IBRANI 4:1 - Sura' Madatu

¹ Iamoto su’ding denpi tu pangallu’ diona kataman kapelayoanNa, sipatu takaselangan kumua denkomi manii misa’ payan tinampe.

IBRANI 4:1 ပူးပေါင်းရင်းမြစ်များ

SARAMBU PEADA’ 14:16

Iatu to kinaa mataku’ sia toyang dio mai kakadakean, apa iatu to baga untengkai bang salunna, apa napomanaman duka.

SARAMBU PEADA’ 28:14

Maupa’ tu to tontong mataku’, apa minda-minda tu umpamakarra’ penaanna, la tobang rokko kamandasan.

YEREMIA 32:40

Sia la untananNa’ basse matontongan sola tau iato mai, kumua tae’ Kula toyang dio mai kalena umpogauranni melo sia la Kupalan penaanna tu kamengkaolan lako Kaleku, kumua damo natoyang tu tau iato dio mai Kaleku.

KADIBILANGAN 14:34

Situru’ tu bilanganna allo minii umparessa bunii tu tondok, iamotu patangpulo allona, sangtaun ke sangallooi, ammi sisurung tu kakadakeammi lan patangpulo taunna, kumua, ammi issanni battuananna tu kamembokorangKu.

MATIUS 24:48

Apa iake kaunan kadake nakua lan penaanna: marempa siapa namane sae tu puangku;

PENGGAURANNA RASULU’ 3:19

Iamoto menassankomi sia mengkatoba’ anna dibasei tu kasalammi sia kumua anna den tu attu kamanamanan dio mai oloNa Puang,

ROMA 11:20

Melo. Tu belanna tae’ kapatonganan dio, anna dile’to, apa iatu iko diona kapatonganan ammu bendan. Da’ anna kapua penaammu, sangadinna mataku’ko.

ROMA 3:23

Apa umpogau’ nasang bangmo kasalan sia sisayuran kamala’biranNa Puang Matua,

1 KORINTUS 10:12

Iamoto minda-minda tu ussanga kalena bendan, la napengkilalai da’ anna tobang.

2 KORINTUS 6:1

Apa iatu kami pada mengkarangna, kipalaku duka lako kalemi, da ammi tarima tang keangga’i tu pa’kamaseanNa Puang Matua.

GALATIA 5:4

Ka’tumo ulangmi dio mai Kristus tu kamunna la morainna nabilang malolo Sukaran aluk; salianmokomi dio mai pa’kamaseanNa Puang Matua.

2 TIMOTIUS 2:13

iake tang maruru’ki, tontong Ia maruru’, belanna tae’ nama’din la Napeonganni tu Kalena.

IBRANI 12:15

Kanandai tonganni, dikua da anna den misa’ tau untoyangan kalena dio mai pa’kamaseanNa Puang Matua, sia da anna den misa’ uaka’ mapai’ tuo anna pabu’tu kamasussan, naurunganni buda tongan tau natumang;

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

IBRANI 13:7

Kilalai tu mai panglalanmi tu to mangkamo umpokadangkomi kadanNa Puang Matua, palan ara’i tu tampak katuoanna, ammi alai sangka’ tu kapatongananna.

IBRANI 3:11

iamoto angku palenduranni kada kumua: Inang tae’ nala tama inan kapelayoangKu tu tau iato.

IBRANI 4:11

Iamoto tapengkullei tama kapelayoan iato, da taden misa’ tobang, susi to a’gan kabattukanna.

IBRANI 4:9

Iake susito tontong ia tu misa’ kapelayoan allo katorroan lako taunNa Puang Matua.

1 SAMUEL 2:30

Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.