IBRANI 3:1 - Sura' Madatu

¹ Iamoto e sangsiuluran masallo’ku, tu pada unnappa’ petamba dao mai suruga, pemantangkomi Rasulu’ na Tominaa Kapua tu mangkamo taaku, iamotu Yesu;

IBRANI 3:1 ပူးပေါင်းရင်းမြစ်များ

PA’PUDIAN 110:4

Umpalaomo sumpa tu PUANG sia tang la menassan: Ikomo Tominaa tontong sae lakona unturu’ lalanna Melkisedek;

YESAYA 1:3

Iatu sapi natandai iatu puangna sia iatu keledai natandai iatu palunganna puangna, apa iatu Israel tae’ paissanna, sia iatu taungKu tae’ inaanna.

YESAYA 41:20

Dikua anna tiroi sia nakatappa’i anna kilalai situang kapaissananna tau iato mai, kumua limanNa PUANG umpogau’i sia To maserona Israel umpadadii.

YESAYA 5:12

Iatu pa’maruasanna napamarua’ oni katapi, dandi, ganda’-ganda’ sia suling sia anggoro’, apa iatu penggauranNa PUANG tae’ anna palan ara’i sia tae’ anna sailei tu lalan limanNa.

YEHEZKIEL 12:3

Na iko, e ma’rupa tau, pasakka’i tu mintu’ apa parallu dio pa’paliran, sia la maleko butung to dipali’ ke allona dio pentirona tau iato mai; manassako la ke’de’ dio mai inanmu lako misa’ inan senga’ dio pentirona tau iato mai. Umbai la napalan penaa sia tau iato mai, belanna misa’i bati’ pabali-bali.

YEHEZKIEL 18:28

Belanna mengkilalamo sia mengkatoba’mo dio mai mintu’ salana tu mangka napogau’. Manassa la tuo: tae’ nala mate.

HAGAI 1:5

Totemo, kadanNa PUANGna mintu’ ma’dandan maritik, Nakua: Tangnga’ meloi tu apa urrampoikomi.

HAGAI 2:15

Ma’kadami Hagai nakua: Susimo a’ganna te bangsa iate sia susimo a’ganna te to sangpetayanan iate dio oloKu, kadanNa PUANG, sia susimo a’ganna to tu mintu’ pengkaranganna limanna, sia iatu apa napemalaran inde to dio, maruttak nasang.

YOHANES 17:3

Inde sia tu katuoan tontong sae lakona, ke natandaiKomi, o Puang tu misari sia tongan, sia iatu Yesu Kristus tu mangka Misua.

YOHANES 20:21

Natole pole’omi Yesu umpokadai lako tinde tau kumua: Siriakomi kamarampasan! Tumba tu Ambe’ mangka ussuaNa’, ten dukamoto tu Aku ussuakomi.

YOHANES 20:27

Namane ma’kada lako Tomas, Nakua: Patadomi mai tu rakka’mu, tiromi tu limangKu, sia patadomi mai tu limammu muului tama tu la’pekKu, da mutang ma’patongan, sangadinna katappa’i.

PENGGAURANNA RASULU’ 1:15

Tonna attu iato ke’de’mi tu Petrus lan tangnga-tangngana to sangsiuluran – na iatu to sirampun to, agi-agi saratu’ duangpulo – nakua:

ROMA 11:17

Apa iake le’toi ba’tu pirang-pirang tangke, anna iko tu saitun pangala’, dipopengkale’pe’ tama, ammu pada unnalai lompona tu uaka’ to’ saitun,

ROMA 15:27

Iamoto tu nasituru’i tau iato: ondongpi nainang kaindanan dukai tu tau iato lako to Israel, belanna iake natamaimi to kapere’ tu tang mentolinona, sipato’ duka tu to kapere’ umpa’kamayan barang apanna lako tau iato.

ROMA 15:8

Indemi pole tu kadangku kumua: iatu Kristus mangkamo mendadi to ma’kamayana to disunna’, tu belanna kamanapparanNa Puang Matua, kumua anNa arra’i tu pangallu’Na lako nene’ to dolota;

ROMA 9:24

Na iatu iannato susimo tu kita Natambainna, tangia lan manna mai to Yahudi sangadinna lan duka mai to kapere’.

1 KORINTUS 1:2

diparampo lako kombonganNa Puang Matua dio Korintus, lako mintu’ tu to dipamaindan tete dio Kristus Yesu, tu ditambai mendadi to masero sola mintu’ to ussa’bu’ sanganNa Puangta Yesu Kristus dio lu mintu’ inan, tu naninna sia taninna.

1 KORINTUS 10:17

Belanna iatu roti misa’ri, na iate kita budaki’ namisa’ri kale tapokale, apa mintu’ki’ unnala taata lan mai tu roti misa’.

1 KORINTUS 9:23

Ia sia kupogau’i tu mintu’nato, belanna Kareba-kaparannuan, kumua anta pada-pada untamai.

2 KORINTUS 1:7

Manda’ tu rannungki diona kamu, belanna kiissan kumua tumba tu kamitamainna tu kamaparrisan, susi dukamoto la mitamai tu pa’pakatana.

2 KORINTUS 9:13

Sia belanna manassa tu kamarurusammi lan te pentoean kamamasean iate anna umpakala’bi’ Puang Matua, belanna mipengkaolai tu kapangakuammi lako Kareba-kaparannuanNa Kristus, sia belanna kamasokanammi umpaketaai tu tau iato sia mintu’ tau.

