IBRANI 5:14 - Sura' Madatu

¹⁴ Apa iatu kande makarra’, iamo taana to matakko, tu to biasa umpatumbang tangnga’na anna belai umpasisengaran melo na kadake.

IBRANI 5:14 ပူးပေါင်းရင်းမြစ်များ

KADADIAN 3:5

Sangadinna Naissan Puang Matua, kumua randuk allo iato, ke mikandei tu bua kayu iato, ta’pa tibungka’ tu matammi, ammi susi Puang Matua unnissan melo sia kadake.

2 SAMUEL 14:17

Sia susite tu tangnga’ku, kukua: Iatu kadanna puangku datu la umparapa’ penaa, belanna susito misa’ malaeka’Na Puang Matua, susi dukamoto tu puangku datu la umperangii melo sia kadake. Na PUANG, Kapenombammimora urrondongkomi.

1 DATU 3:11

Sia Nakua Puang Matua lako kalena: belanna ia mupalakuiNa’ te ianna te, sia tae’ mupalakuan kalemu kamalamberan sunga’ sia kasugiran, sia tae’ mupalakui, anna mate tu mai ualimmu, apa ia manna mupalakuan kalemu tu kamatarrusan la untimbang melo kara-kara;

1 DATU 3:9

Iamoto, benni te taumMi tu kamatarrusan la umpaolai salu te bangsaMi, anna ma’din umpasisengaranni tu melo anna kadake, belanna mindara la umbelai umpaolai salu te bangsa budamMi?

AYUB 12:11

Tang nasudiraka talinga tu kada, sia tae’raka nale’i langi’-langi’ tu kande?

AYUB 34:3

Belanna talinga ussudi tu mintu’ ulelean, susi langi’-langi’ ullae’ kande.

AYUB 6:30

Denraka kakelokanna tongka’ dililaku? Tang ma’dinraka tu pa’pesa’dingku umpasisengaranni tu kamandasan?

PA’PUDIAN 119:103

Lendu’ ia marasanna kusa’ding tu mintu’ kadamMi, mandu matappa’ lan sadangku anna tani’ enoan.

PA’TENDENG BALLO 1:3

Iatu bau minna’mi busarungngu’, sia iatu sangammi susitu minna’ pandere’ dibolloan. Iamoto anna mintu’ anak dara ungkasinnaikomi.

PA’TENDENG BALLO 2:3

– Susi garonto’ lemo datu dio lu mintu’ garonto’ kayu pangala’, susi dukamoto tu andi’ pa’kaboro’ku dio lu mintu’na pia muane. Iatu unno’ko’ lan pentiongananna iamo pa’poraiangku, sia matanning tu buanna lan lingaroku.

YESAYA 7:15

Bumbungan pa’pamakko sola tani’ enoan nakande, ke naissanmi ussuale kadake anna alai tu maelona.

MATIUS 5:48

Iamoto dadi la tae’ sayuammi, susi Ambe’mi dao suruga tae’ sayu-sayuanNa.

ROMA 14:1

Paalai bilangan tu to langga’ lan kapatongananna, apa tangia kumua la mipopetamben kadai tu lanna penaanna.

1 KORINTUS 2:6

Iatu kakinaan kipokada duka dio lu to sundun kapatongananna. Apa tangia kakinaanna te lino sia tangia kakinaanna pangulunna te lino, tu la diputtai undinna,

EFESUS 1:18

Iamotu mata penaammi Napemarorrongi, ammi tandai apa tu dirannuanan diona petambaNa Puang Matua sia tumba kapuana tu kamala’biranna mana’ pa’ba’ginNa nadulu to masallo’;

EFESUS 4:13

taurunganni sola nasang landa’ lako kasisanginaan lan kapatonganan sia kapaissanan diona AnakNa Puang Matua sia lako kamatakkoan sae lako ma’angge kaloboranna kasundunanNa Kristus,

FILIPI 3:15

Iamoto, pira-piraki’ tu matakkomo, sipatuki’ la ma’inaa susito; na iake senga’i tangnga’mi lan misa’ apa, manassa ia dukato la Napasombo Puang Matua lako kalemi.

1 TESALONIKA 5:21

Sangadinna sudi tu mintu’na, na iatu melona la mitoe.

1 TIMOTIUS 4:7

Apa tumpui tu mintu’ ulelean tang kebattuan sangrupa uleleanna to matua baine. Sangadinna popa’biasako kalemu lan kamengkaolan.

IBRANI 6:1

Iamoto melo ke tatorroi urrundunanni tu tipamulanna pangadaran diona Kristus, anta patarru’mi lako kasundunan: da taparandanganni polei, iamotu pangadaran kamengkatobaran dio mai penggauran mate, sia kapatonganan lako Puang Matua,

YAKOBUS 3:2

belanna kita sola nasang buda apa tanii sala. Iake denni misa’ tau tae’ nasala lan buangan kadanna, iamoto sundun, sia ma’din duka umparenta mintu’ kalena.