IBRANI 8:4 - Sura' Madatu

⁴ Moronganna kenna la torro lan te lino, inang tae’ Ia anNa mendadi Tominaa Kapua, belanna denmo tu to umpennoloan pemala’ situru’ Sukaran aluk.

IBRANI 8:4 ပူးပေါင်းရင်းမြစ်များ

KADIBILANGAN 16:40

la dadi misa’ tanda pengkilalan lako to Israel, kumua da namengkareke’ lako Puang tu to tang sipatu, tu tang sangbilangan bati’na Harun, la untunu dupa dio oloNa PUANG, sia da naruai kasanggangan susi Korah sia to massituru’ nasisolan, susitu Napokada PUANG lako Eleazar tu nalopian Musa.

KADIBILANGAN 18:5

Apa iatu kamu la mipogau’ tu passanan tengkomi dio inan maindan sia inan pemalaran, kumua damo nanii kare’dekan ara’Na Puang tu to Israel.

IBRANI 10:11

Mintu’ tominaa bendan kiallo-kiallo umpogau’ kamenomban, sia madada’ umpennoloan pesuru’ susi duka bangsiato, tu inang tang nakulle umpa’dei kasalan.

IBRANI 11:4

Bannang dio dukamora kapatonganan anna pemalaranni Habel lako Puang Matua tu misa’ pesuru’ mandu melo na iatu pemala’na Kain; tete dio kapatongananna to, anna dikanassai, kumua iato malolo, belanna Natonganni Puang Matua tu pemala’na; sia tete dio kapatongananna anna ma’kada-kada siapa, moi anna matemo.

IBRANI 5:1

Belanna mintu’na tominaa kapua iamo diangka’ umbendanan tolino diona kamenomban langngan Puang Matua, kumua anna ia umpennoloan pemala’ sia suru’ belanna mintu’ kasalanna tau;

IBRANI 7:27

tae’ Namanggi’ susi tominaa kapua senga’, kiallo-kiallo umpennoloan ba’tu sangapa suru’, bunga’na belanna mintu’ kasalanna siamo, namane belanna mintu’ kasalanna to buda. Belanna iatu ianna te mangkamo Ia Napissanni Napogau’ tonna pemalaran Kalena.

IBRANI 8:3

Belanna mintu’ tominaa kapua dituro ta’ba la umpennoloan pemala’ sia pesuru’, iamo bannangnato anna pato’ den apa dio Kalena tu Tominaa iate la Napemalaran.

IBRANI 9:9

tu misa’ rapanganna attu totemo, situru’ susi lan rapangan iato dipemalaran ba’tu pira-pira pemala’ sia pesuru’, tu tang nakulle umpasundun to umpogau’i, susitu nasa’dingna lan penaanna,