IBRANI 3:6 - Sura' Madatu

⁶ apa Kristus susi Anak ungkuasai makalima’na apa lan banuanNa Puang Matua; kitamorate tu apa lan banuanNa, podo ke tang tilelukki tu penaa batta’ta sia kapa’rannuananta, tu taposattuan (sae lako katampakanna).

IBRANI 3:6 ပူးပေါင်းရင်းမြစ်များ

PA’PUDIAN 2:12

Pangke’i tu Anak da Nasengke sia da misanggang dio lu lalan, belanna madomi’ re’dek tu ara’Na, maupa’ tu mintu’ to umposande’I.

YEHEZKIEL 46:10

Na iatu arung la naparitangnga tau iato mai, ke malei tama, sia iake tassu’i tu tau iato mai, la tassu’ duka.

MATIUS 10:22

La nakabiri’komi mintu’ tau tu belanna sangangKu, apa minda-minda tu mengkabatta’ sae lako ma’katampakanna, iamo la dikarimmanni.

MATIUS 16:18

Sia Aku Kukua mati’ kumua, ikomo te tu Petrus, sia dao batu iate la Kunii umpabendan kombongangKu, sia bambana mukkun tae’ nabelai untaloi.

MATIUS 24:13

Apa minda-minda tu mengkabatta’ sae lako ma’katampakanna, iamo la dikarimmanni.

ROMA 11:22

Iamoto karitutui tu kamasokananNa sia kamakarrasanNa Puang Matua; iatu kamakarrasanNa lu lako to tobangmo, apa iatu iko kamasokananNa iko Puang Matua, ke tontongko lan kamasokananNa. Iake tae’i, la dita’takki dukako.

ROMA 12:12

Sendekomi diona rannummi, ma’tan penaakomi lan kamaparrisan, sia batta’ lan kapassambayangan.

ROMA 15:13

Denno upa’ anNa Puang Matua, tu oto’na kapa’rannuanan, umponnoikomi mintu’ kaparannuan sia kamarampasan tete dio kapatonganan, anna sakapua-puana rannummi belanna kamatotoranNa Penaa Masallo’.

ROMA 5:2

sia dio dukaRi, anta ma’din tama te pa’kamasean iate (tete dio kapatonganan) tu tanii bendan; anta massattuan belanna rannunta diona kamala’biranNa Puang Matua.

1 KORINTUS 3:16

Tae’raka miissanni kumua iatu kalemi banuanNa Puang Matua, sia iatu PenaanNa Puang Matua torro lan kalemi?

1 KORINTUS 6:19

Ba’tu tae’raka mitandai kumua iatu kalemi, iamo banuanNa Penaa Masallo’ untorroikomi, tu mangka miappa’ dio mai Puang Matua, sia tangia apammi kalena tu kalemi?

2 KORINTUS 6:16

Sia apara nasikandei banuanNa Puang Matua tu deata? Belanna kitamote tu banuanNa Puang Matua matontongan, susitu kadanNa Puang Matua, Nakua: La torroNa’ sia la sumalongNa’ dio lu naninna tau iato, sia la mendadiNa’ Puangna tau iato, anna tau iato la mendadi taungKu.

GALATIA 6:10

Iamoto su’ding denpi palambi’ta, la umpogau’ki’ melo lako mintu’ tau, ontongpi lako mintu’ siulu’ padanta to ma’patongan.

GALATIA 6:9

Da tamasorro umpogau’ melo, belanna la tapeburai duka ke attunna ke tae’i tamalilu.

EFESUS 3:12

Lan duka Kristus anna den kabattaranta sia lalan umpennoloi Puang Matua anta katappa’I tete dio kapatonganan lako Kalena.

KOLOSE 1:23

podo ammi bantang sia batta’ umpoparandangan kapatonganan, apa pole’pa, ke tae’i mimemboko’ dio mai kapa’rannuanan napabu’tu Kareba-kaparannuan, tu mangkamo mirangi, tu dipa’peissanan lako mintu’ sangga menaa lan nasambo langi’ sia tu kuninna te aku Paulus mendadi to ma’kamayana.

