IBRANI 6:13 - Sura' Madatu

¹³ Belanna tonna mangallu’ tu Puang Matua lako Abraham, apa tae’mo ia daoanna tu Kalena, umposumpa Kalenami Kalena,

IBRANI 6:13 ပူးပေါင်းရင်းမြစ်များ

1 OSSORANNA DATU 16:16

iamotu basse Napantok sola Abraham, Sia sumpaNa lako Ishak.

KATASSURAN 32:13

Kilalai tu taumMi Abraham sia Ishak sia Israel, tu umpalaoKomi sumpa unnallu’i tete dio Kalemi lako tau iato mai sia ma’kada lako kumua: La Kupopemba’ka’ kalle-kallean tu bati’mi susi bintoen dao langi’, na mintu’ tu padang tu Kupokadammokomi a’ganna, la Kukamasean bati’mi, la napomana’ tontong sae lakona.

YESAYA 45:23

Belanna mangkaMo’ umposumpa Kaleku, na iatu sunnamo dio randan pudukKu, tonganna, moi sangbuku kada tae’ Kuriu’ sule, kumua: mintu’ guntu’ la malinguntu’ lako Kaleku sia mintu’ lila la umposumpaNa’.

YEREMIA 22:5

Apa iake tae’i miperangii te kada iate, mangkaMo’ umpalao sumpa tete dio Kaleku, kadanNa PUANG, kumua iate tongkonan layuk iate la daun lauanmo.

YEREMIA 44:26

Iamoto perangiimi tu kadanNa PUANG, e mintu’ to Yehuda, tu torro dio tondok Mesir: Tonganna umposumpaNa’ sangangKu, tu mandu pasareongan, kadanNa PUANG kumua: Moi misa’ to Yehuda tae’mo nasa’bu’i randan pudukna tu sangangKu, nakua: La lelukraka tuoNa Puangta PUANG!

YEREMIA 49:13

Belanna mangkaMo’ umpalao sumpa tete dio Kaleku, kadanNa PUANG, kumua iatu Bozra la mendadi apa metakuran sia kaditattan sia megiangan sia tampakan ropu sia iatu mintu’ tondokna la daun lauan tontong sae lakona.

YEHEZKIEL 32:13

Iatu mintu’ patuoanna, Kuputtai dio mai biring uai kapua; tae’mo natisenggong len napobua’ lette’ tau, sia tae’mo namaluttuk len napobua’ lette’ patuoan.

MIKHA 7:20

La Mipatiroan Yakub tu kamarurusan sia kamasokanan lako Abraham, susitu sumpaMi dolo-dolona lako nene to doloki.

LUKAS 1:73

sia iatu kada mangka Nasibassei nene’ to dolota, Abraham, la Napa’kamasean lako kaleta;

GALATIA 3:15

E sangsiulurangku, ma’kada tolino siamo’: moi anna panglampak tolino bangsiara, ke mangkami dipakatua, tae’mo tau misa’ undampai ba’tu urrangnganni.

GALATIA 3:18

Belanna iake lu dioi mai tuntunan Sukaran aluk tu mana’, tangiamo lu dio mai pangallu’; apa mangkamo tu Puang Matua umpa’kamaseanni tu mana’ lako Abraham tete dio pangallu’.

PA’TOLE 1:8

Manassa la Kusorongangkomi tu tondok iato, tamamokomi, ammi alai tu tondok, tu Naallu’mo PUANG umpalao sumpa lako nene’ to dolomi, Abraham, Ishak na Yakub, kumua la Naben lako tau iato sola bati’na.