IBRANI 3:12 - Sura' Madatu

¹² Kanandai meloi, e sangsiulurangku, da miden misa’ ma’penaa kadake, tu tang ma’patongan, naurunganni balik dio mai Puang Matua matontongan;

IBRANI 3:12 ပူးပေါင်းရင်းမြစ်များ

KADADIAN 8:21

Kendekmi busarungngu’na langan PUANG, anNa ma’kada lan penaanNa, kumua: Tae’mo angKu la untampakki ropu tu lino diona tolino, belanna tempon dio mai bitti’na kelok tu karangan inaanna, sia tae’mo angKu sabu’i pole’i tu angge menono’, susitu mangkanna Kupogau’.

AYUB 21:14

Apa ma’kada lako Puang Matua nakua: ToyangKomi dio mai kaleki, belanna tang kiporai untandai tu lalanMi.

AYUB 22:17

Tu ma’kada lako Puang Matua nakua: ToyangKomi dio mai kaleki! sia: Apara tu ma’din Napogaurangkanni To umpoissan angge maritik?

PA’PUDIAN 18:21

Napapatuimo’ PUANG sitinaya kamaloloangku, sia Napapakkannina’ sitinaya kamasero-pindananna limangku.

SARAMBU PEADA’ 1:32

Belanna katorokossikanna tu to tang paissan la umpatei, sia katangmatangkinanna tobaga la ussanggangi.

YESAYA 59:13

palutu tombangmoki’ sia umpeongannimiki’ PUANG sia sepangmoki’ dio mai Kapenombanta, umpokadamoki’ diona pa’pakario-rio sia sorong boko’ untannun sia umpasun kada mo’rang.

YEREMIA 11:8

Apa tae’ naperangii tu tau iato mai sia tae’ natananni talinga, sangadinna pada lolang unturu’ kamakarrasan penaa kadakena: iamoto angKu parampoanni tu kada basse iate, tu Kupepasanan ungkaritutui, apa tae’ nakaritutui.

YEREMIA 16:12

Sia belanna kamu te umpogau’ kakadakean losong anna nene’ to dolomi, iamotu pada unturu’mokomi kamakarrasan penaa kadakemi sia manoka umperangiiNa’,

YEREMIA 17:5

Inde sia tu kadanNa PUANG Nakua: Tampakan ropu tu to urrannuan tolino sia tu umpotakia’ duku’ sia untoyangan penaanna dio mai Puang.

YEREMIA 17:9

Iatu penaa mandu patangnga’ na iatu mintu’ apa, sia pasanggang; mindara ma’din la untandai?

YEREMIA 18:12

Apa nakua tu tau iato mai: Tae’ gai’na to, belanna la unturu’ bangmokan lalan penaangki sia pada la unturu’ kamakarrasan penaa kadakeki.

YEREMIA 2:13

Belanna napogau’mo taungKu tu da’dua penggauran kadake: Iatu Aku, kalimbuang boba, tu natampemo tau iato mai, anna paran bubun batu kalena, iamotu bubun batu rutu’, tu tang nanii sampe uai.

YEREMIA 3:17

Attu iato Yerusalem la disa’bu’ isungan kapayunganNa PUANG sia mintu’ bangsa la sirampun lako belanna sanganNa PUANG dio Yerusalem sia tae’mo nala lolang unturu’ kamakarrasanna penaa kadakena.

YEREMIA 7:24

Apa tang ma’perangi tu tau iato mai, sia tae’ napalidanni talinga, sangadinna makarra’ bang unturu’ lalan penaa kadakena; iatu tau iato mai sorong boko’, tae’ namennolo,

YEHEZKIEL 14:5

angKu patiakka’i tu penaanna to Israel, tu umboko’iMo’ sola nasangi sola mintu’ rapang-rapang dipodeatana.

