IBRANI 7:25 - Sura' Madatu

²⁵ Iamo bannangna to anNa belai ungkarimmanni sundun mintu’ to umpentireke’i Puang Matua tete dio Kalena, belanna tontong bang Ia tuo umpalakuanni pa’tunduan tu tau iato mai.

IBRANI 7:25 ပူးပေါင်းရင်းမြစ်များ

AYUB 22:17

Tu ma’kada lako Puang Matua nakua: ToyangKomi dio mai kaleki! sia: Apara tu ma’din Napogaurangkanni To umpoissan angge maritik?

AYUB 23:3

A’a, kengku kabu’tui tu Puang, kengku lambi’ori tu inan layukNa!

YESAYA 45:22

Lu maikomi Kaleku, ammi makarimman, e mintu’ randan langi’, belanna Akumo tu Puang Matua tae’ senga’na.

YESAYA 45:24

Iatu diona Aku la nakua tau umpokadaNa’: Dio manna PUANG tu kamaloloan sia kamatotoran; saemo tu mai tau lako, apa la kasirisan tu mintu’ to mare’dek ara’na lako Kalena.

YESAYA 53:12

Iamoto angKu la umba’gii apa dio lu to’ buda tau, sia la sola to lalong untaa pangrampa belanna umbuang sunga’na tama kamatean, sia dipasangbilangan to kadake, moi anna urrengnge’ kasalanna buda tau sia umpassambayangan to kadake.

YESAYA 59:16

Natiro kumua tae’ bangmo tau misa’, bangngomi ara’Na, belanna tae’mo misa’ tau umpangeai katonganan. LimanNa kalena umbenni pa’tunduan sia kamaloloanNa ussande’I.

YESAYA 63:1

Mindaraka tu sae dio mai Edom, tu lu dio mai Bozra ma’pakean rarrang, tu ma’pakean ballo, lumingka maamba-amba to lalong sia mawatang? Akumorato, tu umpokada kamaloloan sia matoto’ parampanan.

YEREMIA 3:22

La mengkatoba’komi, e mintu’ anak pabali-bali, angKu popa’runduanangkomi sule dio lu kapusammi. Tonganna indemokanni, saekanni lako Kalemi, belanna Kamumo PUANG, Kapenombangki.

DANIEL 3:15

Kusanga melo, ke naalai penaammi, iammi rangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang dipodeata, tu mangka kugaraga, (tae’ ammi dipatumba-tumba), apa ke tae’i mipenombai, ta’pa dipembuangangkomi tama dapo’, nanii api ma’lana-lana, sia den pole’raka misa’ deata tu ma’din urrampanangkomi lan mai limangku?

DANIEL 3:17

Iake matoto’ siai tu Kapenombangki tu kipenombai la urrampanangkan, manassa la Narampanangkan lan mai dapo’ nanii api ma’lana-lana sia lan mai limammi, datu.

DANIEL 3:29

Iamoto angku pa’parentanni, kukua lako mintu’ tau, dio mai mintu’ bangsa ba’tu sangpetayanan ba’tu ma’rupa-rupa basana tae’ duka misa’ dipasalian, ke umpa’kada solangi Kapenombanna Sadrakh, Mesakh na Abednego, tau iato mai la dita’tak-ta’tak sia iatu banuanna la dipopendaun lauan, belanna tae’ tu kapenomban senga’, tu ma’din merampanan susito.

DANIEL 6:20

Millikmi tu datu tonna tilalek masiang, mela’bik tongan anna madomi’ male lako to’ lo’ko’ singa.

DANIEL 9:16

O Puang, ke ma’dinni, natete dio mintu’ kamaloloamMi, natilendok tu kasengkeamMi sia kare’dekan ara’Mi dio mai Yerusalem, kotaMi, iamotu buntu maindanMi; belanna diona kasalangki sia kakadakeanna nene’ to doloki na iatu Yerusalem sia iatu taumMi napamatuna mintu’ to untikuikanni.

YOHANES 14:13

Sia apa-apa tu mipalaku tete dio sangangKu, iamo la Kupogaurangkomi, kumua anNa dipakala’bi’ tu Ambe’ diona Anak.

YOHANES 14:16

AngKu palakuangkomi lako Ambe’, anNa pa’kamaseanNi lako kalemi tu Panglalan senga’, anna Ia urrondongkomi tontong sae lakona,

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

ROMA 5:10

Belanna iake dipasikaeloki’ Puang Matua tete dio kamateanNa AnakNa, tonta kabiri’pa Puang Matua, ondong pissan, tonta mangkamo dipasikaelo, la ungkabu’tuiki’ kadikarimmanan diona katuoanNa.

