IBRANI 3:8 - Sura' Madatu

⁸ da mipabattukki tu penaammi susi tommi pasaki-arasan, sia tonna allo kapassandakan dio padang pangallaran,

IBRANI 3:8 ပူးပေါင်းရင်းမြစ်များ

2 DATU 17:14

Apa tae’ naperangii tau iato mai, sangadinna umpamakarra’ penaanna susi nene’ to dolona, tu tae’ nasande’ lako PUANG, Kapenombanna.

2 OSSORANNA DATU 30:8

Damo mipamakarra’ penaammi, susi nene’ to dolomi, dondonganni tu limammi lako PUANG, ammi male lako inan maindanNa, tu Napamarimbangan sae lakona, sia mengkaolakomi lako PUANG, Kapenombammi, kumua anna soro’ dio mai kalemi tu kare’dekanna ara’Na.

2 OSSORANNA DATU 36:13

Ondongpi pabali-bali lako datu Nebukadnezar, tu mangka ussuai umpalao sumpa tete dio sanganNa Puang Matua. Battuk sia umpamakarra’ penaanna naurunganni tang mengkatoba’ lako PUANG, Kapenombanna to Israel.

NEHEMIA 9:16

Apa iatu kedona tau iato mai, iamotu nene’ to doloki matampo sia umpabattuk penaanna sia manoka umperangii tu pepasanMi.

AYUB 9:4

Mindara tu ma’din umbalii Puang, moi anna matumba tu kamatarrusanna sia matumba tu kakapuanna kamatotoranna, anna torro marampa’?

PA’PUDIAN 106:14

sangadinna nakendekki kamaduangan kapua tu tau iato mai dio lu padang aak, naurunganni ussandak Puang Matua dio lu padang talo.

PA’PUDIAN 78:18

Napasandak tu Puang Matua lan penaanna, umpalaku kande susitu kamailuanna;

PA’PUDIAN 78:56

Apa nasandak tau iato mai tu Puang Matua, sia unnea lako Puang, Patodoranna, sia tang unturu’ kasa’bianNa.

PA’PUDIAN 95:8

Da mipamakarra’i tu penaammi, susi tonna dio Meriba, sia susi tonna allo Masah dio padang pangallaran.

KATASSURAN 17:7

Nasangaimi Masa sia Meriba tu inan iato, belanna kapa’gaganna to Israel sia belanna natoba tau iato mai tu PUANG, nakua: Ba’tu la denni tu PUANG lan tangngata ba’tu tae’i?

KATASSURAN 8:15

Iatonna tiromi Firaun kumua radanmo tu kamandasan, magasaomi penaanna, naurungan tang umperangii tu kadanna sola duai, susitu Napokada PUANG.

SARAMBU PEADA’ 28:14

Maupa’ tu to tontong mataku’, apa minda-minda tu umpamakarra’ penaanna, la tobang rokko kamandasan.

SARAMBU PEADA’ 29:1

Minda-minda ditole-tole dipakilala, anna tontong bang matoro, ta’pa la disabu’i anna tang tundu-tunduannamo.

YEREMIA 7:26

Apa tang naperangiiNa’ tu tau iato mai sia tae’ napalidanni talinga, sangadinna umpamakarra’ bang penaanna losong pole’ na iatu nene’ to dolona.

DANIEL 5:20

Apa iatonna pamadaomo penaanna sia umpamakarra’ pa’inaanna, naurunganni matampo, iamoto nadisuale dio mai isungan kapayunganna, sia sisayurammo kamala’biranna.

KADIBILANGAN 14:11

Ma’kadami tu PUANG lako Musa, Nakua: Sangapapara te bangsa iate la ussayuNa’ sia sangapapara te tau iato mai tang la umpatonganNa’, moi angKu pogau’mi tu mintu’ tanda kalle-kallean dio lu tau iato mai?

MATIUS 13:15

Belanna makarra’mo penaanna te bangsa iate, sia bantangmo pa’peranginna, sia napamamma’mo tu matanna, kumua da anna pakita tu matanna, sia parangi tu talinganna, sia mangingaran tu penaanna, namengkatoba’ sule angKu pamalekei.

PENGGAURANNA RASULU’ 19:9

Apa iatonna makarra’mo penaanna tu tau pira sia noka ma’patongan sia nasayu-sayu tu lalan pekaalukan iato dio tingayona to buda, umpaseremi kalena dio mai tau iato napopessarakki tu mai to menturu’. Mangada’imi kiallo-kiallo lan passikolanna Tiranus.

PENGGAURANNA RASULU’ 7:36

Iamo ussolanni sun tu tau, tonna mangka umpadenanni tu tanda mangnga sia tanda kalle-kallean dio tana Mesir, sia dio tasik Mararang, sia dio padang pangallaran patangpulo taunna.

1 KORINTUS 10:9

Sia da anta sandak-sandak Puang, susitu tau iato pira mangka ussandakKi, anna mangsanni ula’.

PA’TOLE 6:16

Da mitobai tu PUANG, Kapenombammi, susitu mangka mipogau’ dio Masa.

1 SAMUEL 6:6

Ma’apari ammi pamakarra’i tu penaammi susito Mesir sia Firaun? Tang naeloranraka male tu tau iato mai, tonna mangka umpa’pekitananni Puang tu kuasanNa, nake’de’ male tu to Israel?