IBRANI 3:9 - Sura' Madatu

⁹ tu nanii nene’ to dolomi usandakNa’ nasudi, moi anna tiromi tu mintu’ penggaurangKu lan patangpulo taunna.

IBRANI 3:9 ပူးပေါင်းရင်းမြစ်များ

PA’PUDIAN 95:9

Tonna sandakNa’ to dolomi. Sia nasudiNa’, moi anna ta’paimi matanna tu mintu’ penggaurangKu.

KATASSURAN 19:4

Mitiromo tu apa Kupogau’ lako to Mesir, umba Kukua urrande pala’komi susi dao pani’ langkan maega, angKu pasaekomi lako Kaleku.

KATASSURAN 20:22

Nakuami PUANG lako Musa: La ma’kadako lako to Israel susite: Iatu kamu mikanassai, kumua Aku tu ma’kada lako kalemi dao mai langi’.

AMOS 2:10

Sia mangkamokomi Kusolan lan mai tondok Mesir sia Kuanta’komi lan padang pangallaran patangpulo taunna, kumua ammi pomana’i tu tondok to Amori.

KADIBILANGAN 14:33

na iatu mai anakmi la patangpulo taunna lan padang pangallaran salamba salao, lao mangkambi’ sisurung tu gau’ salami sae lako tibambang nasang tu batang rabukmi lan padang pangallaran.

LUKAS 7:22

Mebalimi Yesu lako, Nakua: Malemokomi, parampoanni Yohanes tu mintu’na mangka mitiro sia mirangi: To buta pakita, to kupi’ lumingka malolo, to golenan dipamondo sia to taru parangi, to mate dipatuo sule, Kareba melo dipa’peissanan lako to kalala’.

PENGGAURANNA RASULU’ 13:8

Apa ia tinde Elimas, tu to balik mata, belanna susimoto tu sanganna ke dipallemba’i, napangeai tinde tau la morai umpopemboko’i tu to maraa dio mai kapatonganan.

PENGGAURANNA RASULU’ 7:36

Iamo ussolanni sun tu tau, tonna mangka umpadenanni tu tanda mangnga sia tanda kalle-kallean dio tana Mesir, sia dio tasik Mararang, sia dio padang pangallaran patangpulo taunna.

PA’TOLE 11:7

Belanna mitiromo tu penggauran tarompo’, tu mangka Napogau’ PUANG.

PA’TOLE 29:2

Natambaimi Musa tu mintu’ to Israel sirampun lako kalena, nama’kada lako nakua: Mangkamo mitiro tu mintu’ apa Napogau’ PUANG lan tondok Mesir lako Firaun, sia mintu’ taunna sia mintu’ tondokna dio pentiromi,

PA’TOLE 4:3

Matammi kalenamo untiroi apa tu mangka Napogau’ PUANG diona Baal-Peor, umba Nakua tu PUANG, Kapenombammi, ussanggangi dio mai bilangammi tu mintu’ muane menturu’ umpenombai Baal-Peor.

PA’TOLE 4:9

Apa la mukanandai tongan sia la mukatangkinni, da mukalupai tu apa mangka mutiro, sia da napa’de lan penaammu, tempon tuomu; paissanni tu mai anakmu sia iatu mai bati’mu,

PA’TOLE 8:2

Pengkilalai tu mintu’ lalan, tu Nanii PUANG, Kapenombammu, ussolangko lan te patangpulo taunna lan padang pangallaran, kumua anNa pamadiongangko sia Nasandakko, anNa tandai tu apa lan penaammu, ba’tu la mukaritutui tu pepasanNa, ba’tu tae’i.

PA’TOLE 8:4

Iatu tamangkale mupake tae’ naburuk sia iatu lette’mu tae’ nakambang lan te patangpulo taunna.

YOSUA 23:3

Iate aku matuamo’ sia matessekmo’. Mitiro kalenamo tu mintu’ apa Napogau’ PUANG, Kapenombammi, lako te mintu’ bangsa iate, tu belanna kamu. Belanna PUANG, Kapenombammi kalena untunduikomi parari.

YOSUA 24:7

Iamoto metambami tu tau iato mai lako PUANG, anNa padenni Puang tu kamalillinan lan alla’mi na to Mesir, Napatu’ba’i uai tasik, anna kabu’i tu tau iato. Matammi kalenamo untiroi tu apa Kupogau’ lako Mesir. Mangkato torromokomi masai dio padang pangallaran.

YOSUA 5:6

Belanna patangpulo taunna tu to Israel ullingkai padang pangallaran, sae lako tappunna mate tu bangsa iato, iamotu mai pararinna, tu tassu’ lan mai Mesir, tu tang umperangii kadanNa PUANG; lako tau iato mai mangkamo umpalao sumpa tu PUANG, kumua tae’ Nala umpakitanni tu padang, tu mangka Naallu’ lako nene’ to dolona Napalaoi sumpa, kumua la Nakamaseangki’, iamotu misa’ padang nanii sebo pangandu’ sia tani’ enoan.