IBRANI 9:14 - Sura' Madatu

¹⁴ ontong polepa tu raraNa Kristus, tu mangkamo umpemalaran Kalena tang sayuan lako Puang Matua tete dio Penaa matontongan, usseroi tu batu ba’tangta dio mai penggauran mate, kumua anta mengkaola lako Puang Matua matontongan.

IBRANI 9:14 ပူးပေါင်းရင်းမြစ်များ

2 SAMUEL 4:11

Ondong pissan totemo to bulituk mangkamo umpongko misa’ to malambu’ lan tongkonan layukna dao patindoanna, tang sipaturaka kutuntun tu pakkan rarana dio mai limammi sia kusabu’ikomi dao mai kuli’na padang?

2 DATU 19:16

O PUANG, tananni talinga, amMi ma’perangi, o PUANG, pamillikki tu matamMi, amMi tiroi sia perangii tu mintu’ kadanna Sanherib, tu mesua umparampoi, la umbe’se Puang Matua matontongan.

AYUB 15:16

ondongpissan tu to megi’giran sia to kadake liu, iamotu tolino, tu unniru’ kakadakean butung uai.

PA’PUDIAN 51:2

Tonna bu’tuimi nabi Natan, tonna mangka sigau’ sala Batsyeba.

KATASSURAN 12:5

La muala tu misa’ anak domba laki tang tattan, tu sangtaunnamo; iamotu dio lu mintu’ domba ba’tu bembe’ la minii unnalai.

YESAYA 42:1

Tiromi tu taungKu, tu Kusande’ boko’na, tu Kutonno’, tu naala penangKu, Kupatamaimo Penaangku; Iamo la umpatiroanni malolona tu mintu’ bangsa.

YESAYA 53:9

Iatu lamunanna dipalan lu to’ panglamunanna mintu’ to palutu tombang, apa iatonna mate lan lu tangnga to sugi’, belanna tae’ napogau’ kakadakean sia tae’ pa’pakena tassu’ dio pudukna.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.

YEHEZKIEL 45:18

Inde sia tu kadanNa Puangta PUANG, Nakua: Iake bulan bunga’na, allo bunga’na bulan iato, la miala tu misa’ anak sapi laki, tu tae’ tattanna, ammi seroanni tu inan maindan.

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

SURA’ KATOMINAAN 22:20

Mintu’ tu apa den tattanna da mipemalaranni, belanna tae’ napadenangkomi kapaimanan tu iannato.

KADIBILANGAN 28:11

Iake pamulanna bulanmi la mipemalaran lako PUANG tu pemala’ ditunu pu’pu’, iamotu da’dua anak sapi laki, misa’ domba laki, pitu domba sisangtaunmo, tu tae’ tattanna,

KADIBILANGAN 28:3

Sia pokadanni lako tu tau, kumua: Iamote tu pemala’ pantunu tu la mipennoloan lako PUANG, iamotu da’dua domba sisangtaunmo, tu tae’ tattanna, dipopemala’ ditunu pu’pu’ kiallo-kiallo.

KADIBILANGAN 28:9

Na iake allo katorroan la mupemalaran tu da’dua domba sisangtaunmo tu tae’ tattanna sola duang taanna ke sangpuloi ta’pung manisak, dipasigerok minna’, dipokande dipemalaran, sia pemala’ pantedok, tu dipasisolanni.

MATIUS 12:28

Apa iake Penaanna siamo Puang Matua angKu rambai deata masussuk, manassa nalambi’mokomi tu ParentaNa Puang Matua.

MATIUS 16:16

Mebalimi Simon Petrus, nakua: Kamumo Kristus, AnakNa Puang Matontongan.

MATIUS 20:28

Susi Anak rampan dilino tae’ Nasae kumua Nadikamayai, sangadinna kumua anNa ma’kamayai sia ussorong penaanNa la napopela’bak buda tau.

MATIUS 7:11

Iamoto, ia duka tu kamu to kadake miissan duka umbengan pamengan melo lako anakmi, ontong pissan tu Ambe’mi dao suruga la umpa’bengan apa melo lako to umpalakui lako Kalena?

LUKAS 1:74

iake lessu’miki’ dio mai mintu’ ualinta, tae’mo tala mataku’ mengkaorong lako alukNa;

LUKAS 12:24

Tiro-tiroi tu diona kadoya, tae’ namantanan len sia mepare, sia tae’ duka naampui palipu’ ba’tu alang, apa Napatuo duka ia Puang Matua; nasangapa losongmi na iatu manuk-manuk!

