IBRANI 5:1 - Sura' Madatu

¹ Belanna mintu’na tominaa kapua iamo diangka’ umbendanan tolino diona kamenomban langngan Puang Matua, kumua anna ia umpennoloan pemala’ sia suru’ belanna mintu’ kasalanna tau;

IBRANI 5:1 ပူးပေါင်းရင်းမြစ်များ

SURA’ KATOMINAAN 8:2

Alami tu Harun sola tu mai anakna tu nasisolan, pakeanna, minna’ dipa’tokkoan, sapi laki tu diposuru’ pengkalossoran, tu da’dua domba laki sia baka nanii roti tang diragii,

SURA’ KATOMINAAN 9:7

Ma’kadami tu Musa lako Harun nakua: Mengkareke’ko lako inan pemalaran sia parandanmi tu suru’ pengkalossorammu sia pemala’ ditunu pu’pu’mu sia padenanni kadiseroian kasalan tu kalemu sia bangsa iato; mangkato mumane umparandanni tu pemala’na bangsa iato, ammu padenanni kadiseroian kasalan susitu Napepasanan PUANG.

ROMA 15:17

Iamoto tete dio Yesu Kristus angku massattuan diona kapekaalukan langngan Puang Matua.

1 KORINTUS 15:3

Belanna bunga’-bunga’na kusorong lako kalemi tu apa mangka duka kutarima, tu kumua iatu Kristus mangka mate belanna kasalanta, susitu dipokadanna lan Sura’ Madatu,

IBRANI 10:11

Mintu’ tominaa bendan kiallo-kiallo umpogau’ kamenomban, sia madada’ umpennoloan pesuru’ susi duka bangsiato, tu inang tang nakulle umpa’dei kasalan.

IBRANI 10:12

Apa Tominaa Kapua iate, tonna mangkamo umpemalaran misa’ suru’ belanna mintu’ kasalan, unno’komi dio kananNa Puang Matua tontong sae lakona.

IBRANI 11:4

Bannang dio dukamora kapatonganan anna pemalaranni Habel lako Puang Matua tu misa’ pesuru’ mandu melo na iatu pemala’na Kain; tete dio kapatongananna to, anna dikanassai, kumua iato malolo, belanna Natonganni Puang Matua tu pemala’na; sia tete dio kapatongananna anna ma’kada-kada siapa, moi anna matemo.

IBRANI 2:17

Iamoto anNa Ia dipapada mintu’ siulu’Na lan mintu’na, dikua anNa lan kamenomban langngan Puang Matua Ia mendadi Tominaa Kapua tu mamase sia maruru’, la usseroi mintu’ kasalanna taunNa.

IBRANI 7:27

tae’ Namanggi’ susi tominaa kapua senga’, kiallo-kiallo umpennoloan ba’tu sangapa suru’, bunga’na belanna mintu’ kasalanna siamo, namane belanna mintu’ kasalanna to buda. Belanna iatu ianna te mangkamo Ia Napissanni Napogau’ tonna pemalaran Kalena.

IBRANI 8:3

Belanna mintu’ tominaa kapua dituro ta’ba la umpennoloan pemala’ sia pesuru’, iamo bannangnato anna pato’ den apa dio Kalena tu Tominaa iate la Napemalaran.

IBRANI 8:4

Moronganna kenna la torro lan te lino, inang tae’ Ia anNa mendadi Tominaa Kapua, belanna denmo tu to umpennoloan pemala’ situru’ Sukaran aluk.

IBRANI 9:9

tu misa’ rapanganna attu totemo, situru’ susi lan rapangan iato dipemalaran ba’tu pira-pira pemala’ sia pesuru’, tu tang nakulle umpasundun to umpogau’i, susitu nasa’dingna lan penaanna,