IBRANI 9:26 - Sura' Madatu

²⁶ Belanna iake susito, tae’ anna salai tang la ma’tole-tole umperasai parri’ tempon dio mai dikombongna tu lino. Apa totemo te tonna ganna’mo tu attu, pissan dukari mangka dipasombo diona kaumpassurusanna batang kaleNa la umpa’dei kasalan.

IBRANI 9:26 ပူးပေါင်းရင်းမြစ်များ

2 SAMUEL 12:13

Nakuami Daud lako Natan: Kasalammo’ lako PUANG. Nakuami Natan lako Daud: Napa’deimo PUANG tu kasalammi, kumua da mimate.

2 SAMUEL 24:10

Apa iatonna mangkamo unnia’i tu mintu’ pa’tondokan, ma’parondomi tu penaanna Daud, anna ma’kada tu Daud lako PUANG, nakua: Mandu tonganmo’ kasalan umpogau’i tu iannato; melo, o PUANG, pa’dei dikka’ tu kasalanna taumMi, belanna ma’gau’ to bagana’.

AYUB 7:21

Ma’apari amMi tang umpagarri’ri tu kapatodo-tintingangku? sia ma’apari amMi tang umpa’dei tu kakelokangku? Belanna madomi’na’ sumpandan lan to’ barra’-barra’; attu iato la Midaka’na’, apa ta’demo’.

PA’PUDIAN 103:12

Pada sikambelanna matallo anna matampu’, pada duka mambelanna to Nanii Puang umpatoyangi dio mai kaleta tu salata.

YESAYA 2:2

La dadi undinna, kumua iatu buntu nanii banuanNa PUANG, la bantang ten to buntu malangka’ untongloi mintu’ buntu, anna mintu’ bangsa lolong lako.

DANIEL 10:14

Na totemo saemo’ umpaissanniko tu diona apa la urrampoi bangsamu, ke allo ma’katampakannai; belanna den dukapa tu patiro mendeata diona tu allo la sae.

DANIEL 9:24

Pitungpulo minggunna dipamanassanni tu taummu sia kota maindanmu la ungganna’i tu kapatodo-tintingan sia la umpogau’i tu kasalan, sia la umbasei tu kakadakean, la umbaa kamaloloan sae lakona sia la ussanda tonganni patiro mendeata sia nabi, sia la umminnakki tu apa tarru’ maindan.

MIKHA 4:1

Sia la dadi, ke allo ma’katampakannai, kumua iatu buntu banuanNa PUANG la bantang butung tu buntu malangka’na mintu’ buntu, sia la layuk untongloi mintu’ tanete, anna mintu’ bangsa lolong sae lako kalena.

MATIUS 13:39

Na iatu uali unnambo’ pare-pare, iamotu deata bulituk; na iatu kapeparean, iamotu allo katampakanna te lino; na iatu to mepare, iamotu mintu’ malaeka’.

MATIUS 13:40

Dadi susitu pare-pare dirampun napura diballa api, ten dukamoto tu la dadi ke allo katampakannai te lino.

MATIUS 25:34

Namane ma’kada tu Datu lako tu to dio rampe kananNa kumua: Maimokomi, e kamu tu Naparongko’na Ambe’Ku, ammi pomana’i tu mana’, iamotu kadatuan diparandanangkomi tempon dio mai dikombongna tu lino.

YOHANES 1:29

Tonna masiang to nakitami tu Yesu sae lako kalena nakuami: Tiromi tu Anak dombaNa Puang Matua, tu ussarapai kasalanna issinna lino.

YOHANES 17:24

O Ambe’, Kuporai ke sisolaNa’ tu to mangka Misorong lako Kaleku umba-umba Kunii, anna kitai tu kamala’birangKu tu mangka Mipa’kamasean lako Kaleku, belanna Mipakaboro’Na’ tempon dio mai tonna tang dikombongpa te lino.

1 KORINTUS 10:11

Mintu’nato, mangkamo urrampoi tu tau iato la dadi misa’ sangka’ sia mangka disura’ la mendadi pa’pakilala lako kaleta, tu kita to nalambi’ tiparanta’na lino.

GALATIA 4:1

Inde sia tu kadangku: iatonna piapa tu to ma’mana’, tae’ bang sisengaranna misa’ kaunan, moi anna ia puangna tu mintu’na.

EFESUS 1:10

la Napasakka’ tu kagannaranna attu, anNa pasipulungi ma’misa lan Kristus tu mintu’na apa la daona suruga, la lanna lino.