LUKAS 12:28

Iake susito tu Puang Matua umbeloi tu riu dio lu padang, tu tuo siapa te allo iate, anna manikale’ dibuangmo tama api dapo’, ondong pissan tu kamu, e to tangkan ma’patongan!

LUKAS 4:18

Den Penaa Masallo’Na Puang Matua lan Kaleku, Belanna mangkaMo’ Nabolloi minna’ la umpa’pangadaran Kareba melo lako to kalala’;

YOHANES 3:34

Belanna Iamotu Nasua Puang Matua umpokada kadanNa Puang Matua, apa tang liu-liu tu Puang Matua umpa’kamasean Penaa.

PENGGAURANNA RASULU’ 1:2

sae lako allo dipakendekNa langngan suruga, tonNa mangka umpokadanni parenta tu mai rasulu’ mangka Napilei umpake kuasanNa Penaa Masallo’.

PENGGAURANNA RASULU’ 10:38

tu diona Yesu to Nazaret, umba nakua Puang Matua mangka untokkoI Penaa Masallo’ sia kamatotoran. Tu male lumiling umpogau’ kameloan, sia umpamatana mintu’ to nasakkolo’ deata bulituk; tu belanna Narondong Puang Matua.

PENGGAURANNA RASULU’ 14:15

Nakua: E tau, ma’apari ammi pogau’ri te iannate? Kami te tolino duka bangsiakan susi kamu, sia umpa’peissanangkan Kareba-kaparannuan lako kalemi, kumua ammi memboko’ dio mai apa tae’ bua’na ammi lu lako Puang Matua matontongan, tu umpadadi langi’ sia lino sia tasik na mintu’ issinna.

PENGGAURANNA RASULU’ 15:9

moi misa’ tae’ Napasisengaranni tu kita anna iatu tau, ke mangkami Napemaseroi tu penaanna tete dio kapatonganan.

ROMA 1:20

Belanna tempon dio mai tipamulanna angge maritik, mintu’na a’gan tang dikitanNa, iamotu kamatotoran sia Kapuangan tontongNa sae lakona, ma’din nakanassa tangnga’ dio panampaNa; iamoto natae’ nabelai undakaran posanga kalena,

ROMA 1:4

apa kea’gan Penaa ma’pamasallo’, dipamanassamo kumua AnakNa Puang Matua sikambi’ kakuasan, tu belanna kamalimbangunanNa dio mai to’ to mate, tu Yesu Kristus, Puangta.

ROMA 11:12

Iake naposugi’i issinna lino tu katobanganna sia naposugi’ to kapere’ tu kapu’duranna, ondong pissanpi tu kala’bianna.

ROMA 11:24

Belanna iake banu’ saitun pangala’ dinii unta’takkiko, ammu dipopengkale’pe’ lako saitun melo tu tang sipogaronto’mu, ondong pissan tu inang batang tangke saitun siamo tang la dipopengkale’pe’ lako oto’na siamo.

ROMA 6:13

sia da misorongi tu lesoan kalemi lako kasalan napoparea kakelokan, sangadinna sorongi tu kalemi butung to mate tuo sule, sia iatu lesoan kalemi lako Puang Matua napopareai kamaloloan.

ROMA 6:22

Apa totemo iammi mangka dipopentorro to makaka dio mai kasalan, sia dipopengkaunan lako Puang Matua, la unnappa’komi bua umpabu’tu kamaseroan, nama’katampakanna katuoan sae lakona.

1 KORINTUS 15:45

Susi dukato den disura’, nakua: Iatu bunga’na tolino iamotu Adam unnala a’gan tuo. Na iatu Adam undi mendadi penaa ma’patuo.

2 KORINTUS 5:21

Anna Ia tu tang narandan kasalan, mangkamo Napopendadi kasalan ussondaki’, kumua anna kita mendadi kamaloloanNa Puang Matua diona Ia.

2 KORINTUS 6:16

Sia apara nasikandei banuanNa Puang Matua tu deata? Belanna kitamote tu banuanNa Puang Matua matontongan, susitu kadanNa Puang Matua, Nakua: La torroNa’ sia la sumalongNa’ dio lu naninna tau iato, sia la mendadiNa’ Puangna tau iato, anna tau iato la mendadi taungKu.

