IBRANI 8:3 - Sura' Madatu

³ Belanna mintu’ tominaa kapua dituro ta’ba la umpennoloan pemala’ sia pesuru’, iamo bannangnato anna pato’ den apa dio Kalena tu Tominaa iate la Napemalaran.

IBRANI 8:3 ပူးပေါင်းရင်းမြစ်များ

YOHANES 6:51

Akumote tu roti tuo, tu lu dao mai suruga; iake denni tau misa’ ungkandei te roti iate, la tuo sae lakona; na iatu roti la Kupa’bengan iamotu kaleKu, la napotuo issinna te lino.

ROMA 4:25

tu mangka disorong belanna kasalanta sia dipamalimbangun belanna la umbilang maloloki’.

ROMA 5:6

Belanna iatonta langga’pa sia tonna lambi’i allu’na, matemi tu Kristus belanna to tang mekaaluk.

ROMA 5:8

Apa napakitammoki’ Puang Matua kamamasean diona tu napomatena Kristus belanna kita, tonna taloipiki’ kasalan.

GALATIA 2:20

Iatu tuoku te tangiamo aku umpoissanni, sangadinna Kristus tu tuo lan kaleku; apa iatu kupotuona lan kaleku totemo te, umpokatuoanna’ kapatonganan lako AnakNa Puang Matua, tu ungkamaseina’, sia ussorong Kalena belanna aku.

EFESUS 5:2

sia lolangkomi umpa’pekitanan pa’kaboro’ susi Kristus mangka ungkamaseikomi, sia mangka ussorong Kalena belanna kita, mendadi pemala’ sia pesuru’, tu busarungngu’ lako Puang Matua.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

IBRANI 2:17

Iamoto anNa Ia dipapada mintu’ siulu’Na lan mintu’na, dikua anNa lan kamenomban langngan Puang Matua Ia mendadi Tominaa Kapua tu mamase sia maruru’, la usseroi mintu’ kasalanna taunNa.

IBRANI 3:1

Iamoto e sangsiuluran masallo’ku, tu pada unnappa’ petamba dao mai suruga, pemantangkomi Rasulu’ na Tominaa Kapua tu mangkamo taaku, iamotu Yesu;

IBRANI 5:1

Belanna mintu’na tominaa kapua iamo diangka’ umbendanan tolino diona kamenomban langngan Puang Matua, kumua anna ia umpennoloan pemala’ sia suru’ belanna mintu’ kasalanna tau;

IBRANI 7:27

tae’ Namanggi’ susi tominaa kapua senga’, kiallo-kiallo umpennoloan ba’tu sangapa suru’, bunga’na belanna mintu’ kasalanna siamo, namane belanna mintu’ kasalanna to buda. Belanna iatu ianna te mangkamo Ia Napissanni Napogau’ tonna pemalaran Kalena.

IBRANI 8:4

Moronganna kenna la torro lan te lino, inang tae’ Ia anNa mendadi Tominaa Kapua, belanna denmo tu to umpennoloan pemala’ situru’ Sukaran aluk.

IBRANI 9:14

ontong polepa tu raraNa Kristus, tu mangkamo umpemalaran Kalena tang sayuan lako Puang Matua tete dio Penaa matontongan, usseroi tu batu ba’tangta dio mai penggauran mate, kumua anta mengkaola lako Puang Matua matontongan.