IBRANI 9:24 - Sura' Madatu

²⁴ Belanna iatu Kristus tangia tamamo inan maindan panggaraga lima, tu rapang-rapang batangna inan maindan, sangadinna tama batang suruga, la mennolo totemo dio oloNa Puang Matua belanna kita.

IBRANI 9:24 ပူးပေါင်းရင်းမြစ်များ

PA’PUDIAN 68:18

Duangpulo sa’bu tu karetaNa Puang Matua, ma’sa’bu’-sa’bu’ ria; Iatu Puang tilelemo dao mai buntu Sinai lu tama inan maindan.

KATASSURAN 28:12

Iatu da’dua batu parimata la mupalako da’dua petampi’ palempeng epo’, la dadi parimata kapengkilalan diona to Israel, anna iatu mintu’ sanganna tau iato mai la napassan Harun dao petampi’ palempengna patomali dio oloNa PUANG, la dadi misa’ kapengkilalan.

KATASSURAN 28:29

Susimoto la narengnge’ Harun tu mintu’ sanganna anakna Israel lan pesambo ara’ pangra’ta’ daona lu penaanna, ke tamai inan maindan la misa’ kapengkilalan matontongan dio oloNa PUANG.

ZAKHARIA 3:1

Undinnato Napakitammo’ tu Yosua, tominaa kapua, bendan dio olona Malaeka’Na PUANG, anna bendan tu deata bulituk dio sa’de kananna la umparapa’i.

MATIUS 18:10

Kanandai tonganni, da naden misa’ mitapa’ te to bongko iate. Belanna Kukua mati’, iatu mintu’ malaeka’na lan suruga tontong untiro lindo Ambe’Ku dao suruga.

MARKUS 14:58

Kirangimo tu kadanNa tau iate kumua: La Kurondonni te Banua Kabusungan tu nagaraganna limanna tolino na tallung allori Kupabendanni tu Banua Kabusungan senga’, tu tangia panggaraga lima tolino.

MARKUS 16:19

Iatonna mangka ma’kada susito tu Puang Yesu lako tinde tau, tiangka’mi kendek langngan suruga, Naunno’ko’ dio kananNa Puang Matua.

LUKAS 24:51

Marassan bangsiapa umbura’i lindo masakke, nasisarakmo tinde tau, Nadiangka’ langngan suruga.

YOHANES 16:28

Lu dioMo’ mai Ambe’, angKu sae tama te lino; undinna la Kutampeo sule te lino angKu male lako Ambe’.

YOHANES 6:62

Natumbai to ke mitiromi tu Anak rampan dilino kendek langngan inanNa siamo dolona?

PENGGAURANNA RASULU’ 3:21

Iamo tu tae’ nasalai tang natammui suruga sae lako attu kadibangunanna pole’ mintu’ angge maritik susitu Napokadanna Puang Matua sun dio pudukna nabi-nabi masallo’Na tempon dio mai mulanna lino.

ROMA 8:33

Mindara la umpasala to Natonno’ Puang Matua? Anna Puang Matua Ia umbilang maloloi.

2 KORINTUS 5:1

Belanna taissan kumua iake dirondonnimi tu tenda tanii torro lan te lino, la unnappa’ki’ misa’ banua lu dio mai Puang Matua dao suruga, la tanii torro, tu tangngia panggaraga lima, sangadinna tontong sae lakona.

KOLOSE 3:2

Pamatu’tunni tu penaammi lako apa dao, da nalako apa lan lino.

IBRANI 1:3

Iamo arrang kamala’biranNa Puang Matua sia bate rupanna A’ganNa sia Naria tu mintu’na tete dio kada kuasanNa; iatonna mangkamo umpogau’ kadiseroianna mintu’ kasalan, unno’ko’mi dio kananNa To patodoranna dao masuanggana.

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

IBRANI 4:14

Tu belanna den Tominaa Kapua ma’iringanta, tu umpasitarru’mo mintu’ langi’, Iamo Yesu, AnakNa Puang Matua, sipatu tatoe tu kapangakuan iato.

IBRANI 6:20

dio inan Naniimo Yesu mentama mendadi Panglalan belanna kita, tu mendadi Tominaa Kapua sae lakona unturu’ lalanna Melkisedek.

IBRANI 8:2

Iamo to mentoe dio inan maindan sia lan batang kema tongan, tu Napabendan Puang, tangia tolino.

IBRANI 8:5

Tu umpogau’ pentoean kamenomban lan rapang-rapang sia bayo-bayona mintu’ apa dao suruga, susi Musa mangka narampoi kadanNa Puang Matua, tonna marassan unggaraga kema iato Nakua: Tiro meloi, ammu garagai tu mintu’nato, unturu’ rapang-rapang dipakitangko dao buntu.

IBRANI 9:1

Iatu bunga’ basse den atoran kamenombanna sia inan maindanna diona a’gan lino.

IBRANI 9:23

Iamoto pato’ tu mintu’na rapang-rapang apa dao suruga diseroi susito, apa mintu’ tu apa daona siamo suruga diseroi pesuru’ mandu melo anna iatu mintu’nato.

IBRANI 9:9

tu misa’ rapanganna attu totemo, situru’ susi lan rapangan iato dipemalaran ba’tu pira-pira pemala’ sia pesuru’, tu tang nakulle umpasundun to umpogau’i, susitu nasa’dingna lan penaanna,

1 PETRUS 3:22

tu mangkamo kendek langngan suruga, anNa unno’ko’ dio kananNa Puang Matua, na mintu’ malaeka’ sia to paa sia kakuasan mengkanorong lako Kalena.

KADA OMBO’ LAKO RASULU’ YOHANES 8:3

Saemi misa’ malaeka’ senga’ nabendan dio sa’de inan pemalaran, untoe puaro bulaan, dibenmi buda kemenian lako, kumua napennoloanni sola pangandona mintu’ to masallo’ dao inan pemalaran bulaan dio olo isungan kapayungan iato.