IBRANI 5:4 - Sura' Madatu

⁴ Moi misa’ tae’ anna alan kalenai kalena tu pangka’ mala’bi’ iato, sangadinna to Natambaipi Puang Matua susitu Harun.

IBRANI 5:4 ပူးပေါင်းရင်းမြစ်များ

1 OSSORANNA DATU 23:13

Iatu anakna Amram iamotu Harun sola Musa; iatu Harun dipamarimbangan, kumua anna dipamaindan butung to tarru’ maindan, la ia la iatu mai anakna muane, la untunu pemala’ dio oloNa PUANG, la umpengkaolai sia ma’passakke tete dio sanganNa, sae lakona.

2 OSSORANNA DATU 26:18

Natingoimi tu datu Uzia sia ma’kada lako nakua: E Uzia, tang sipatukomi la untunuan dupa PUANG, sangadinna to minaapi, bati’na Harun, tu mangka dipamasero la untunu dupa. Tassu’komi lan mai inan maindan, belanna tang maruru’komi sia iatu apa iato tae’ mipomala’bi’i dio oloNa PUANG Kapenomban.

EZRA 7:5

anakna Abisua, anakna Pinehas, anakna Eleazar, anakna Harun, iamo tominaa kapua –

KATASSURAN 28:1

Suai tu Harun kakammu sia mintu’ anakna muane mengkareke’ lako kalemu dio mai mintu’ to Israel la ungkarang toean to minaa lako Kaleku, iamotu Harun sia Nadab sia Abihu sia Eleazar sia Itamar, anakna Harun.

SURA’ KATOMINAAN 8:2

Alami tu Harun sola tu mai anakna tu nasisolan, pakeanna, minna’ dipa’tokkoan, sapi laki tu diposuru’ pengkalossoran, tu da’dua domba laki sia baka nanii roti tang diragii,

KADIBILANGAN 16:10

sia Napopengkareke’ko sia mintu’ siulu’mu tu to Lewi musisolan? La mituntun dukaparaka tu katominaan?

KADIBILANGAN 16:35

Songlo’mi tu api dao mai PUANG, anna pisanni tu muane duaratu’ llimangpulo, tu to umpemalaran dupa.

KADIBILANGAN 16:40

la dadi misa’ tanda pengkilalan lako to Israel, kumua da namengkareke’ lako Puang tu to tang sipatu, tu tang sangbilangan bati’na Harun, la untunu dupa dio oloNa PUANG, sia da naruai kasanggangan susi Korah sia to massituru’ nasisolan, susitu Napokada PUANG lako Eleazar tu nalopian Musa.

KADIBILANGAN 16:5

Anna ma’kada lako Korah sia mintu’ tu to massituru’, nakua: Masiang manassa PUANG la umpa’peissananni, minda tu marengke’ lako, sia minda tu to masero, tu Napopengkareke’ lako Kalena; minda-minda tu la Napilei Puang, manassa la Napopengkareke’ lako Kalena.

KADIBILANGAN 16:7

Patamai tu api sia patorroi dao tu dupa ke masiang, dio oloNa PUANG. Sia iatu muane la Napilei PUANG, iamoto tu to masero. Silasamoto tu diona kamu, e to Lewi.

KADIBILANGAN 18:7

Apa iatu iko sola tu mai anakmu, la musisolan untoe katominaammi lan mintu’ apa sipatu dipogau’ dio lu inan pemalaran sia diona tu mai apa dio boko’ kulambu, sia la mentoekomi dio. Susito misa’ pentoean, tu dipa’kamasean, Kukamaseikomi katominaan tu mitoe; apa iatu to tang sipatu mengkareke’, ke mengkareke’i, la dipatei.

KADIBILANGAN 3:3

Iamote tu sanganna anakna Harun, iamotu to minaa dibolloi minna’ tu mangka natokko la untoe pentoean to minaa.

YOHANES 3:27

Mebalimi Yohanes nakua: Moi misa’ tau tae’ nama’din unnala misa’ apa, ke tae’i nadikamaseanni dao mai suruga.