IBRANI 9:8 - Sura' Madatu

⁸ Susimo a’gannato Nanii umpapayanni Penaa Masallo’, kumua tae’pa anna tibungka’ tu lalan lako to’ inan tarru’ maindan, ke bendan siapi tu tenda dolo,

IBRANI 9:8 ပူးပေါင်းရင်းမြစ်များ

YESAYA 63:11

Apa Nakilalai to attu mangka diboko’. Naingarammi tu Musa sia taunNa. Umbamira Ia tu To mangka ussolan to mangkambi’ baanan dombaNa diong mai to’ uai? Umbamira tu To mangka untua’ Penaa Masallo’Na tama ba’tengna tau iato mai?

LUKAS 1:80

Sakapua-puanami tinde pia, saponno-ponnona Penaa Masallo’ lan ba’tengna; dio bangmi lu padang pangallaran sae lako umpa’pekitananna kalena lako to Israel.

YOHANES 10:7

Nakua pole’omi Yesu: Tonganna tongan Kukua mati’, Akumote tu ba’ba domba.

YOHANES 10:9

Akumote tu ba’ba. Iake denni tau unnolaiNa’, iamo makarimman sia lu tama lu lan mai naungkabu’tui kande.

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

PENGGAURANNA RASULU’ 28:25

Apa ia kalena tinde tau tae’ kasiturusanna, sisarak-sarakmi, tonna mangka umpokadai Paulus te kada sangbuku kumua: Tonganna bang tu Napokada Penaa Masallo’ lako nene’ to dolota tu sun dio pudukna nabi Yesaya, nakua:

GALATIA 3:8

Belanna nakita dolomo Sura’ Madatu, kumua tete dio kapatonganan anNa bilang maloloi Puang Matua tu to kapere’, anNa pa’peissanan dolomi tu Kareba-kaparannuan lako Abraham Nakua: Bannang dio kalemu la nanii ungkabu’tui kamauparan tu mintu’ to kapere’.

EFESUS 2:18

belanna bannang dioRi anta belai patomalinta umpennoloi Ambe’, Naria to Penaa misa’.

IBRANI 10:15

Nakatottongi duka Penaa Masallo’ lako kaleta tu dionato, belanna iatonna mangkamo ma’kada, Nakua:

IBRANI 3:7

Iamoto susitu kadanNa Penaa Masallo’: Iate allo, ke mirangii tu gamaranNa,

IBRANI 9:3

Sia iatu sangsapa’ dio boko’ kulambu ma’penduanna iamo disanga inan tarru’ maindan;

2 PETRUS 1:21

belanna tae’ bangpa pa’nubua’ napabu’tu pa’poraian tolino, sangadinna Natamaipi Penaa Masallo’ tu tau, anna sa’bu’i tu kada lu dio mai Puang Matua.