IBRANI 7:1 - Sura' Madatu

¹ Iatu Melkisedek iamo datu dio Salem sia tominaanNa Puang Matua patodoranna, tu mangkamo untammui Abraham tonna sule tu Abraham untalo mintu’ datu, napassakkemi tu Abraham.

IBRANI 7:1 ပူးပေါင်းရင်းမြစ်များ

PA’PUDIAN 57:2

Katuru-turuina’, o Puang Matua, katuru-turuina’, belanna mati’ Kalemi nanii mentilindung deatangku; ondongpi diong to’ ongan pani’Mi kunii mentilindung sae lako lendu’ malolona te kasanggangan.

PA’PUDIAN 76:2

Iatu Puang Matua kalelean lan tana Yehuda, sia iatu sanganNa mala’bi’ lan tana Israel.

PA’PUDIAN 78:35

Sia nakilalaimo tau iato mai, kumua iatu Puang Matua Iamo buntu batunna, sia Puang Matua Patodoranna, iamo patunduanna.

PA’PUDIAN 78:56

Apa nasandak tau iato mai tu Puang Matua, sia unnea lako Puang, Patodoranna, sia tang unturu’ kasa’bianNa.

DANIEL 4:2

Naalamo penaangku umpa’peissananni tu mintu’ tanda kalle-kallean sia tanda mangnga, tu mangka Napogau’ Puang Matua patodoranna lako kaleku.

DANIEL 5:18

O datu, mangkamo Puang Matua, Patodoranna, ungkamasei kadatuan, kataromposan, kadipangkeran sia kamala’biran tu Nebukadnezar, ambe’mi.

DANIEL 5:21

Ondongpi diali’ dio mai sangbilangan tolino, na iatu penaanna susimo tu penaa olo’-olo’, sia sangtorroammo keledai lampung sia dibenmo riu nakande susi sapi sia nasakka’imo ambun dao mai langi’ tu kalena sae lako naaku, kumua Puang Matua, Patodorannamo, ungkuasai kadatuanna tolino sia untokkoi tu la dadi datu tu minda-minda naala penaanNa.

MIKHA 6:6

Apara la kubaa la mennolo lako Puang sia la kubaa tukku menomba lako Puang Matua dao inan madaona? Ma’dinraka kupennoloan tu pemala’ ditunu pu’pu’, iamotu anak domba sangtaun dadinna?

MARKUS 5:7

sia mukkun melalla-lalla umpemandui gamaranna nakua: La siapariki’, e Yesu, Anakna Puang Patodoranna! Massumpana’ ussa’bu’ sanganNa Puang Matua umpalakui lako Kalemi da’ amMi pakario-riona’.

PENGGAURANNA RASULU’ 16:17

Undimi urrundu’ Paulus sia kami, nametamba-tamba nakua: Tau iamote mai tu taunNa Puang Matua patodoranna, tu umpokadangkomi lalan kamakarimmanan.

IBRANI 6:20

dio inan Naniimo Yesu mentama mendadi Panglalan belanna kita, tu mendadi Tominaa Kapua sae lakona unturu’ lalanna Melkisedek.

IBRANI 7:2

Lako dukamo nanii Abraham umpa’ben taa sangpulona dio mai mintu’na. Iatu Melkisedek, ke dibattuananni bunga’na, datu malolo, disanga polepa datu Salem, iamo datu marampa’.

IBRANI 7:3

Tu tang keambe’ sia tang keindo’ sia tang keossoran, sia tae’ pamulanna ba’tu katampakan katuoanna, sangadinna dipasangtinti ia AnakNa Puang Matua, tontongmi ia Tominaa sae lakona.

IBRANI 7:6

apa iatu Melkisedek tu tang sangnene’ tau iato, unnalamo taa sangpulona dio mai Abraham sia napassakke tu to unnappa’ mintu’ pangallu’ iato.