1 TESALONIKA 5:16

La tontong bang parannu penaammi;

2 TESALONIKA 2:16

Na iamora tu Puangta Yesu Kristus, sia Puang Matua, Ambe’ta, tu mangkamo ungkamaseiki’ sia umpa’kamasean pa’pakatana matontongan sia kapa’rannuanan maelo tete dio kamaturu-turuanNa,

1 TIMOTIUS 3:15

Apa iake marempana’ male mati’, muissanmo to, kumua umba nakua sipato’na tu gau’na tau lan banuanNa Puang Matua, iamotu kombonganNa Puang Matua matontongan, napopatongkon sia napoparandangan katonganan.

IBRANI 1:2

nama’katampakanna attu iate, ma’kadaMi lako kaleta Nalopian AnakNa tu Napamanassa umpomana’ mintu’na, tete dio dukari anNa padadii tu angge maritik.

IBRANI 10:19

Iamoto, e sangsiulurangku, belanna baranimo tu penaanta, la mentama inan maindan belanna diona raraNa Yesu,

IBRANI 10:21

sia belanna den kita misa’ Tominaa mala’bi’ta, tu umpoissan apa lan banuanNa Puang Matua.

IBRANI 10:23

Melo ke manda’ki’ umpentoei pangakuan umpabu’tu kapa’rannuanan naturu’ katangbata-batan, belanna iatu Tomangallu’ maruru’.

IBRANI 10:35

Iamoto, da ammi pa’dei tu kabattaran penaammi tu umpabu’tu polean kapua.

IBRANI 11:1

Iatu kapatonganan iamo tanda tasikna kumua taampui tu mintu’ apa dirannuan, sia tanda sa’binna apa tang kakitanan.

IBRANI 3:14

Belanna umpoba’gimiki’ Kristus, podo ke manda’ki’ untoei tu randukna kamatapparan sae lako katam- pakanna.

IBRANI 4:11

Iamoto tapengkullei tama kapelayoan iato, da taden misa’ tobang, susi to a’gan kabattukanna.

IBRANI 4:14

Tu belanna den Tominaa Kapua ma’iringanta, tu umpasitarru’mo mintu’ langi’, Iamo Yesu, AnakNa Puang Matua, sipatu tatoe tu kapangakuan iato.

IBRANI 4:16

Iamoto tapabatta’i tu penaanta urreke’ isungan pa’kamaseanNa Puang Matua anta appa’ kamamasean sia ungkabu’tui kamaturu-turuan la patunduan ke attunnai.

IBRANI 6:11

Inde sia tu diongna penaangki, to kumua pantan umpa’pekitanangkomi kamasarasan susi dukato, miurunganni unnappa’ kapa’rannuanan sundun sae lako katampakanna,

IBRANI 6:18

kumua anna bannang dio te da’dua passalan tang tileluk tu Nanii Puang Matua tang balle, nadipabatta’ tu penaanta te kita mallainnamo mentilindung lako Kalena la untoe kapa’rannuanan tu diomo tingayota,

IBRANI 7:19

– belanna moi misa’ tae’ napasundun Sukaran aluk – apa dipabu’tu tu kapa’rannuanan mandu melo, tapobannang umpentireke’i Puang Matua.

1 PETRUS 1:8

tu tae’ bangpa mikitaI, apa mikamaseimo; moi anna tae’ mitiroI totemo, apa mipatongan sia Ia mipobannang sende paiman sitonda kaparannuan tang dilambi’ dipokada sia dipakala’bi’na,

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.

1 PETRUS 4:17

Belanna nalambi’mo attunna tu to lan banuanNa Puang Matua randuk dipaolai salunna, apa iake kita te tu nanii randuk, apara katampakanna tu mintu’ to tang unturu’ Kareba-kaparannuanNa Puang Matua?

KADA OMBO’ LAKO RASULU’ YOHANES 2:18

Surasanni malaeka’ kombongan Tiatira susite: Iamote tu kadanNa AnakNa Puang Matua, tu matanNa susi dukku api, sia lentekNa susi tambaga pandila-dila.

KADA OMBO’ LAKO RASULU’ YOHANES 2:25

Apa iatu apa den dio kalemi, toe manda’i sae lako saeKu.

KADA OMBO’ LAKO RASULU’ YOHANES 2:26

Na iatu to patalo, sia ungkaritutui mintu’ pengkarangangKu sae lako ma’katampakanna, la Kuben kuasa ungkuasai mintu’ to kapere’;

KADA OMBO’ LAKO RASULU’ YOHANES 3:11

Madoi’ tu kasaeangKu, toe manda’i tu apa dio kalemu, da naden misa’ tau umpasayu’ko makotamu.