IBRANI 4:9 - Sura' Madatu

⁹ Iake susito tontong ia tu misa’ kapelayoan allo katorroan lako taunNa Puang Matua.

IBRANI 4:9 ပူးပေါင်းရင်းမြစ်များ

PA’PUDIAN 47:9

Puang Matua umparentai tu mintu’ bangsa, sia Puang Matua unnisungi isungan kapayungan maindanNa.

KATASSURAN 16:30

Susimoto tu tau iato mai untorroi mengkarang tonna allo ma’pempitu.

YESAYA 11:10

Allo ia dukato anna iatu taruk uaka’na Isai la tulangdan napobate-bate mintu’ bangsa sia la napengkaa’i mintu’ to sangpetayanan; sia iatu inan nanii mari’pi la mala’bi’.

YESAYA 57:2

la male situang kamarampasan; iatu to lolang malambu’ la melayo diong dali’ patindoanna.

MATIUS 1:21

La undadian misa’ pia muane la musangai Yesu, belanna Iamo, tu la urrampanan taunNa dio mai mintu’ kasalanna.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

IBRANI 11:25

napola’biran ia dipakario-rio sola taunNa Puang Matua, ke la umposende sangattu’mira kasolleranna kasalan;

IBRANI 3:11

iamoto angku palenduranni kada kumua: Inang tae’ nala tama inan kapelayoangKu tu tau iato.

IBRANI 4:1

Iamoto su’ding denpi tu pangallu’ diona kataman kapelayoanNa, sipatu takaselangan kumua denkomi manii misa’ payan tinampe.

IBRANI 4:10

Belanna iatu to tamamo kapelayoanNa Puang Matua, natorroi kalenamo tu pengkaranganna, susi Puang Matua untorroi pengkaranganNa.

IBRANI 4:3

Belanna kita te mentamaki’ kapelayoan iato, ke ma’patonganki’, susitu Napokadannamo kumua: Susitu mangka Kupalenduran kada kumua: Inang tae’ nala tama kapelayoangKu tu tau iato; moi anna sakka’mo tu mintu’ pengkaranganna tempon dio mai dikombongna tu lino.

IBRANI 4:8

Belanna iake nasolammi Yosua tu tau iato mai mentama kapelayoan, manassa tae’mo Napokadai Puang Matua tu allo senga’ undinna.

1 PETRUS 2:10

iamotu kamu dolona tangia taunNa, apa totemo taunNamo Puang Matua; tu dolona tang unnappa’ kamamasean, apa totemo te dikamaseimo.

KADA OMBO’ LAKO RASULU’ YOHANES 14:13

Kurangimi misa’ gamara dao mai langi’ ma’kada nakua: Sura’i susite: Rongko’ tu mintu’ to matemo, iamotu to mate lan Puang randuk totemo. Ondongpi, nakua tu Penaa, iatu tau iato mai la umpelayoan tarru’mo kamasussanna; belanna mintu’ penggauranna undi urrondongi.

KADA OMBO’ LAKO RASULU’ YOHANES 21:4

Sia Ia la umpa’dii tu mintu’ uai matanna tau iato mai, tae’mo anna la den kamatean ba’tu pote dibolong, ba’tu katumangiran ba’tu kamaparrisan tae’ dukamo, belanna mintu’ tu apa pamulanna lanna’ nasangmo.