IBRANI 6:2 - Sura' Madatu

² sia pangadaran diona to mai pa’dioran, sia diona urremme’i lima tau, sia diona kamalimbangunanna to mate sia ukungan matontongan.

IBRANI 6:2 ပူးပေါင်းရင်းမြစ်များ

TOMANGADA’ 12:14

Belanna iatu simisa’-misa’ penggauranna tau la Napopennolo Puang Matua tama pa’paolaian salu diona tu mintu’ apa membuni, la melona, la kadakena.

YESAYA 26:19

Mintu’ taumMi tu matenamo la tuo sule, sia batang rabukku duka; mintu’i la pada malimbangun. Millikkomi sia kumalasi-lasikomi, e kamu sola nasang, tu to diong litak! belanna iatu damo’Mi iamo damo’ paarrang; sia iatu litak la ullua mintu’ to mangka mate.

DANIEL 12:2

Anna buda tu to matindomo lan lipu daenan, la malimbangun sule, den lu lako katuoan sae lakona, den lu lako kaditattan, iamotu apa megi’giran sae lakona.

MATIUS 28:19

Iamoto malemokomi mipopendadii anak gurungKu tu mintu’na bangsa, ammi dio’i tama sanganNa Ambe’, sia Anak na Penaa Masallo’;

MATIUS 3:14

Apa natumpu Yohanes tu diongna penaanNa sia nakua: Akuri la Midio’, ma’apai anna Kamu la sae lako kaleku!

MARKUS 16:16

Minda-minda tu umpatonganni sia didio’, iamo la dikarimmanni, apa minda-minda tu tang umpatonganni, iamo la diukung.

MARKUS 7:4

Ten dukato ke sulei dio mai pasa’, tae’ nakumande, ke tae’i napemabasei dolo tu kalena; sia budapa senga’na tu diannanni la naturu’, susinna umbasei irusan sia suke tutu’ sia sere’ gallang.

MARKUS 7:8

Mirampanan tu ParentaNa Puang Matua, anna pangalukan tolino mitoe.

LUKAS 11:38

Mangngami tu to Farisi, tonna tiroi, tae’ Namembase dolo, Namane kumande.

LUKAS 12:50

Apa tae’ nasalai tang didio’Na’ lan misa’ kadidioran sia tang pada kamakario-rioangKu sae lako disundunninna tu iannato.

LUKAS 14:14

Dadi la salama’komi, belanna iatu tau iato tae’ nabelai umpabala’i lako kalemi, sangadinna la dipabala’i lako kalemi ke dipatuoi sule tu mintu’ to ma’bulo sanglampa.

LUKAS 3:16

Mebalimi Yohanes lako mintu’ tau, nakua: Tonganna kudio’komi uai, apa la sae pole undinna tu To ondong Ia kuasanNa na aku, moi ulang lapik lentekNa tang sipatu dukana’ la umbukai. Iamo la undio’komi Penaa Masallo’ sia api.

YOHANES 1:33

Aku tae’ duka kutandai, apa Ia tu To ussuana’ umpa’dioran uai, mangka umpokadanna’ kumua: Minda-minda mutiro Nanii songlo’ tu Penaa anna torroi, Iamoto tu umpa’dioran Penaa Masallo’.

YOHANES 5:29

anna sun; mintu’na tu to umpogau’ kameloan la malimbangun natama katuoan tontong sae lakona, sia mintu’na tu to umpogau’ kakadakean la malimbangun natama ukungan.

PENGGAURANNA RASULU’ 10:47

Ma’dinraka misa’ tau la umpadapai tu uai, ke didio’i tu to untarimamo Penaa Masallo’ susite kami?

PENGGAURANNA RASULU’ 13:3

Ma’puasami tinde tau sia massambayang, anna remme’i limanna, anna eloranni male.

PENGGAURANNA RASULU’ 16:15

Tonna mangkamo didio’ sola to lan banuanna, natamba-tambaimokan, nakua: Iake misanga siai kumua aku te to mengkaola lako Puang, maikomi ammi torro dio banuangku. Naparuku-rukumokan.

PENGGAURANNA RASULU’ 16:33

Ia bangsiami to bongi iato nata’pa ussolanni tinde tau, nabasei tu mai sipa’la’po-la’poanna dio kalena; ta’pa ma’popedio’mi sola tu mintu’ solana.

PENGGAURANNA RASULU’ 17:18

Den duka ba’tu pira-pira tu to untoe pangadaranna to Epikuros sia Stoa nasitamben kadan. Den tu kumua: Apara la napokada te to salle kada? Apa nakua tu pira’na: Takua-kua to umpa’peissanan deata banga’, belanna iatu Paulus umpa’peissanan Kareba-kaparannuan diona Yesu sia diona tu kamalimbangunan.

