IBRANI 4:13 - Sura' Madatu

¹³ Tae’ misa’ panampa karerungan lako Kalena, sangadinna payan sia tiballa’ mintu’ apa dio oloNa Puang Matua, tu la tapebalii lako Kalena.

IBRANI 4:13 ပူးပေါင်းရင်းမြစ်များ

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

2 OSSORANNA DATU 16:9

Belanna iatu matanNa PUANG ma’penunu tiku lao dao te kuli’na padang, la ungkamaseanni kamatotoran minda-minda tu lantuk penaanna lako Kalena. Kabagan tongan te mipogau’, iamoto randuk totemo tae’mo mila ka’tu dirarii.

2 OSSORANNA DATU 6:30

Perangii lan mai suruga, inan matontonganMi sia pa’dei tu kasalanna sia pantan Mipapakkanni sitinaya mintu’ penggauranna, belanna Mitandai tu penaanna – belanna Kamu manna untandai tu penaanna mintu’ ma’rupa tau.

AYUB 26:6

Iatu lino tomate tibungka’ lako Puang sia iatu bambana mukkun tae’ sambona.

AYUB 34:21

Belanna iatu matanNa umpenunu lalanna tolino, sia Natiro tu mintu’ tengkana.

AYUB 38:17

Dipasombomoraka lako kalemu tu babangan lino tomate, sia mutiromoraka tu babangan lino lillinan parrak?

PA’PUDIAN 139:4

Belanna tae’ misa’ tu tongka’ dililaku, tu tang Miissan, o PUANG,

PA’PUDIAN 44:21

Iake moronganna angki tang ungkilalaimo sanganNa Kapenombangki, ba’tu umpatadokan pala’ki lako kapenomban senga’.

PA’PUDIAN 7:9

PUANG umpaolai salunna mintu’ bangsa, paolaina’ salunna sitinaya kamaloloangku, sia penaa ma’bulo-lollongku.

PA’PUDIAN 90:8

Midandan nasangmo dio oloMi tu mintu’ kakadakeangki, sia iatu kasalan membuningki naluangmo arrang oloMi.

SARAMBU PEADA’ 15:11

Iatu lino tomate sia inan kasanggangan payan dio oloNa PUANG, ondong pole’ tu penaanna ma’rupa tau!

SARAMBU PEADA’ 15:3

Iatu matanna PUANG umpemaranga mintu’ inan, sia umpemaranga mintu’ to kadake sia tomelo.

SARAMBU PEADA’ 5:21

Belanna iatu lalanna simisa’-misa’ tau payan dio pentiroNa PUANG, Napenunu tu mintu’ tengkana.

TOMANGADA’ 12:14

Belanna iatu simisa’-misa’ penggauranna tau la Napopennolo Puang Matua tama pa’paolaian salu diona tu mintu’ apa membuni, la melona, la kadakena.

YEREMIA 16:17

Belanna matangKu umpenunui tu mintu’ tengkana tau iato mai, sia tae’ nakabunian dio oloKu sia iatu kakadakeanna tae’ nakarerungan dio pentiroKu.

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

YEREMIA 23:24

Ma’dinraka misa’ tau umbuni kalena lan pembunian, anna tae’ Kutiroi? kadanNa PUANG. Tang umponnoiRa’ka langi’ sola lino? kadanNa PUANG.

YEREMIA 29:23

Belanna mangkamo umpogau’ kabagan mesirisan dio lu to Israel sia sigau’ sala bainena solana sia umpokada kada tang tongan tete dio sangangKu, tu tae’ Kupepasananni lako tau iato mai. Tonganna Aku unnissanni sia ussa’bii, kadanNa PUANG.

DANIEL 2:22

Ia umpaombo’i tu apa tang dilambi’ la diissan sia apa kabunian, Naissan duka tu apa lan malillinna sia siayoka kamasiangan.

MATIUS 6:4

da anna kakitanan tu pa’kamaseammu; anna Ambe’mu tu ungkita tang kakitananna, Iamo la umpapakkanni lako kalemu.

YOHANES 2:24

Apa iatu Yesu tae’ Namatappa’ lako tau iato mai umpamanassa kalena, belanna Natandai nasang tu penaanna.

YOHANES 21:17

Natole pole’omi ma’kada lako Nakua: E Simon, anakna Yohanes, mukamali’Ra’ka? Masussami tu Petrus tu belanna ma’pentallun maro’mo ma’kada lako kumua: Mukamali’Ra’ka? Nakuami lako: O Puang, mintu’na angge maritik Miissan nasang, Miissan duka kumua aku te kukamali’Komi. Nakuami Yesu lako: Kaduttu’i tu mintu’ dombaKu.

YOHANES 4:16

Nakuami ungkuanni: Loomoko untambai tu muanemu, mumane sae indete.

PENGGAURANNA RASULU’ 17:31

Belanna Napamanassamo tu allo sangallo tu la Nanii umpaolai salunna tu mintu’ issinna lino situru’ kamalamburan tete dio Misa’ To mangka Napamanassa anNa pakatuai lako mintu’ tolino, tu diona kaNapamalimbangunanNa dio mai to’ to mate.

ROMA 2:16

to ke allo Nanii Puang Matua umpaolai salunna tu mintu’ tangnga’ tang dikita dio tolino, tete dio Kristus Yesu, situru’ tu Kareba-kaparannuan kupa’peissanan.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

2 KORINTUS 5:10

Belanna tae’ nasalai tang payan nasangki’ dio tingo isungan pangra’tasanNa Kristus, anta pantan untarimai tu pakkanna, tumba tu mangkanna tapogau’ tonta lanpa batang kaleta, la melo la kadake.

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.

1 SAMUEL 16:7

Apa sae tu kadanNa PUANG lako Samuel, nakua: Da narupanna bang mutiro ba’tu kakalandoanna kalena, belanna tae’ naalai penaangKu. Belanna iatu natirona tolino, tae’ na ia bang tongan; belanna iatu tolino ia manna tu apa dio tingayona natiro, apa PUANG untiroi tarru’ tama ba’teng.