IBRANI 6:18 - Sura' Madatu

¹⁸ kumua anna bannang dio te da’dua passalan tang tileluk tu Nanii Puang Matua tang balle, nadipabatta’ tu penaanta te kita mallainnamo mentilindung lako Kalena la untoe kapa’rannuanan tu diomo tingayota,

IBRANI 6:18 ပူးပေါင်းရင်းမြစ်များ

KADADIAN 19:22

Madomi’ko male umpallaian kalemu lako, belanna tae’pa kuma’din umpogau’ misa’ apa, ke tae’pi ammu rampo lako. Iamoto anna sangai Zoar tau tu kota iato.

1 DATU 2:28

Iatonna rampomo tu kareba iato lako Yoab – belanna iatu Yoab ma’mirringan lako Adonia, moi anna dolona tae’ anna ma’mirringan lako Absalom – mallaimi tu Yoab lu tama tendaNa PUANG, natoei tu tanduk inan pemalaran.

PA’PUDIAN 110:4

Umpalaomo sumpa tu PUANG sia tang la menassan: Ikomo Tominaa tontong sae lakona unturu’ lalanna Melkisedek;

PA’PUDIAN 46:1

Lu lakona pangala sengo. Misa’ pa’pudianna to Korah. Unturu’ baenan sengo: Anak dara. Misa’ sengo.

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

SARAMBU PEADA’ 3:18

Iamo napooto’ katuoan minda-minda tu untoei, sia minda-minda tu ulla’ka’i la dipudi kumua to maupa’.

SARAMBU PEADA’ 4:13

Toe manda’i tu peada’, da murampananni, sangadinna karitutui belanna iamo mupotuo.

YESAYA 27:5

– Sangadinna ke napentoei tu pa’rinding pala’Ku, sia ke sikadamakNa’, ke sikadamakNa’.

YESAYA 51:12

Aku, Akumo tu umpakatanako; ma’patumbaroko ammu kataku’ri tu tolino inang la mate, sia ma’rupa tau tu sangtinti riu dibela’i!

YESAYA 56:4

Belanna nakua kadanNa PUANG: Diona tu to dibalianni, tu ungkaritutui mintu’ allo katorroangKu sia umpalosong pa’poraiangKu sia untoe manda’ basseKu.

YESAYA 64:7

Sia tae’mo misa’ tu to ussa’bu’ sangamMi sia umpamukkun kalena la la’ka’ lako Kalemi; belanna Mibuniangkan tu lindoMi, sia Mipopa’elo’nakan lako kuasanna mintu’ kakadakeangki.

ZAKHARIA 9:12

La sulekomi tama kota benteng, e to ditarungku, tu den siapa rannunna; allo ia duka te Kupa’peissananni, kumua la Kupakkanniko melo manglokkon penduan.

KADIBILANGAN 23:19

Iatu Puang Matua tangia tolino, anNa ma’kada tang tongan; ba’tu misa’ ma’rupa tau, anNa menassan. Ma’kadaraka anna tang umpogau’i, ba’tu mangallu’, anNa tang umpadadii?

MATIUS 24:35

Iatu langi’ sola lino la pa’de, apa iatu kadangKu tae’ nala pa’de.

MATIUS 3:7

Apa iatonna tiroi, buda tu to Farisi sia to Saduki sae duka la ma’popedio’, nakuami lako: E bati’ ula’ rame, mindara umpatudukomi umpallaian kalemi dio mai tu kasengkean la sae undinna?

LUKAS 2:25

Den todami tau lan Yerusalem misa’, disanga Simeon, iamo misa’ to malambu’ sia umpatongan Puang Matua, umpeagi bangmo pa’pakatana lako to Israel sia den Penaa Masallo’ lan kalena.

ROMA 15:5

Anna Puang Matua, tu oto’na mintu’ kama’tanan penaa sia pa’pakatana, ungkamaseikomi sangapaoi upa’ ammi pada sanginaa, unturu’ sangka’Na Kristus Yesu,

ROMA 3:25

Tu Napatingo Puang Matua mendadi pemala’ kasikaeloan diona raraNa, tete dio kapatonganan anNa papayanni tu kamalamburanNa belanna tae’ Naukungi tu mintu’na kasalan tonna dolona tonna pama’tanampi penaa Puang Matua,

ROMA 3:4

Inang tae’ ia to! Sangadinna inang tonganna susitu dipokada kumua tongan Ia tu Puang Matua, apa mintu’na tolino buttok, susi tu disura’ kumua: AmMi payanan tongan dio kadamMi sia pataloKomi ke dipasalaKomi.

ROMA 5:5

anna iatu kapa’rannuanan tae’ namepakasiri’, belanna mangkamo ditua’ tu kamamaseanNa Puang Matua tama penaanta tete dio Penaa Masallo’ tu dikamaseangki’.

