IBRANI 5:9 - Sura' Madatu

⁹ Tonna mangkamo dipasundun maneri Ia mendadi oto’ kamakarimmanan matontonganna mintu’ to mengkaola lako Kalena,

IBRANI 5:9 ပူးပေါင်းရင်းမြစ်များ

PA’PUDIAN 45:17

Mintu’ tu mai anakmi la ussonda to dolomi, tu la miala ampu lembang lan mintu’ tondok.

PA’PUDIAN 51:6

Mati’ Kalemi, ondong mati’ manna Kalemi kuniimo kasalan, sia umpogau’ apa kadake dio pentiroMi, kumua amMi sanda tonganna lan bisaramMi, sia malambu’ lan pa’paolaimMi salu.

PA’PUDIAN 51:8

Tonganna Mianga’ tu kamanapparan lan ba’teng sia lan lu tang dikitanna Minii umpasomboanna’ kakinaan.

YESAYA 45:22

Lu maikomi Kaleku, ammi makarimman, e mintu’ randan langi’, belanna Akumo tu Puang Matua tae’ senga’na.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

YESAYA 50:10

Mindarakomi tu ungkataku’ PUANG sia umperangii kadanna taunNa? Iake lumingkai nakabu’ kamalillinan sia tae’ kamasiangan dio, la urrannuan sanganNa PUANG sia sande’ lako Kapenombanna.

YESAYA 55:3

Tananni talinga, maikomi perangii, anna tuo tu deatammi; la untananNa’ basse matontongan lako kalemi; mintu’ tanda pa’kamasean tang tilelukKu lako Daud.

DANIEL 9:24

Pitungpulo minggunna dipamanassanni tu taummu sia kota maindanmu la ungganna’i tu kapatodo-tintingan sia la umpogau’i tu kasalan, sia la umbasei tu kakadakean, la umbaa kamaloloan sae lakona sia la ussanda tonganni patiro mendeata sia nabi, sia la umminnakki tu apa tarru’ maindan.

ZAKHARIA 6:15

Iatu to mambela la sae umbangunni tu Banua kabusunganNa PUANG, ammi tandai, kumua PUANGna mintu’ ma’dandan maritik ussuana’ lako kalemi. Iate iannate la dadi, ke miperangii sia mipalan penaai tu kadanNa PUANG, Kapenombammi.

MATIUS 17:5

Marassan bangsia ma’kada-kada, pakalan denmi sangleon gaun parrang unnonganni; narangimi tu gamara lan mai gaun iato nakua: Iamote tu Anak Pa’kaboro’Ku, Ia dukamo nanii kasendeangKu; perangii.

LUKAS 13:32

Nakuami Yesu lako: Malemokomi, pokadanni tu sindallung iato, kumua: Manassa la unnalaiNa’ deata sia umpamaleke tau te allo iate sia masiang duka, na allo ma’pentullannari namane upu’.

YOHANES 19:30

IatonNa lepa’i Yesu tu sukka, Nakuami: Sundunmo! Tukkumi, Naussorong penaanNa.

PENGGAURANNA RASULU’ 3:15

Ammi patei tu Panglalan lako katuoan, apa Napamalimbangunmo Puang Matua dio mai to’ to mate, iamotu iannato tu kikatottongi.

PENGGAURANNA RASULU’ 4:12

Tae’ naden kamakarimmanan dio misa’ duka tau; belanna lan nasambo langi’ tae’ sanga senga’ dipa’kamasean lako to lino tu sipatunna la tapomakarimman.

PENGGAURANNA RASULU’ 5:32

Sia kamimo te tu ungkatottongi tu iannate, ten dukato tu Penaa Masallo’ Napa’kamasean Puang Matua lako mintu’ to unturu’I.

ROMA 1:5

Bannang diori angki appa’ pa’kamasean sia pangka’ rasulu’ la umbaa mintu’ to kapere’ lako lalan kapengkaolan kapatonganan diona sanganNa.

ROMA 10:16

Apa tae’ namintu’i unturu’i tu Kareba-kaparannuan. Belanna nakua Yesaya: O Puang, mindamora umpatonganni tu kareba kipa’peissanan?