HOSEA 1:2

Inde sia tu bunga’ kadanNa PUANG nalopian Hosea. Ma’kadami PUANG lako Hosea, Nakua: Maleko, muala misa’ baine kadake gau’ sia pia dadi dio mai gau’ sala, belanna lendu’ ia gau’ salana tu tondok sia memboko’mo dio mai PUANG.

MATIUS 16:16

Mebalimi Simon Petrus, nakua: Kamumo Kristus, AnakNa Puang Matontongan.

MATIUS 24:4

Mebalimi Yesu sia Nakua ungkuanni: Kanandai tonganni, den manii tau umpapusakomi.

MARKUS 13:23

Apa iate kamu te palan ara’i! mangka nasangmo Kupa’pakilalan dolo lako kalemi.

MARKUS 13:33

Mainga’ tongankomi, ma’penandakomi sia massambayangkomi, belanna tae’ miissanni, piranra tu attunna to.

MARKUS 13:9

Apa iatu kamu kanandaikomi kalemi, belanna la nabaakomi tama kombongan ada’ sia la dibambakomi ulang lan lu banua pa’kombongan, sia la dipakendekkomi lako olona to maraa sia datu tu belanna Aku, la napotanda sa’bi tinde tau.

LUKAS 21:8

Nakuami: Kanandai tonganni, da napapusakomi tau, belanna buda tau la sae umposanga sangangKu, nakua: Aku bangsiamote! sia: mandappi’mo tu allu’na! Apa da mirundu’i tu tau iato.

ROMA 11:21

Belanna iake tae’i Napessailei Puang Matua tu banu’ tangke siamo, tae’ duka Napessaileiko.

1 KORINTUS 10:12

Iamoto minda-minda tu ussanga kalena bendan, la napengkilalai da’ anna tobang.

KOLOSE 2:8

Pengkilalai tonganni da naden misa’ tau umpaalaikomi kapaissananna to paminnakan sia pangadaran ma’papusa tang kebattuan, situru’ panganna to dolo sia aluk lino dolo, tu tang unturu’ Kristus;

1 TESALONIKA 1:9

Belanna ia kalenamo unnuleleanni tu diona kami, tumba tu diona kamitarimangki sia tumba tu kamembokorammi dio mai deata, ammi lu lako Puang Matua, la umpenombai tu Puang Matua matontongan sia tongan,

IBRANI 10:31

Masang, ke tobangi tu tau tama limanNa Puang Matua matontongan.

IBRANI 10:38

Apa iatu to maloloKu la umpotuo kapatonganan; pa iake sorong boko’i, tae’ naalai PenaangKu.

IBRANI 12:15

Kanandai tonganni, dikua da anna den misa’ tau untoyangan kalena dio mai pa’kamaseanNa Puang Matua, sia da anna den misa’ uaka’ mapai’ tuo anna pabu’tu kamasussan, naurunganni buda tongan tau natumang;

IBRANI 12:22

Apa rampo lu lakomokomi buntu Sion sia tondokNa Puang Matua matontongan, iamotu Yerusalem dao suruga, sia lako kasipulunganna massa’bu-sa’bu malaeka’,

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

IBRANI 3:1

Iamoto e sangsiuluran masallo’ku, tu pada unnappa’ petamba dao mai suruga, pemantangkomi Rasulu’ na Tominaa Kapua tu mangkamo taaku, iamotu Yesu;

IBRANI 3:10

Iamo bannangnato angKu sengke lako bangsa iate, Kuma’kada kumua: Nenne’ bang pusa tu penaanna tau iato, tae’ siapa naissanni tau iato tu lalanKu;

IBRANI 3:19

Iamoto payan lako kaleta kumua tae’ nama’din tau iato tama, belanna tae’ nama’patongan.

IBRANI 9:14

ontong polepa tu raraNa Kristus, tu mangkamo umpemalaran Kalena tang sayuan lako Puang Matua tete dio Penaa matontongan, usseroi tu batu ba’tangta dio mai penggauran mate, kumua anta mengkaola lako Puang Matua matontongan.