IBRANI 9:7 - Sura' Madatu

⁷ Apa sapa’ ma’penduan, Tominaa Kapua manna tu mentama sipissan sangtaun, tangia kumua tang umbaa rara, tu napennoloan diona batang kalena sia salana to buda.

IBRANI 9:7 ပူးပေါင်းရင်းမြစ်များ

2 SAMUEL 6:7

Re’dekmi tu ara’Na PUANG lako Uza, anNa pongkoi Puang Matua inde to, belanna katangmengkilalanna; matemi inde to dio sikandappi’ pattinNa Puang Matua.

2 OSSORANNA DATU 33:9

Napapusa Manasye tu to Yehuda sia iatu to lan Yerusalem, naurunganni umpogau’i tu apa mandu kadake na penggauranna mintu’ bangsa, tu Nasabu’i PUANG dio tingayona to Israel.

PA’PUDIAN 19:12

Sia iamo la umbangunni ada’ taumMi, na diona kanaturusanna kapua tongan poleanna.

PA’PUDIAN 95:10

Patangpulo taunna nanii umpa’di’i penaangKu tu to tama bilangan iato. Kukuami: Tau iato mai misa’ bangsa pusa tu penaanna, tu tang untandai lalanKu.

KATASSURAN 30:10

Sipissan lan sangtaun iatu Harun la umpaden kadiseroian kasalan, iamoto nararai rara suru’ pengkalossoran la usseroi kasalan, tu tandukna; sipissan lan sangtaun la umpaden kadiseroian kasalan urrarai tu inan pemalaran iato la misiosso’i; iamote tu apa tarru’ maindan dio oloNa PUANG.

YESAYA 28:7

Ia duka te tau iate mai re’ba len napobua’ uai anggoro’ sia tumbang len naginta’ tuak palango; moi dukato minaa sia nabi re’ba len napobua’ tuak palango, pusa natumang uai anggoro’, tumbang len napobua’ tuak palango, tire’ba len lan patiro mendeata, titu’mu’ len untingayo pa’bisaran.

YESAYA 29:14

Iamoto angKu la umpalanda’i lako bangsa iate mai tu apa kalle-kallean, apa memangngan sia makalaen-laen, belanna iatu kakinaanna tu mai to kinaanna la pa’de, sia iatu tangnga’ kinaanna tu mai to unnampui tangnga’ kinaa la merrabunan.

YESAYA 3:12

Iatu taungKu naparenta pia’-pia’ sia napatunduk baine. E mintu’ taungKu napapusakomi panglalanmi sia nabutai tu lalan sipatu la miola.

YESAYA 9:16

Iamoto anna tang umposendei PUANG tu mai to manguranna, sia tae’ anNa katuru-turui tu mai pia biungna sia mintu’ baine balunna, belanna to untananni nasang boko’ Puang sia to bulituk sia kapanglangdoan sun dio pudukna. Moi anna susito iate mintu’na, tae’ anna poradanni kasengkeanNa Puang, sangadinna tontong bangpa tie’te’ tu limanNa.

HOSEA 4:12

Iatu taungKu mekutana lako kayunna, natekkenna ma’patudu. Belanna misa’ penaa ma’patudu lako gau’ sala umpapusa tau iato mai, naurunganni ma’gau’ sala umboko’i Kapenombanna.

SURA’ KATOMINAAN 16:34

Iamote tu la dadi misa’ atoran matontongan lako kalemi, iamotu sipissan sangtaun la dipadenan kadiseroian kasalan tu to Israel belanna mintu’ kasalanna.

SURA’ KATOMINAAN 5:18

La nabaa lako to minaa tu misa’ domba laki, dio mai domba sia bembe’ tu tae’ tattanna dibutunganni angga’na, diposuru’ pangakuan sala, anna to minaa la umpadenanni kadiseroian kasalan diona tu apa napogau’ natae’ naangga’i namane dipagarri’.

AMOS 2:14

Attu iato iatu mai to malinta’ tang nabelamo umpallaian kalena, iatu to mawatang tang nakullemo umpalalo kamabukuanna sia tu to lalong tae’mo nakullei ullendokan sunga’na.

KADIBILANGAN 15:25

Attu iato to minaa la umpadenan kadiseroian kasalan mintu’ kasirampunan to Israel, anna dipagarri’ tu kasalanna, belanna tae’ naangga’i sia belanna napennoloan tu pamengan pemala’na lako PUANG dipopemala’ pantunu sola suru’ pengkalossoranna dio oloNa PUANG bannang dio kasalanna tu tae’ naangga’i.

EFESUS 4:18

tu dipamalillinmo tangnga’na sia nasarakkimo kabagan lan kalena dio mai katuoan lu dio mai Puang Matua, belanna kamakarrasanna penaanna.

IBRANI 10:3

Apa diona mintu’ pesuru’ iato, ke taunoi napakilalaoki’ tu diona kasalan.

IBRANI 6:19

tu susi sau penaanta bantang sia matoto’, tu mentama tarru’ dio boko’ kulambu sapa’,

IBRANI 7:27

tae’ Namanggi’ susi tominaa kapua senga’, kiallo-kiallo umpennoloan ba’tu sangapa suru’, bunga’na belanna mintu’ kasalanna siamo, namane belanna mintu’ kasalanna to buda. Belanna iatu ianna te mangkamo Ia Napissanni Napogau’ tonna pemalaran Kalena.

IBRANI 9:3

Sia iatu sangsapa’ dio boko’ kulambu ma’penduanna iamo disanga inan tarru’ maindan;