IBRANI 6:4 - Sura' Madatu

⁴ Belanna mintu’i tu to paissanmo dipamasiang tu penaanna, sia ussa’ding-sa’dingmo pa’kamase lu dao mai suruga sia umpoba’gimo Penaa Masallo’,

IBRANI 6:4 ပူးပေါင်းရင်းမြစ်များ

SURA’ KATOMINAAN 13:55

La natiro to minaa tu apa sanggang, ke mangkami dibusukki; iake payanmi kumua tae’ nasenga’ rupanna tu apa sanggang iato, moi natae’mo namanglalla’ tu apa sanggang iato, manassa maruttak; inang la mutappui muballa, belanna iamo misa’ apa pasanggangan lanna lu ba’tu dio salianna.

SURA’ KATOMINAAN 14:43

Apa iake den pole’i tu saki kapua lan banua iato, ke mangkami nasu’be’i tau tu batunna sia nakarrukki tu banua iato sia nasapu’ kapu’,

KADIBILANGAN 24:3

Naparandukmi umpokadai tu kada peada’na sia ma’kada nakua: Kada peada’na Bileam, anakna Beor, sia kada peada’na muane, tu millikmo matanna;

MATIUS 12:45

Undinna lao pole’ omi untambai deata senga’ pitu nasisolan, tu masussukna pissan na ia, natama namembanua lan; dadi ma’katampakanna ondong pissanmi masua-suanna tu to natamai na iatonna dolona. Ten dukamoto la dadi lako te bangsa kadake.

MATIUS 5:13

Kamumo te tu sianna lino. Iake memmatammakki tu sia, apa pole’pa la dipamapi’danni? Tae’mo naden len gai’na, sangadinna ditibe sia nalullu’ tau.

YOHANES 15:6

Iake denni tau tae’ nareso’ lan Kaleku, dialai lao lako salian susitu tangke anggoro’, anna marangke; anna rampunni tau, anna pembuanganni tama to’ api, namampu’.

YOHANES 3:27

Mebalimi Yohanes nakua: Moi misa’ tau tae’ nama’din unnala misa’ apa, ke tae’i nadikamaseanni dao mai suruga.

YOHANES 4:10

Mebalimi Yesu Nakua ungkuanni: Iakemmu tandai tu pa’kamaseNa Puang Matua sia minda tu umpa’kadaiko, kumua: benNa’ uai Kuiru’i, tae’ mutang malakumo lako, sia mangkamoko Naben tu uai marendeng.

YOHANES 6:32

Nakuami Yesu ungkuanni tinde tau: Tonganna tongan Kukua mati’: Tangia Musa tu mangka umbenkomi tu roti dao mai suruga, sangadinna Ambe’Kuri tu umpa’kamaseanni lako kalemi tu roti tongan dao mai suruga.

PENGGAURANNA RASULU’ 10:45

Mintu’na tu to ma’patongan, tu unturu’ aluk sunna’, tu saena sola Petrus, lendu’ mangngana, belanna dipasonglo’ duka sia dipa’kamasean tu Penaa Masallo’ lako to kapere’.

PENGGAURANNA RASULU’ 11:17

Iamoto, iake Napa’kamaseanni Puang Matua lako tu tau tu pa’kamase susi Nakamaseangki’, tonta patongan Yesu Kristus, mindana’ aku te, angku la ma’din unnampangi Puang Matua?

PENGGAURANNA RASULU’ 15:8

Anna Puang Matua, tu untandai penaanna tau, untongananni tu tau Napa’kamaseanni lako tu Penaa Masallo’ susitu kaNakamaseinta;

PENGGAURANNA RASULU’ 8:20

Apa nakua Petrus ungkuanni: Masolang tu doi’mu sola kalemu, belanna musanga ma’din dialli doi’ tu pa’kamasaeanNa Puang Matua.

ROMA 1:11

Belanna mamali’na’ la ussitiroangkomi, kumua angku pasilelekomi pa’kamasean mempenaa umpabatta’komi;

2 KORINTUS 4:4

tu mangka napabuta datunna lino tu mata penaanna to tang ma’patongan, kumua da anna kita arrang kamala’biranNa Kristus iamotu rupanNa Puang Matua.

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

GALATIA 3:2

Inde mannari tu la moraina’ unnissanni dio mai kalemi: Dionaraka ungkaritutui tuntunan Sukaran aluk ammi tarima Penaa, ba’tu dionaraka kadipalolanganna kapatonganan?

GALATIA 3:5

Iatu To umpa’kamaseanni tu Penaa lako kalemi sia umpadenangkomi tanda kamatotoran, tete dioraka ungkaritutui tuntunan Sukaran aluk, anNa pogau’i tu iannato, ba’tu tete dioraka kadipalolanganna kapatonganan?

EFESUS 1:18

Iamotu mata penaammi Napemarorrongi, ammi tandai apa tu dirannuanan diona petambaNa Puang Matua sia tumba kapuana tu kamala’biranna mana’ pa’ba’ginNa nadulu to masallo’;

EFESUS 2:8

Belanna tete dio kamaturu-turuan iato ammi dikarimmanni diona kapatonganan, anna iatu iannato tangia tuo dio mai kalemi, sangadinna pa’kamaseanNa Puang Matua,

EFESUS 3:7

Anna aku dipadadi to ma’kamayana Kareba-kaparannuan, situru’ serong pa’kamaseanNa Puang Matua, tu Napa’kamasean lako kaleku sitinaya pengkarangan kamatotoranNa.

EFESUS 4:7

Apa iatu kita mintu’ mangkamoki’ pantan diserongi pa’kamasean, sitinaya sukaran pamenganNa Kristus.

1 TIMOTIUS 4:14

Da mukasalioi tu pa’kamasean lan kalemu, tu dipa’kamasean lako kalemu tete dio pa’nubua’ tonna remme’iko limanna mintu’ penatua.

2 TIMOTIUS 2:25

sorong inaa unnada’i tu mintu’ to umbalii, kumua sangapaoi Napa’kamaseanni Puang Matua lako tau iato tu kamengkatobaran, naurunganni ullambi’i tu kapaissanan diona tu kamanapparan,

2 TIMOTIUS 4:14

Iatu Aleksander, pande tambaga, lendu’mo kakadakean napogau’ lako kaleku; Puang la umpapakkanni lako kalena tu sitinayanna penggauranna.

IBRANI 10:32

Apa kilalai tonna dolona, tonna dipemasiangimo tu penaammi, mipengkullei tonganni umpatanan penaammi lan parri’ paria;

IBRANI 2:4

mangka dukamo Nakatottongi Puang Matua tu iannato tete dio tanda kalle-kallean sia tanda mangnga sia ma’rupa-rupa kuasa sia diona kaumpa’kamaseanNa Penaa Masallo’ unturu’ pa’poraianNa.

1 YOHANES 5:16

Iake denni misa’ tau untiro siulu’na umpogau’ kasalan tu tang umpabu’tunna kamatean, la napassambayangan, na Puang ungkamasei katuoan, iamotu mintu’ to umpogau’ kasalan tu tang umpabu’tunna kamatean. Den tu kasalan umpabu’tu kamatean, tae’ nadiona to tu kukuan pato’ napassambayangan.