EFESUS 5:2

sia lolangkomi umpa’pekitanan pa’kaboro’ susi Kristus mangka ungkamaseikomi, sia mangka ussorong Kalena belanna kita, mendadi pemala’ sia pesuru’, tu busarungngu’ lako Puang Matua.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

IBRANI 1:2

nama’katampakanna attu iate, ma’kadaMi lako kaleta Nalopian AnakNa tu Napamanassa umpomana’ mintu’na, tete dio dukari anNa padadii tu angge maritik.

IBRANI 10:10

Pa’poraian iannamorato anta pissan bangri mangka diseroi pesuru’ batang kaleNa Yesu Kristus.

IBRANI 10:12

Apa Tominaa Kapua iate, tonna mangkamo umpemalaran misa’ suru’ belanna mintu’ kasalan, unno’komi dio kananNa Puang Matua tontong sae lakona.

IBRANI 10:26

Belanna iake taangga’i umpogau’ kasalan, ke mangkamoki’ unnappa’ kapaissanan diona kamanapparan, tae’mo suru’ pengkalossoran,

IBRANI 10:4

Belanna inang tae’ nakullei tu rara tedong laki sia bembe’ laki la umpa’dei kasalan.

IBRANI 4:3

Belanna kita te mentamaki’ kapelayoan iato, ke ma’patonganki’, susitu Napokadannamo kumua: Susitu mangka Kupalenduran kada kumua: Inang tae’ nala tama kapelayoangKu tu tau iato; moi anna sakka’mo tu mintu’ pengkaranganna tempon dio mai dikombongna tu lino.

IBRANI 7:27

tae’ Namanggi’ susi tominaa kapua senga’, kiallo-kiallo umpennoloan ba’tu sangapa suru’, bunga’na belanna mintu’ kasalanna siamo, namane belanna mintu’ kasalanna to buda. Belanna iatu ianna te mangkamo Ia Napissanni Napogau’ tonna pemalaran Kalena.

IBRANI 9:12

sia tang umbaa rara bembe’ laki sia anak tedong, sangadinna raraNa Kalena, anNa pissanri tama inan maindan, umpabu’tu misa’ pangla’bakan matontongan.

IBRANI 9:14

ontong polepa tu raraNa Kristus, tu mangkamo umpemalaran Kalena tang sayuan lako Puang Matua tete dio Penaa matontongan, usseroi tu batu ba’tangta dio mai penggauran mate, kumua anta mengkaola lako Puang Matua matontongan.

1 PETRUS 1:20

Mangkamo Ia dipamanassa tonna tang dikombongpa te lino, apa mane dipapayanri te attu ma’katampakanna belanna kamu;

1 PETRUS 2:24

Ia Kalenamo umpassanni lan batang kaleNa tu mintu’ kasalanta Napemalaranni dao kayu pea’ta’, kumua iatonna tiro matemoki’ kasalan, la natiro tuoki’ kamaloloan; belanna iatu kamassendang-sendanganNa mipomondo.

1 PETRUS 3:18

Belanna pissan dukari tu Kristus mate diona mintu’ kasalanna tau, Iamo To malolo belanna to tang malolo, kumua anNa solangki’ lako Puang Matua; tonganna anNa dipatei diona batang kale, apa dipatuo diona penaa.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

1 YOHANES 3:5

Miissan kumua dipasombo tu Kristus anNa lendokanni tu mintu’ kasalan; lan Kalena tae’ kasalan.

1 YOHANES 3:8

Iatu to umpogau’ kasalan, iamoto lu dio mai deata bulituk, belanna iatu deata bulituk inang umpogau’ kasalan dio mai mulanna. Iamo bannangnate, Nadipasombo tu AnakNa Puang Matua, kumua anNa Ia ussanggangi tu mintu’ pengkaranganna deata bulituk.

KADA OMBO’ LAKO RASULU’ YOHANES 13:8

Mintu’na tu to torro lan te lino la umpenombai, iamotu to randuk dio mai diparandanganninna te lino, tang disura’ sanganna lan sura’ katuoanNa Anak domba, tu mangkamo direre’.

KADA OMBO’ LAKO RASULU’ YOHANES 17:8

Iatu olo’-olo’ mutiro, dolona den apa totemo pa’demo, la kendek diong mai garonggong posi’ tana lambe’, namentama kasanggangan. Mintu’na tau lan lino tu randuk dio mai diparandanganninna te lino tu tang disura’ sanganna lan sura’ katuoan, la mangnga, ke natiroi tu olo’-olo’ tu dolona den, apa totemo pa’demo sia la bu’tu pole.