IBRANI 8:10 - Sura' Madatu

¹⁰ Belanna iamote tu basse la Kutananan mintu’ to lan banuanna Israel, undinna dio mai attu iato, kadanNa Puang: la Kupatama tangnga’na tu mintu’ parentaKu, sia la Kusura’ duka lan penaanna, sia Aku la napoKapenomban, sia ia la Kupotau.

IBRANI 8:10 ပူးပေါင်းရင်းမြစ်များ

KATASSURAN 24:4

Napatamami sura’ Musa tu mintu’ kadanNa PUANG, anna pelambi’i nagaragai tu misa’ inan pemalaran sia naosok tu batu sangpulo dua situru’ bilanganna sangpulo dua suku to Israel.

KATASSURAN 24:7

Anna alai tu sura’ pangallu’ iato, nabasanni tu tau iato mai; ma’kadami tu tau iato mai: Mintu’ te kadanNa PUANG la kipogau’ sia la kituru’.

KATASSURAN 34:1

Ma’kadami tu PUANG lako Musa Nakua: Parangko kalemu da’dua papan batu susito dolona, angKu sura’i lako tu mintu’ kada dio papan batu dolo tu mangka mutesse.

KATASSURAN 34:27

Sia Nakuapa PUANG lako Musa: Surasanni kalemu te mintu’ kada iate, belanna tete dio kada iate, angKu sibasseangko sola to Israel.

PA’TENDENG BALLO 2:16

Iatu andi’ pa’kaboro’ku aku puangna na iatu aku ia puangna, tu mangkambi’ lan lu to’ danga-danga,

YEREMIA 24:7

Sia la Kukamasean penaa la untandaiNa’, kumua Akumote tu PUANG, anna tau iato mai dadi taungKu sia Akumo dadi Kapenombanna, podo namengkatoba’ lako Kaleku sae rokko penaanna.

YEREMIA 31:1

Attu iato, kadanNa PUANG; la dadiNa’ Kapenombanna mintu’ pa’rapuanna Israel, anna tau iato mai la dadi taungKu.

YEREMIA 31:33

Iamote tu basse tu la Kutanan sola to Israel undinna na allo iate, kadanNa PUANG Nakua: Aku la umpalanni ba’tengna tu Sukaran alukKu sia la ussura’i to lan penaanna, anna Aku la dadi Kapenombanna na tau iato mai la dadi taungKu.

YEREMIA 32:38

Iatu tau iato mai la dadi taungKu na Aku dadi Kapenombanna.

YEREMIA 32:40

Sia la untananNa’ basse matontongan sola tau iato mai, kumua tae’ Kula toyang dio mai kalena umpogauranni melo sia la Kupalan penaanna tu kamengkaolan lako Kaleku, kumua damo natoyang tu tau iato dio mai Kaleku.

YEHEZKIEL 37:27

Iatu inanKu la dio tau iato mai; la napoKapenombanNa’ tu tau iato mai sia la Kupotau.

YEHEZKIEL 39:22

Anna tandai to Israel, kumua Akumo tu PUANG, Kapenombanna tau iato mai, randuk dio mai allo iato sia undinna.

HOSEA 1:10

Apa undinna iatu to Israel la buda susi karangan dio biring tasik, tu tang dikemba’ disuka’ ba’tu diia’. Anna dadi dio inan dinii umpokadanni tau iato mai kumua: Kamu te tangia taungKu, inde dukato la dinii ussangai anakNa Puang Matua matontongan.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

ZAKHARIA 8:8

La Kupasule tu tau iato mai anna torro lan Yerusalem. Tau iato mai la dadi taungKu na Aku la dadi Kapenombanna situang kamarurusan sia kamaloloan.

MATIUS 22:32

Akumote tu Puangna Abraham, sia Puangna Ishak, sia Puangna Yakub? Iatu Puang Matua tangia Puangna to mate, sangadinna to tuo.

ROMA 11:27

Iamora te tu basse Kutanan sola, to ke Kulendokanni tu mintu’ kasalanna.

1 KORINTUS 6:16

Ba’tu tae’raka miissanni kumua iatu to sisola to sala’ kedo, sisangkale? Belanna Nakua Puang: La mendadi sangkale sola duai.

2 KORINTUS 3:3

Dadi iatu kamu, manassa sura’Nakomi Kristus, buanna pentoeangki, tu disura’ tang tinta, sangadinna penaanNa Puang Matua matontongan, tangngia lako papan batu, sangadinna lako batu ba’tangna tolino.

PA’TOLE 30:6

Sia PUANG, Kapenombammu, la ussunna’i tu penaammu sia penaanna bati’mu, muurunganni ponno penaammu sia kalebu deatammu ungkamasei PUANG, Kapenombammu, ammu marendeng-rendeng.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

IBRANI 11:16

Apa iatu manassana tau iato mai ungkaduangi misa’ tondok mandu melo, iamotu dao suruga; iamoto anna tae’ Nakasirisanni Puang Matua nasa’bu’ Puangna, belanna Naparandanammo misa’ tondok.

YAKOBUS 1:18

Situru’ lalan penaanNa anNa mangkamo undadiangki’ tete dio kada kamanapparan kumua anta dadi butung bunga’ bua dio tu mintu’ pa’padadinNa.

YAKOBUS 1:21

Iamoto la mitibe tu mintu’ kamaruttakan sia kakadakean manglianmo, ammi tarimai tu kada titananmo lan penaammi naturu’ sorong inaa, tu kuasa umpamakarimman deatammi.

1 PETRUS 1:23

belanna mangkamokomi didadian pole tangia kumua dio mai taruk la sanggang, sangadinna tang la sanggang, tete dio kada marendengNa sia matontonganNa Puang Matua.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;