FILIPI 2:1

Iamoto, iake denni pa’pakilala tete dio Kristus, iake denni pa’pakatana pa’kaboro’, iake denni kasiturusan Penaa, iake denni kamamasean sia kamaturu-turuan,

KOLOSE 1:23

podo ammi bantang sia batta’ umpoparandangan kapatonganan, apa pole’pa, ke tae’i mimemboko’ dio mai kapa’rannuanan napabu’tu Kareba-kaparannuan, tu mangkamo mirangi, tu dipa’peissanan lako mintu’ sangga menaa lan nasambo langi’ sia tu kuninna te aku Paulus mendadi to ma’kamayana.

KOLOSE 1:27

Lako tu tau iamoto Naporai Puang Matua umpasomboi, tumba kapuana kamala’biranna rasia iato dio lu to kapere’, iamotu Kristus tu dio kalemi; Iamo kapa’rannuanan, tu diporannu la ungkabu’tui kamala’biran,

KOLOSE 1:5

sia diona apa dirannuan, tu diparandanangkomi dao suruga, tu mangkamo mirangi dolona lan kada kamanapparan, iamotu Kareba-kaparannuan,

1 TESALONIKA 1:10

sia untayan kasaeanNa AnakNa dao mai suruga, tu mangka Napamalimbangun dio mai to’ to mate, iamotu Yesu, tu ullendokangki’ dio mai kasengkean la sae undinna.

1 TIMOTIUS 1:1

Iate sura’ lu dio mai Paulus, rasulu’Na Yesu Kristus tete dio pepasanNa Puang Matua, To pakarimmananta, sia dio mai Yesu Kristus kapa’rannuananta,

1 TIMOTIUS 6:12

Pembela-belai lan rari melona kapatonganan, pellambi’i tu katuoan matontongan, tu ditambammoko, sia mangkamoko unnaku pangakuan tongan dio tingayona buda sa’bi.

2 TIMOTIUS 2:13

iake tang maruru’ki, tontong Ia maruru’, belanna tae’ nama’din la Napeonganni tu Kalena.

TITUS 1:2

tete dio kapa’rannuanan lako katuoan sae lakona, tu mangka Naallu’ dolomo Puang Matua tang balle na iatu tipamulanna attu,

IBRANI 11:7

Bannang dio dukamora kapatonganan na iatu Nuh, tonna mangkamo Puang Matua umpokadanni tu diona apa tang dikitapa, ungkasiri’mi Puang Matua napasakka’i tu lembang iato la umpamakarimman mintu’ to lan banuanna; tete dio kapatongananna napasalai tu mintu’ issinna lino, anna pomana’ kamaloloan tu situru’ kapatonganan iato.

IBRANI 3:11

iamoto angku palenduranni kada kumua: Inang tae’ nala tama inan kapelayoangKu tu tau iato.

IBRANI 3:6

apa Kristus susi Anak ungkuasai makalima’na apa lan banuanNa Puang Matua; kitamorate tu apa lan banuanNa, podo ke tang tilelukki tu penaa batta’ta sia kapa’rannuananta, tu taposattuan (sae lako katampakanna).

IBRANI 6:17

Iannamorato, belanna morai tongan tu Puang Matua umpapayan katanglelukanNa lalan penaanNa lako mintu’ to umpomana’ pangallu’, Naarra’imi sumpa,

IBRANI 7:19

– belanna moi misa’ tae’ napasundun Sukaran aluk – apa dipabu’tu tu kapa’rannuanan mandu melo, tapobannang umpentireke’i Puang Matua.

IBRANI 7:21

apa iatu Ia Napadudungi sumpa Puang Matua tu ma’kada lako Kalena, Nakua: Umpalaomo sumpa tu Puang sia tang la menassan, Kamumo Tominaa tontong sae lakona.

YOSUA 20:3

kumua minda-minda tu papatean tang naangga’i sia tang nakapang-kapang la mallai lako umpopentilindunganni dio mai to mangala puli.

1 YOHANES 1:10

Iake ma’kadaki’ kumua tae’pa tapogau’ len kasalan, untanda to mo’rangki’ Puang Matua, sia tae’ dio kaleta tu kadanNa.

1 YOHANES 5:10

Iatu to umpatongan AnakNa Puang Matua den kamanassan lan kalena; iatu to tae’ napatongan Puang Matua, natanda to mo’rang tu Puang, belanna tae’ napatonganni tau iato tu pa’katottonginNa Puang Matua diona AnakNa.

1 SAMUEL 15:29

Ondongpi iatu Puangna Israel, Puang tang membali-bali, tae’ Nabiasa tu ma’kada tang tongan sia tae’ duka Namenassan; belanna tangia to lino Naurunganni menassan.