PENGGAURANNA RASULU’ 2:38

Nakuami Petrus lako tu tau: La mengkatoba’komi ammi pantan ma’popedio’ tete dio sanganNa Yesu Kristus tu napotete kadipa’deian kasalammi, ammi kabu’tui Penaa Masallo’ dipa’kamasean.

PENGGAURANNA RASULU’ 2:41

Ma’popedio’mi tu mintu’ to untarimai tu kadanna; keranganmi bilanganna tonna allo iato agi-agi tallungsa’bu tau.

PENGGAURANNA RASULU’ 23:6

Iatonna tandai Paulus kumua ia tinde tau to Saduki pira anna to Farisi pira, napemanduimi ma’kada lan kombongan nakua: E sangsiuluran, aku te to Farisina’ sia taruk to Farisi. Na belanna kapa’rannuanan diona kamalimbangunanna to mate, angku diparapa’.

PENGGAURANNA RASULU’ 24:15

Sia ma’passarena’ lako Puang Matua, susi duka tu mati’ tau umposande’i kumua la den tu kamalimbangunan dio mai to’ to mate la lako to malambu’ la lako to tang malambu’.

PENGGAURANNA RASULU’ 24:21

ia manna to sangbuku kada, tu kupetamban tongku bendan lan tangngana kukua: Diona manna kamalimbangunanna to mate diparapasanna’ dio olomi te allo iate.

PENGGAURANNA RASULU’ 24:25

Apa iatonna uleleanni Paulus tu diona kamalamburan sia diona kauntaloian kale sia iatu kadipaolaian salu, mataku’mi tu Feliks, nama’kada nakua: Da’ito laomoko, nadennopa palambi’ku kutambaiko.

PENGGAURANNA RASULU’ 26:8

Umbara misanga? Misangaraka tang la dadi, ke Napamalimbangunni Puang Matua tu to mate?

PENGGAURANNA RASULU’ 4:2

sia lendu’ magi’gi’na, belanna naada’i tu tau sia napa’peissanan, kumua tete lan Yesu den tu kamalimbangunan dio mai to’ to mate.

PENGGAURANNA RASULU’ 6:6

Nasolan nasangmi lako rasulu’ tu tau iato; massambayangmi tu rasulu’, naremme’i rasulu’ limanna tinde tau.

ROMA 2:16

to ke allo Nanii Puang Matua umpaolai salunna tu mintu’ tangnga’ tang dikita dio tolino, tete dio Kristus Yesu, situru’ tu Kareba-kaparannuan kupa’peissanan.

1 KORINTUS 10:2

sia mangka nasangmo umpopedio’ kalena tama Musa tonna onganni salebu’ sia tonna lan tasik,

1 KORINTUS 12:13

Belanna misa’ri Penaa mangka dinii undio’ki’ sola nasang anta mendadi misa’ kale, la to Yahudi, la to Yunani, la kaunan, la to makaka; mintu’ki’ dipatamai tu Penaa misa’.

2 KORINTUS 5:10

Belanna tae’ nasalai tang payan nasangki’ dio tingo isungan pangra’tasanNa Kristus, anta pantan untarimai tu pakkanna, tumba tu mangkanna tapogau’ tonta lanpa batang kaleta, la melo la kadake.

FILIPI 3:21

tu la umpopembali te kale lanta kamakario-rioanta, anna susi kale lanNa kamala’biranNa, situru’ tu kuasa Napokuasa umpopengkanorongi tu mintu’ angge maritik lako Kalena.

KOLOSE 2:12

Anna lan pa’dioran dinii umpasilamunkomi, sia lan duka pa’dioran iato dinii umpamalimbangunkomi sola, belanna diona umpatongan kuasanNa Puang Matua tu umpamalimbangunNi dio mai to’ to mate.

2 TIMOTIUS 2:18

tu sepangmo dio mai kamanapparan, sia nakua kumua iatu kamalimbangunanna to mate dadimo, na ba’tu pira-pira tu tau napatibalik tu kapatongananna.

IBRANI 11:35

Anna den pira-pira tu baine ungkabu’tui sule tu solana dipamalimbangun dio mai to’ to mate, iatu senga’na dipakitai pa’di’, anna tae’ namorai untarima kadirampananna, kumua anna appa’i tu kamalimbangunan mandu polepa melo.

IBRANI 9:10

na iatu apa iato tu ma’rupa kande sia diiru’na sia ma’rupa-rupa pebase, pangalukan a’gan tolino bangri to, tu dipatageran tau sae lako nalambi’na atoran ma’rundunan melo.

2 PETRUS 3:7

Apa iate langi’ sola lino te denna totemo, susi ianan dianna rara’, diparandanan api, tete dio duka kada iato sae lako allo kadiukungan sia kasangganganna mintu’ to battuk.