GALATIA 2:19

Apa belanna Sukaran aluk angku mate, kupotilendokki dio mai Sukaran aluk, dikua angku pengkaolai Puang Matua. Mangkamo’ dia’ta’ sola Kristus.

EFESUS 2:5

tonta mate diona kasalan, Napatuomiki’ sola Kristus – anna tete dio pa’kamasean, minii dipamakarimman –,

EFESUS 5:2

sia lolangkomi umpa’pekitanan pa’kaboro’ susi Kristus mangka ungkamaseikomi, sia mangka ussorong Kalena belanna kita, mendadi pemala’ sia pesuru’, tu busarungngu’ lako Puang Matua.

PA’TOLE 15:21

Apa iake denni tattanna, iamotu ke keppai ba’tu butai, ba’tu mandu maro’i tu tattanna, da mutunui dio oloNa PUANG, Kapenombammu.

PA’TOLE 17:1

Da mupemalaran misa’ sapi ba’tu domba sia bembe’ tu den tattanna, ba’tu sayuan lako PUANG, Kapenombammu, belanna iatu iannato Nakagalli PUANG, Kapenombammu.

PA’TOLE 31:27

Belanna kutandai tu kapabali-baliammu sia kamatoroammu. Inde tuo siapa’ ussisolangkomi, mibali-balimo tu PUANG, ondong pole’pi, ke matemo’!

PA’TOLE 33:27

Puang Matua matontongan mupopentionganan sia tontong urrande pala’ko. Belanna mangkamo unnula’ ualimmu dio tingayomu sia ma’kada Nakua: Pisanni!

PA’TOLE 5:26

Belanna mindaraka tolino tu urrangi gamaranNa Kapenomban matontongan lan mai tangnga to’ api, susite kita, anna tontong siapa tuo?

1 TESALONIKA 1:9

Belanna ia kalenamo unnuleleanni tu diona kami, tumba tu diona kamitarimangki sia tumba tu kamembokorammi dio mai deata, ammi lu lako Puang Matua, la umpenombai tu Puang Matua matontongan sia tongan,

1 TIMOTIUS 1:17

Mintu’na kadipangkeran sia kamala’biran lu lako Datu umparenta attu siosso’ Iamo Puang Matua tu tae’ kasangganganNa sia tang dikita, sia Puang Misa’ri, tontong sae lakona. Amin.

1 TIMOTIUS 3:15

Apa iake marempana’ male mati’, muissanmo to, kumua umba nakua sipato’na tu gau’na tau lan banuanNa Puang Matua, iamotu kombonganNa Puang Matua matontongan, napopatongkon sia napoparandangan katonganan.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

IBRANI 1:3

Iamo arrang kamala’biranNa Puang Matua sia bate rupanna A’ganNa sia Naria tu mintu’na tete dio kada kuasanNa; iatonna mangkamo umpogau’ kadiseroianna mintu’ kasalan, unno’ko’mi dio kananNa To patodoranna dao masuanggana.

IBRANI 10:10

Pa’poraian iannamorato anta pissan bangri mangka diseroi pesuru’ batang kaleNa Yesu Kristus.

IBRANI 10:12

Apa Tominaa Kapua iate, tonna mangkamo umpemalaran misa’ suru’ belanna mintu’ kasalan, unno’komi dio kananNa Puang Matua tontong sae lakona.

IBRANI 10:2

Iake nakullei, tang tae’moraka napemalaranni tau tu pesuru’ iato? Belanna iatu to umpogau’ kamenomban, iake dipamaseromi pissan, tae’mo kasalan nasa’ding lan penaanna.

IBRANI 10:22

Melo ke tapengkareke’i naturu’ penaa lambu’ sia kapatonganan kalebu, anna dipi’pikki tu penaanta, naurungan masero pindanmo dio mai pa’inaan kadake, sia iatu batang kaleta dibasei uai malino.

IBRANI 11:21

Bannang dio dukamora kapatonganan tonna la matemo tu Yakub anna passakke simisa’-misa’ tu anakna Yusuf, massambayangmi anna ma’patu’tun lako to’ ulu tekkenna.

IBRANI 13:12

Susi duka Yesu to, kumua anna raraNa Kalena Napamaseroanni tu tau buda, anNa perasaimi tu kamaparrisan dio salian babangan.