ROMA 15:18

Belanna tae’ kubarani umpokadai tu apa, sangadi iapi tu Napogau’na Kristus tu kusumbunganni, la umpadadi to menturu’ tu to kapere’, diona kada sia penggauran;

ROMA 2:8

apa kasengkean sia kamagi’giran Napapakkananni tu to basisi inaa sia tang mengkaola lako kamanapparan sangadinna mengkaola lako kakelokan.

ROMA 6:17

Apa kurre sumanga’na lako Puang Matua: tu dolona mengkaunankomi lako kasalan, apa totemo masorok tonganmo penaammi umpengkaolai atoran pangadaran diadarangkomi.

2 KORINTUS 10:5

Naurunganni umbambangan mintu’ kadanna tau, sia mintu’ apa matande unnea kapaissanan diona Puang Matua, sia urrampakan mintu’ tangnga’ kipopengkaolai lako Kristus;

FILIPI 2:12

Iamoto, e kamu mintu’ pa’kaboro’ku, susitu biasanna mengkaola bangkomi, tangia manna ke diona’ ren, sangadinna ondong pole’pa ke pa’dena’, karitutui tu kamakarimmanan kalemi situru’ kamatakuran sia kama’parondoan,

2 TESALONIKA 1:8

situang api ma’lana-lana, anNa pabala’i tu to untumpu Puang Matua sia iatu to manoka umpengkaolai Kareba-kaparannuanNa Puangta Yesu.

2 TESALONIKA 2:16

Na iamora tu Puangta Yesu Kristus, sia Puang Matua, Ambe’ta, tu mangkamo ungkamaseiki’ sia umpa’kamasean pa’pakatana matontongan sia kapa’rannuanan maelo tete dio kamaturu-turuanNa,

2 TIMOTIUS 2:10

Iamo patunna to angku batta’ umpatananni tu mintu’na, belanna mintu’ to ditonno’, kumua anna kabu’tui tu kamakarimmanan, lan Kristus Yesu sola kamala’biran tontong sae lakona.

IBRANI 1:14

Tangiaraka kumua mintu’na tu malaeka’ iamo penaa mengkaola lako Puang Matua, tu disua ungkamayai tolino, la umpomana’ kasalamaran?

IBRANI 11:40

Belanna Naparandanammiki’ Puang Matua tu apa la’bi’ melo, kumua da anna lambi’i tu kasundunan ke tae’i nakitai.

IBRANI 11:8

Bannang dio dukamora kapatonganan, anna turu’i Abraham tonna ditambai, naurunganni tassu’ male lako misa’ inan tu la napoba’gi nasiosso’i bati’na; tassu’mi tae’ natandai umba tu naola.

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

IBRANI 2:10

Belanna Puang Matua, tu bannang Dio sia tete Dio duka napodenNi angge maritik, anNa solan ba’tu sangapa budanna anak lako kamala’biran, pato’ umpasundun Panglalan kasalamaranna tau iato, tete dio buda kamaparrisan.

IBRANI 2:3

umbara la takua tilendok, ke tae’i takatappa’i tu kasalamaran pada kapuanato, tu tipamulanna Napa’peissanan Puang, anna pakanassai mintu’ to mangka urrangii lako kita;

IBRANI 9:12

sia tang umbaa rara bembe’ laki sia anak tedong, sangadinna raraNa Kalena, anNa pissanri tama inan maindan, umpabu’tu misa’ pangla’bakan matontongan.

IBRANI 9:15

Iamora bannangnato anna Ia mendadi Toparitangngana basse ba’ru, kumua anna iatu to ditambai ma’din unnappa’ mana’ matontongan tu mangka dialluranni, tonna rampoi kamatean Napangla’bakan kasalan tu napogau’ to naluang basse dolo.

IBRANI 9:28

susi dukamo Kristus, tonna mangkamo pissan dipemalaran la ullendokan kasalanna to buda, anna iake ma’penduannami, tang untanggungmo kasalanna tau, anNa tiroi mintu’ to untayanNi la napomakarimman.

1 PETRUS 1:22

Tu mangkamokomi usseroi deatammi diona kamengkaolammi lako kamanapparan miurunganni ungkarampa’i tonganni tu mintu’ siulu’, iamoto sipatu la lantuk penaa tongankomi siala mase,

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.

YUDAS 1:21

Nasusito karitutui tu kalemi lan pa’kaboro’Na Puang Matua, ammi tayan kamamaseanNa Puangta Yesu Kristus tu mebaa lako katuoan matontongan.