IBRANI 8:11 - Sura' Madatu

¹¹ Sia tae’mo anna pada unnada’i sangtondokna, sia sangsiuluranna, kumua: La mitandai tu Puang! Belanna la na tandai nasangNa’, la to baitti’, la to kapua.

IBRANI 8:11 ပူးပေါင်းရင်းမြစ်များ

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

2 OSSORANNA DATU 30:22

Ma’kada-kadami tu Hizkia la umpakatana penaanna mintu’ to Lewi, tu umpa’pekitanan kapaissanan kapua lan kamenomban lako PUANG. Susimoto tu tau iato mai ungkandei tu kande allo kapua lan pitung allo sia untunu pemala’ kasalamaran sia umpudi PUANG, Kapenombanna nene’ to dolona.

EZRA 7:25

Na iko, e Ezra, sitinaya tu kakinaanNa Kapenombammu dio kalemu, angka’i tu toma’parenta sia toma’paolai salu, anna paolai salu tu mintu’ tau, tu torro dio lili’ sambalinna lu Salu, tu mintu’ to untandai Sukaran alukNa Kapenombammu; sia iatu mai to tae’ natandai, la mupokadan.

YESAYA 2:3

Buda bangsa la ke’de’ male anna ma’kada nakua: Maikomi, anta male langngan buntunNa PUANG, langngan banuanNa Kapenombanna Yakub, anNa ada’iki’ tu diona mintu’ lalanNa, sia anta olai tu mai lalanNa, belanna lan mai Sion la nanii bu’tu sukaran aluk sia kadanna PUANG lan mai Yerusalem.

YESAYA 54:13

Na mintu’ tu anakmu la Naada’i PUANG sia la kapua kasalamaranna mintu’ anakmu.

YEREMIA 24:7

Sia la Kukamasean penaa la untandaiNa’, kumua Akumote tu PUANG, anna tau iato mai dadi taungKu sia Akumo dadi Kapenombanna, podo namengkatoba’ lako Kaleku sae rokko penaanna.

YEREMIA 31:34

Attu iato iatu tau iato mai sia iatu mai to massiulu’ pada tae’mo nala siadaran, nakua: La mitandai tu PUANG!, belanna mintu’ tu tau iato mai la untandaiNa’ randuk dio mai tarru’ bitti’na sae lako tarru’ kapuana, kadanNa PUANG, belanna la Kupa’dei tu mintu’ kakadakeanna sia iatu mintu’ kasalan tae’mo Kula ungkilalai.

YEREMIA 42:1

Attu iato saemi tu mintu’ pa’barani, iamotu Yohanan, anakna Kareah, sia Azarya, anakna Hosaya, sia mintu’ to buda, la to bitti’ la to kapua,

YEREMIA 42:8

Natambaimi Yeremia tu Yohanan, anakna Kareah sia iatu mintu’ pa’barani nasolan sia iatu mintu’ to buda la to bitti’ la to kapua.

YEREMIA 44:12

La Kupisanni tu mintu’ to Yehuda torronapa tu mentingo la male lako tondok Mesir la mentiruran dio, sia la sanggang nasang dio tondok Mesir; iatu tau iato mai la tibambang nakande pa’dang sia nasanggang karorian; la to bitti’ la kapua la mate nakande pa’dang sia la dadi misa’ tampakan ropu sia apa metakuran sia sapuan pala’ sia kaditattan.

YEREMIA 6:13

Belanna tau iato mai randuk dio mai to bitti’ sae lako to kapua undaka’ bang saro bu’tu kadake; mintu’nato ma’pakena nasang; la nabi la to minaa.

YEHEZKIEL 34:30

Anna issanni, kumua Akumo tu PUANG, Kapenombanna, urrondongi, na tau iato mai, iamotu to Israel, taungKu, kadanNa Puangta PUANG.

HABAKUK 2:14

Belanna la naponnoi kapaissanan diona kamala’biranNa PUANG tu mintu’ lino, susi uai buda ussamboi salinna tasik.

YOHANES 6:45

Den disura’ lan sura’na nabi kumua: Mintu’na to tau iato la Naada’i Puang Matua. Na minda-minda tu urrangimi sia melada’ lako Ambe’, iamo sae lako Kaleku.

PENGGAURANNA RASULU’ 8:10

Mintu’na tau nala to bitti’ nala to kapua umpengkaolai sia nakua: Tau iamote, tu kuasanNa Puang Matua, tu disanga, kuasa kapua.

1 YOHANES 2:27

Iatu kamu te, manda’mo lan kalemi tu pa’kamasean Napassakkeangkomi Puang, tae’omo mimanggi’ naada’i pole’ misa’ tau: sangadinna susi Naadarangkomi pa’kamaseanNa diona mintu’ apa sia tongan sia tae’ namo’rang, sia susitu mangkakomi Naada’i, la manda’komi lan Kalena.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.