IBRANI 3:12

Kanandai meloi, e sangsiulurangku, da miden misa’ ma’penaa kadake, tu tang ma’patongan, naurunganni balik dio mai Puang Matua matontongan;

IBRANI 6:1

Iamoto melo ke tatorroi urrundunanni tu tipamulanna pangadaran diona Kristus, anta patarru’mi lako kasundunan: da taparandanganni polei, iamotu pangadaran kamengkatobaran dio mai penggauran mate, sia kapatonganan lako Puang Matua,

IBRANI 7:16

tu mangka dadi susito tangia unturu’ lalan atoran rara buku, sangadinna situru’ kuasa katuoan tu tang sitiro kasanggangan.

IBRANI 7:27

tae’ Namanggi’ susi tominaa kapua senga’, kiallo-kiallo umpennoloan ba’tu sangapa suru’, bunga’na belanna mintu’ kasalanna siamo, namane belanna mintu’ kasalanna to buda. Belanna iatu ianna te mangkamo Ia Napissanni Napogau’ tonna pemalaran Kalena.

IBRANI 9:12

sia tang umbaa rara bembe’ laki sia anak tedong, sangadinna raraNa Kalena, anNa pissanri tama inan maindan, umpabu’tu misa’ pangla’bakan matontongan.

IBRANI 9:26

Belanna iake susito, tae’ anna salai tang la ma’tole-tole umperasai parri’ tempon dio mai dikombongna tu lino. Apa totemo te tonna ganna’mo tu attu, pissan dukari mangka dipasombo diona kaumpassurusanna batang kaleNa la umpa’dei kasalan.

IBRANI 9:7

Apa sapa’ ma’penduan, Tominaa Kapua manna tu mentama sipissan sangtaun, tangia kumua tang umbaa rara, tu napennoloan diona batang kalena sia salana to buda.

IBRANI 9:9

tu misa’ rapanganna attu totemo, situru’ susi lan rapangan iato dipemalaran ba’tu pira-pira pemala’ sia pesuru’, tu tang nakulle umpasundun to umpogau’i, susitu nasa’dingna lan penaanna,

1 PETRUS 1:19

sangadinna rara mala’bi’Na Kristus, tu butung rara anak domba tae’ sayuanna sia tae’ attanganna.

1 PETRUS 2:22

Iamo Ia, tu tang umpogau’ kasalan, tae’ duka naombo’ dio mai randan pudukNa tu kada patua’ ba’tang;

1 PETRUS 2:24

Ia Kalenamo umpassanni lan batang kaleNa tu mintu’ kasalanta Napemalaranni dao kayu pea’ta’, kumua iatonna tiro matemoki’ kasalan, la natiro tuoki’ kamaloloan; belanna iatu kamassendang-sendanganNa mipomondo.

1 PETRUS 3:18

Belanna pissan dukari tu Kristus mate diona mintu’ kasalanna tau, Iamo To malolo belanna to tang malolo, kumua anNa solangki’ lako Puang Matua; tonganna anNa dipatei diona batang kale, apa dipatuo diona penaa.

1 PETRUS 4:2

dikua anna lan mintu’ angge tuomipa, da mituru’ mintu’ kamailuan a’gan tolino, sangadinna pa’poraianNa Puang Matua.

1 YOHANES 1:7

Apa iake lolangki’ lan kamaseroan, susi Ia torro lan kamasiangan, manassa denmo kasiturusanta sola nasang, sia raraNa Yesu, AnakNa, usseroiki’ dio mai mintu’ kasalan.

1 YOHANES 3:5

Miissan kumua dipasombo tu Kristus anNa lendokanni tu mintu’ kasalan; lan Kalena tae’ kasalan.

KADA OMBO’ LAKO RASULU’ YOHANES 1:5

sia lu dio mai Yesu Kristus, tu dadi sa’bi maruru’, tu pa’bunga’ tuo dio mai mintu’ to mate, sia dadi Pangulunna mintu’ datu lan te lino. Nalako tu To-umpakaboro’ki’, sia mangkamo ulla’bakki’ raraNa, dio mai mintu’ kasalan,

1 SAMUEL 17:26

Ma’kadami tu Daud lako tu to nasikandappiran bendan, nakua: La dipatumbai tu to umpatei tu to Filistin iato dio, sia tu ussamboi siri’na to Israel? Na minda toda ia tu to Filistin tang disunna’i tu, anna unnape tuntunan surodadunNa Puang Matua matontongan?