iongi’ la duangbongi’.