ROMA 5:2

sia dio dukaRi, anta ma’din tama te pa’kamasean iate (tete dio kapatonganan) tu tanii bendan; anta massattuan belanna rannunta diona kamala’biranNa Puang Matua.

ROMA 8:34

Mindara umpakannai ukungan? AnNa Kristus Yesu Ia tu mangka mate, ontongpi mangka dipamalimbangun sule, sia dio kananNa Puang Matua, sia umpa’kadangki’.

1 KORINTUS 1:21

Apa belanna diona kakinaanna kalena te lino anna tang untandai tu Puang Matua lan kakinaanNa, iamoto anna iatu pa’poraianNa Puang Matua la ungkarimmanni tu to ma’patongan tete dio tu pa’popetaana pangadaran iato.

EFESUS 2:18

belanna bannang dioRi anta belai patomalinta umpennoloi Ambe’, Naria to Penaa misa’.

EFESUS 3:12

Lan duka Kristus anna den kabattaranta sia lalan umpennoloi Puang Matua anta katappa’I tete dio kapatonganan lako Kalena.

EFESUS 3:20

Iatu Puang Matua tu kuasa umpogau’i tu mintu’na umpelempanni losong, na iatu tapalakunna ba’tu tasanganna, sitinaya lalan kuasanNa tu mengkarang lan kaleta,

FILIPI 3:21

tu la umpopembali te kale lanta kamakario-rioanta, anna susi kale lanNa kamala’biranNa, situru’ tu kuasa Napokuasa umpopengkanorongi tu mintu’ angge maritik lako Kalena.

1 TIMOTIUS 2:5

Belanna iatu Puang Matua Misa’ri, na iatu ToparitangngaNa Puang Matua na tolino Misa’ri, tolino duka sia, iamotu Kristus Yesu,

2 TIMOTIUS 1:12

Iamo bannangnato, angku perasai dukai te mintu’nate. Apa tae’ duka kupomasiri’i, belanna kuissan kumua minda tu kupatonganmo sia kukatappa’i, kumua Iamo kuasa la ungkarimmanni tu apa kupa’peannan landa’ lako tu Allo iato.

IBRANI 11:6

Iake tang ma’patonganni inang tae’ naalai penaanNa Puang Matua; belanna iatu to umpengkareke’i Puang Matua sipatu la nakatappa’i kumua den tu Puang Matua, sia kumua Ia umparongko’ mintu’ to undaka’ tonganNi.

IBRANI 13:15

Iamorato anna tete dio Yesu, tala tontong umpemalaranni langngan Puang Matua tu pemala’ pa’pudi-pudian, tu bua tassu’ dio puduk unnaku sanganNa.

IBRANI 2:18

Belanna mangkamo Ia umperasai parri’ tonna ruaI peroso, iamoto anNa belai untundui tu to diroso.

IBRANI 2:9

Apa iatu Ia tu mangka dipopengkadiongan sattu’ na malaeka’, iamotu Yesu, tatiro dimakotai kamala’biran sia kadipangkeran, diona parri’ kamatean; kumua anna tete dio pa’kamaseanNa Puang Matua anNa perasai kamatean belanna mintu’ tolino.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;

IBRANI 7:16

tu mangka dadi susito tangia unturu’ lalan atoran rara buku, sangadinna situru’ kuasa katuoan tu tang sitiro kasanggangan.

IBRANI 7:19

– belanna moi misa’ tae’ napasundun Sukaran aluk – apa dipabu’tu tu kapa’rannuanan mandu melo, tapobannang umpentireke’i Puang Matua.

IBRANI 7:24

apa iatu Ia, belanna tontong bang sae lakona, tae’mi natilele len lako to senga’ tu ka TominaanNa.

IBRANI 7:8

Inde te iatu to untarima taa sangpulona iamo to tang la marendeng, apa inde to dio den misa’ to dikanassai kumua tuo marendeng ia.

IBRANI 9:24

Belanna iatu Kristus tangia tamamo inan maindan panggaraga lima, tu rapang-rapang batangna inan maindan, sangadinna tama batang suruga, la mennolo totemo dio oloNa Puang Matua belanna kita.

YUDAS 1:24

Na lako Puang, tu kuasa ungkarimmannikomi dio mai katitodoan, anNa popennolo tang sayuangkomi dio olo mala’bi’Na, situang kaparannuan kapua,