IBRANI 6:5 - Sura' Madatu

⁵ sia ussa’ding kada meloNa Puang Matua sisola kamatotoranna attu la sae,

IBRANI 6:5 ပူးပေါင်းရင်းမြစ်များ

PA’PUDIAN 34:8

Iatu Malaeka’Na PUANG lumiling, ungkampai mintu’ to ungkataku’ Puang sia urrinding pala’ tau iato mai.

MATIUS 12:32

Sia minda-minda ussa’bu’ kada untingoi Anak rampan dilino, la dipa’dei sia kasalanna; apa minda-minda umpokada kada untingoi Penaa Masallo’, tae’ nala dipa’dei kasalanna, la lan te lino, la lan lino undi.

MARKUS 6:20

Belanna mataku’ tu Herodes lako Yohanes, apa naissan: iamo misa’ to malambu’ sia masallo’, napangeai bangmi; sia pembuda ke urrangii pangadaranna Yohanes, pussakmi penaanna, apa moi susito naporai duka umperangii.

LUKAS 8:13

Na iatu diona to’ batu, iamotu tau untarimai, ke narangii sia parannu len penaanna; apa tae’ namennuaka’ lan penaanna, sangadi napatongan sangattu’ bangri, ianna rampoi peroso, tikkondo’mi penaanna.

EFESUS 6:17

Sia tarimai tu songko’ bassi kamakarimmanan sia pa’dang Penaa, iamotu kadanNa Puang Matua.

IBRANI 11:3

Bannang dio kapatonganan taissanni, kumua iatu mintu’ angge maritik Napadadi kadanNa Puang Matua, naurunganni iatu apa nata’pai mata, tae’ nadadi dio mai apa mempaan.

IBRANI 2:5

Belanna tangia Nasorong lu lako malaeka’ anNa popengkanorongi tu lino undi, tu tapokadanna.

IBRANI 4:12

Belanna iatu kadanNa Puang Matua tuo sia maatang sia mandu mataran anna pa’dang kemata patomali, sia mandalan pa’kandeanna, naurunganni umpasisarak sumanga’ anna penaa, sia lesokan anna utak buku lampa, sia naissan umpelalan tangnga’ sia lalan penaa.

1 PETRUS 1:25

apa iatu kadanNa Puang Matua tontong sae lakona. Iamora te tu kada di pa’peissanan lako kalemi.

1 PETRUS 2:3

iake misa’dingmi kumua masokan tu Puang.

2 PETRUS 2:20

Belanna iake tilendokmi tu tau iato mai dio mai kamaruttakanna lino tete dio kauntandaiannamo Puang To pakarimmananta, Yesu Kristus, naundinna tibalik poleomi naala poya lan mintu’nato anna talo, mandu kadake ia te undinna na iatu pamulanna.