IBRANI 8:9 - Sura' Madatu

⁹ Tae’ nasusi tu basse mangka Kutanan sola nene’ to dolona, tongKu toei tu limanna, angKu rendenni tassu’ lan mai tondok Mesir. Belanna tae’ nakaritutui tu basseKu, anna tae’ Kupoinaai, kadanNa Puang.

IBRANI 8:9 ပူးပေါင်းရင်းမြစ်များ

KADADIAN 19:16

Apa torro bangpa ma’dempa-dempa, natoemi tinde malaeka’ sola duai tu limanna sia limanna bainena sia limanna anakna sola duai, belanna la nakaturu-turui duka PUANG, nasolammi sun, nabaai lako salian tondok.

AYUB 8:20

Manassa iatu Puang Matua tae’ nala ussualei tu to bulo lollong sia tae’ Nasaladanni limanna tu to kadake gau’na.

PA’PUDIAN 105:43

Iamoto anNa solanni Puang sun tu taunNa situang kaparannuan, sia mintu’ to Napilei langsa’ Naanta’ sun situang la’tek silelean.

PA’PUDIAN 77:20

Iatu lalanMi lan tasik, sia lan to’ uai buda, sia iatu lalan lentekMi tae’ napayanan.

PA’PUDIAN 78:57

Sangadinna sorong boko’ sia tang mana’pa’ susito dolona, sia tipero’ susi tinaran pasala.

KATASSURAN 32:8

Madomi’ bang tu tau iato mai sepang dio mai lalan, tu Kupasan lako kalena: nagarammo kalena tu misa’ anak sapi dipati’no’, anna tukku umpenombai anna pemalaranni tu pemala’ lako, anna ma’kada nakua: E to Israel, iamote tu deatammu, tu ussolangko sun lan mai tondok Mesir.

KATASSURAN 34:10

Ma’kadami tu Puang Nakua: Manassamo untananNa’ basse, kumua la Kupaden tu ba’tu pira-pira tanda mangnga, tu tae’ bangpa dipadadi dao kuli’na padang ba’tu dio lu mintu’ bangsa; na mintu’ tu tau iato mai tu musolan la untiroi tu penggauranNa PUANG, belanna metakuran tu apa la Kupogaurangko.

PA’TENDENG BALLO 8:5

Mindara iatu sae lan mai padang aak anna mennambe lako andi’ pa’kaboro’na? – Diong garonto’ lemo datu kuni umpamillikko, inde to dio nanii indo’mu umpanguriasangko, inde to dio nanii umpanguriasangko tu to undadiangko.

YESAYA 40:11

La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.

YESAYA 41:13

Belanna Akumo tu PUANG, Kapenombammu untoe lima kananmu; tu ma’kada mati’ kumua: da mumataku’, Aku untunduiko.

YESAYA 51:18

Iatu mintu’na pia nadadian, tae’i misa’ tu urrenden mana’pai; sia mintu’na tu pia nadaranai, tae’i misa’ untoei tu limanna.

YESAYA 63:9

Mintu’ kapu’duranna tau iato mai Napokapu’duran duka, na tau iato mai Narampanan Malaeka’ tu umpaombo’ Puang. Belanna pa’kaboro’Na sia kamamaseanNa Nala’bakki tu tau iato mai sia Naendekanni sia Naindo’i lan mintu’ attu tempon dio mai dolona.

YEREMIA 31:32

Tae’ nasusi tu basse, tu Kutanan sola nene’ to dolona, tongKu toei tu limanna la ussolanni tu tau iato mai lan mai tondok Mesir, iamotu basseKu tu napoka, moi na Aku umpuangi tu tau iato mai, kadanNa PUANG.

BATING 4:16

PUANG kalenamo umpatisambo’-sambo’i tu tau iato mai; Tae’mo Nasailei tu tau iato mai. Iatu tau iato mai tae’ nakatirinnai tu to minaa, Sia iatu to matua tae’ nakaturu-turui.

YEHEZKIEL 16:59

Belanna inde sia tu kadanNa Puangta PUANG: La Kupogau’, susitu mangka mupogau’ lako Kaleku, tu mangka untapa’ sumpa, belanna mupoka tu basse.

YEHEZKIEL 16:8

Attu iato lendu’Mo’ dio to’ muninna, angKu tiroko, tonganna matona’moko; Kuballa’mi tu biring bayu lamba’Ku dio kalemu, angKu samboi tu kama’kambelangammu, sia umpalaoNa’ sumpa ussibasseangko, kadanNa Puangta PUANG; nasusito dadimoko taungKu.

AMOS 5:22

Ondongpi, moi ammi pennoloan pemala’ ditunu pu’pu’ lako Kaleku, sia kande dipemalarammi, tae’ kuporai sia iatu pemala’ kasalamarammi, iamotu sapi malompo inang tae’ duka Kula untiroi.

MALEAKHI 2:13

Iatu ma’penduanna mipogau’, susite, iamotu mipasitutu’i uai matammi tu inan pemalaranNa PUANG, ke tumangi’komi sia sumarro, belanna tae’mo Nasailei tu pemala’ sia tae’mo Natarimai diong mai limammi butung to apa nakalo’ penaanNa.

MARKUS 8:23

Natoemi Yesu tu limanna tinde tau, Narendenni sun lan mai tondok. Sia iatonna mangka untudui tu matanna tinde tau, Napalakomi to’ matanna tu limanNa, nakutanai: Denraka apa-apa mupebaang?

PENGGAURANNA RASULU’ 13:11

Tiromi, totemo bangsiamote anna lambi’ko limanNa Puang, ammu buta, tae’ mula untiro allo ba’tu sangapa-apa. Ta’pa narampoimi kamaraunan sia kamalillinan, naurunganni kakaririk-ririk bang undaka’ to la urrenden limanna.

PENGGAURANNA RASULU’ 7:36

Iamo ussolanni sun tu tau, tonna mangka umpadenanni tu tanda mangnga sia tanda kalle-kallean dio tana Mesir, sia dio tasik Mararang, sia dio padang pangallaran patangpulo taunna.

PENGGAURANNA RASULU’ 9:8

Malimbangunmi tu Saulus diong mai padang: Iatonna bangunammo matanna, tae’ bang apa misa’ nakita lako. Narendenni tau tu limanna nasolanni tama Damsyik.

GALATIA 4:24

Iatu iannato misa’ panganderan, belanna iatinde baine da’dua iamo da’dua basse: misa’ dao mai buntu Sinai, tu umpadadian bati’ kakaunanan, iamo Hagar.

PA’TOLE 29:1

Inde sia tu kada basse tu Napepasanan PUANG lako Musa la Natanan sola to Israel lan padang Moab, senga’ na iatu basse mangka Natanan Puang sola to Israel dio Horeb.

PA’TOLE 29:12

la tama basseNa PUANG, Kapenombammu, iamotu pangallu’ dipabantang tete dio pa’tampak ropu, tu mutanan sola PUANG, Kapenombammu,

PA’TOLE 29:25

Mebalimi tu tau nakua: Belanna natampemo tu basseNa PUANG, Kapenombanna nene’ to dolona, iamotu basse natanan sola Puang, tonna solanni lan mai tondok Mesir,