12 sia tang umbaa rara bembe’ laki sia anak tedong, sangadinna raraNa Kalena, anNa pissanri tama inan maindan, umpabu’tu misa’ pangla’bakan matontongan.
Pitungpulo minggunna dipamanassanni tu taummu sia kota maindanmu la ungganna’i tu kapatodo-tintingan sia la umpogau’i tu kasalan, sia la umbasei tu kakadakean, la umbaa kamaloloan sae lakona sia la ussanda tonganni patiro mendeata sia nabi, sia la umminnakki tu apa tarru’ maindan.
Mangkato la narere’ tu bembe’ laki naposuru’ pengkalossoran bangsa iato sia iatu rarana la nabaa tama lako boko’ kulambu, sia la napogau’ tu rara iato susitu rara sapi laki, iamotu la napi’pikan dao tutu’ pebase kasalan sia dio tingayona tu tutu’ pebase kasalan.
iake to minaa tu mangka dibolloi minna’ kasalan, napotete anna diparampo sala lako mintu’ tau, manassa la napennoloan lako PUANG tu misa’ anak sapi laki, tu tae’ tattanna belanna kasalanna, la diposuru’ pengkalossoran.
Alami tu Harun sola tu mai anakna tu nasisolan, pakeanna, minna’ dipa’tokkoan, sapi laki tu diposuru’ pengkalossoran, tu da’dua domba laki sia baka nanii roti tang diragii,
Mangkato napemalarammi tu pemala’na bangsa iato; naalai tu bembe’ laki la diposuru’ pengkalossoranna bangsa iato, anna tunui sia naparandanmo diposuru’ pengkalossoran, susito bunga’na dipogau’.
Tonganna iatu batu, tu Kupadio tingayona Yosua – dio misa’ batu iato, nanii pitu mata –, Aku kalena la ussura’i tu sura’na, kadanNa PUANGna mintu’ ma’dandan maritik, sia sangallori la Kunii umputtai tu kakadakeanna tondok iate.
Kanandai tu kalemi sia mintu’ tu to sangtuntunan, tu Nanii umpamanassakomi Penaa Masallo’ dadi to mangkambi’, la ungkambi’i tu kombonganNa Puang Matua, tu mangka Nala’bak raraNa kalena.
sia untayan kasaeanNa AnakNa dao mai suruga, tu mangka Napamalimbangun dio mai to’ to mate, iamotu Yesu, tu ullendokangki’ dio mai kasengkean la sae undinna.
tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.
Iamo arrang kamala’biranNa Puang Matua sia bate rupanna A’ganNa sia Naria tu mintu’na tete dio kada kuasanNa; iatonna mangkamo umpogau’ kadiseroianna mintu’ kasalan, unno’ko’mi dio kananNa To patodoranna dao masuanggana.
Belanna iake rara bembe’ laki sia tedong laki sia au anak tedong birang dipi’pikan to maruttak umpamaseroi, naurunganni umbasei batang kale a’gan salianna,
ontong polepa tu raraNa Kristus, tu mangkamo umpemalaran Kalena tang sayuan lako Puang Matua tete dio Penaa matontongan, usseroi tu batu ba’tangta dio mai penggauran mate, kumua anta mengkaola lako Puang Matua matontongan.
Iamora bannangnato anna Ia mendadi Toparitangngana basse ba’ru, kumua anna iatu to ditambai ma’din unnappa’ mana’ matontongan tu mangka dialluranni, tonna rampoi kamatean Napangla’bakan kasalan tu napogau’ to naluang basse dolo.
Belanna iatonna mangkamo tu Musa umpokada nasangi tu pepasan iato lako mintu’ tau iato situru’ tu lanna Sukaran aluk, naalami tu rara anak tedong sia rara bembe’ laki, sola uai sia bannang bulu domba mararang, sia supa, anna pi’pikki tu sura’ sia to buda;
susi dukamo Kristus, tonna mangkamo pissan dipemalaran la ullendokan kasalanna to buda, anna iake ma’penduannami, tang untanggungmo kasalanna tau, anNa tiroi mintu’ to untayanNi la napomakarimman.
Apa sapa’ ma’penduan, Tominaa Kapua manna tu mentama sipissan sangtaun, tangia kumua tang umbaa rara, tu napennoloan diona batang kalena sia salana to buda.
sia lu dio mai Yesu Kristus, tu dadi sa’bi maruru’, tu pa’bunga’ tuo dio mai mintu’ to mate, sia dadi Pangulunna mintu’ datu lan te lino. Nalako tu To-umpakaboro’ki’, sia mangkamo ulla’bakki’ raraNa, dio mai mintu’ kasalan,
Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.