IBRANI 9:4 - Sura' Madatu

⁴ Nalan to den bulaan pantunuan dupa sia patti basse disapu’ mintu’ bulaan mengguririk, nanii gori-gori bulaan nanii manna lan sia tekken mentarukna Harun, sia da’dua papan batu basse;

IBRANI 9:4 ပူးပေါင်းရင်းမြစ်များ

1 DATU 7:50

sia iatu dolong-dolong, piso, pindan pa’pi’pikan, piring sia perruayan bulaan massang digaraga; sia engse’ ba’ba bilik lanna lu tu diolai lako bilik mandu maindan sia engse’ ba’ba bilik kapua dio Banua Kabusungan bulaan digaraga.

1 DATU 8:21

Sia kupasakkarammo misa’ inan tu patti, tu nanii basseNa PUANG, tu Natanan sola nene’ to dolota, tonna solanni tu tau iato mai tassu’ lan mai tondok Mesir.

1 DATU 8:9

Tae’ bang apa senga’ lan patti iato, sangadi papan batu da’dua tu napalan Musa dao Horeb, iamotu papan batu basse, tu natanan PUANG sola to Israel, tonna tassu’ tu tau iato mai lan mai tondok Mesir.

2 OSSORANNA DATU 5:10

Tae’ bang apa senga’ lan patti iato sangadinna papan da’dua, tu napalan Musa dao Horeb, tu Nanii PUANG untanan basse sola to Israel, tonna tassu’ tu tau iato mai lan mai Mesir.

KATASSURAN 26:33

Sia la mutoke’ tu kulambu iato diong pekadangna, ammu baai tama tu patti kasa’bian lanna lu kulambu, naurunganni iatu kulambu iato la ussapa’i tu inan maindan anna inan tarru’ maindan;

KATASSURAN 31:18

Iatonna mangkamo tu PUANG ma’kada lako Musa dao buntu Sinai, Nakamaseammi Musa tu da’dua papan batu kasa’bian, iamotu papan batu Nasura’ rakka’Na Puang Matua.

KATASSURAN 32:15

Messailemi tu Musa, anna mengkalao dao mai buntu untangkei tu da’dua papan nanii kasa’bian. Iatu papan iato disura’ patomali, iamotu boko’na sia tingayona.

KATASSURAN 34:29

Iatonna mengkalaomo tu Musa dao mai buntu Sinai, natangkemi tu da’dua papan kasa’bian tonna marassan solo’, natae’ naissanni, kumua iatu kuli’ lindona pandila-dila belanna sipa’kada-kada Puang.

KATASSURAN 37:25

Iatu inan pemalaran pantunuan dupa kayu simmin nagaragai; sangsiku tu lambe’na na sangsiku tu sangka’na, massulapa’ a’pa’, sia iatu langka’na duang siku; iatu tandukna sikande dio.

KATASSURAN 39:35

sia iatu patti kasa’bian situang pebullena sia tutu’ pebase kasalan;

KATASSURAN 40:3

La mupatama tu patti kasa’bian, parerungi kulambu.

SURA’ KATOMINAAN 16:12

Mangkato la naala tu peroyan ponno ruaya dao mai inan pemalaran dio oloNa PUANG, anna ponnoi dupa busarungngu’ tu pala’na, tu ditu’tuk sia nabaa nasangi tama boko’ kulambu.

KADIBILANGAN 17:10

Ma’kadami tu PUANG lako Musa, Nakua: Baai sule tu tekkenna Harun lako tingo kasa’bian, anna dipatorro napotanda tu pabali-bali, ammu paupu’i tu pa’paropo’na tau iato, sia tae’mo Kurangi lenni, da namate.

KADIBILANGAN 17:5

Iatu to Kupilei, la membunga tu tekkenna; susimoto la Kunii umparapa’i tu pa’paropo’na to Israel, tu napopa’paropo’ lako kalemi, naurungan tae’mo Angku rangi pole’i.

KADIBILANGAN 17:8

Masiangto tonna tama Tenda Kasa’bian tu Musa, mangngami untiroi tu tekkenna Harun, tu dipapatuan suku Lewi, menta’bi; umpabu’tumo ta’bi, denmo ta’binna sia ta’pa matasak tu bua badanna.

PA’TOLE 9:11

Iatonna ganna’mo patangpulo allona patangpulo bonginna Nabenmo’ PUANG tu da’dua papan batu, iamotu papan basse.

PA’TOLE 9:9

Iatongku kendekmo langngan buntu la untarimai tu papan batu, iamotu papan basse, tu mitanan sola PUANG, kutorro patangpulo allona patangpulo bonginna dao buntu, tang ungkande roti sia tang unniru’ uai.

KADA OMBO’ LAKO RASULU’ YOHANES 11:19

Tibungka’mi tu banuanNa Puang Matua dao suruga, kaananmi tu patti pangalluranNa Puang Matua lan tu banua iato; saemi ba’tu pira-pira kila’ sia gamara sia guntu’ sia lino’ sia uran batu kamban.

KADA OMBO’ LAKO RASULU’ YOHANES 8:3

Saemi misa’ malaeka’ senga’ nabendan dio sa’de inan pemalaran, untoe puaro bulaan, dibenmi buda kemenian lako, kumua napennoloanni sola pangandona mintu’ to masallo’ dao inan pemalaran bulaan dio olo isungan kapayungan iato.