EFESUS 3:6

to kumua iatu to kapere’ pada-pada ma’mana’ sia misa’ kale sia pada ketaa dio mai pangallu’ lan kasiturusanNa Kristus Yesu tete dio Kareba-kaparannuan.

EFESUS 4:1

Iamo bannangnato, anna aku te to dirante bassi belanna Puang malaku lako kalemi, kumua ammi pasitende’i gau’mi tu petamba ditambangkomi.

EFESUS 4:4

misa’ri batang kale sia misa’ri Penaa, susi tommi mangka ditambai misa’ dukari kapa’rannuanan napabu’tu kadi- tambaiammi;

FILIPI 3:14

angku ma’dondo-dondo lako tu tanda umpempatui tu bua kamara’tasan tu napaombo’ petambaNa Puang Matua dao mai, tete dio Kristus Yesu.

KOLOSE 1:12

ma’kurre sumanga’ langngan Ambe’, tu umpasipato’komi untamai mana’na to masallo’ lan inan masero.

KOLOSE 1:22

apa totemo mangkamokomi Napasikaelo diona kamateanNa lan kale tolinoNa, la umpopennolo maserokomi sia tae’ attanganmi sia sayuammi dio oloNa Puang Matua,

KOLOSE 3:12

Iamoto, susitu to Natonno’ Puang Matua, tu masallo’ sia dipakaboro’, ten dukamoto tu kamu la unnangkaran: kamamasean, kamasokanan, kaumpamadiongan penaa, sorong inaa, pesuka’ kalando,

1 TESALONIKA 2:12

angki pabatta’i tu penaammi sia kipasan-pasan, miangkaran gau’ sipatu pa’poraianNa Puang Matua, tu mangka untambaikomi tama ParentaNa sia kamala’biranNa.

1 TESALONIKA 5:27

Kupalaku tongan lako kalemi tete dio sanganNa Puang, anna dibasan mintu’ sangsiuluranta te sura’, iate.

2 TESALONIKA 1:11

Iamoto angki tontong umpassambayangankomi, dikua anNa sangakomi Kapenombanta sielle’ ditambai sia Napasundunni tu mintu’ pa’poraiammi lako melona sia pengkarangan kapatonganan situru’ kuasanNa,

2 TESALONIKA 2:14

Mangkamokomi Natambai Puang lako tu iannato tete dio Kareba-kaparannuan, la ungkabu’tui tu kamala’biranNa Puangta Yesu Kristus.

1 TIMOTIUS 6:12

Pembela-belai lan rari melona kapatonganan, pellambi’i tu katuoan matontongan, tu ditambammoko, sia mangkamoko unnaku pangakuan tongan dio tingayona buda sa’bi.

1 TIMOTIUS 6:2

Iato to umpopuang to ma’patongan, da natunai tu belanna siulu’mo, sangadinna la samengkaola-olanna lako puangna, belanna ma’patongan tu puangna sia dipakaboro’, tu birisan umpogau’ kameloan. Susimo la muadaranni to sia la mupakilalanni.

2 TIMOTIUS 1:9

Tu mangka ungkarimmanniki’ sia mangka untambaiki’ petamba masero, tangia sitinaya penggauranta, sangadinna situru’ tanan penaanNa Kalena sia pa’kamasean, inang dolo dikamaseangki’ tete dio Kristus Yesu na iatu tipamulanna attu,

2 TIMOTIUS 2:7

Palan ara’i tu kadangku, belanna lan mintu’ apa Puang la umbenko kamanarangan.

IBRANI 10:19

Iamoto, e sangsiulurangku, belanna baranimo tu penaanta, la mentama inan maindan belanna diona raraNa Yesu,

IBRANI 10:21

sia belanna den kita misa’ Tominaa mala’bi’ta, tu umpoissan apa lan banuanNa Puang Matua.

IBRANI 10:23

Melo ke manda’ki’ umpentoei pangakuan umpabu’tu kapa’rannuanan naturu’ katangbata-batan, belanna iatu Tomangallu’ maruru’.

IBRANI 13:22

Apa kupalaku lako kamu, e sangsiulurangku, da misa’dinganni te kada pa’pakilalangku, belanna mangkamo kusura’ kondi’ lako kalemi.

IBRANI 2:11

Belanna iatu To ma’pamasallo’ sia to di pamasallo’, misa’ri garonto’na: iamoto Natae’ Ia anNa masiri’ unnaku siulu’i tu tau iato mai,

IBRANI 2:17

Iamoto anNa Ia dipapada mintu’ siulu’Na lan mintu’na, dikua anNa lan kamenomban langngan Puang Matua Ia mendadi Tominaa Kapua tu mamase sia maruru’, la usseroi mintu’ kasalanna taunNa.

IBRANI 3:12

Kanandai meloi, e sangsiulurangku, da miden misa’ ma’penaa kadake, tu tang ma’patongan, naurunganni balik dio mai Puang Matua matontongan;

IBRANI 3:14

Belanna umpoba’gimiki’ Kristus, podo ke manda’ki’ untoei tu randukna kamatapparan sae lako katam- pakanna.

IBRANI 6:20

dio inan Naniimo Yesu mentama mendadi Panglalan belanna kita, tu mendadi Tominaa Kapua sae lakona unturu’ lalanna Melkisedek.

IBRANI 7:26

Belanna pato’ lako kita misa’ Tominaa Kapua susito, iamotu masallo’, tae’ Nakasalan, tae’ attanganNa, dipamarimbangan dio mai mintu’ to kasalan sia dipamatande anna mintu’ langi’,

IBRANI 7:28

Belanna iatu Sukaran aluk unturo ta’ba to malamma’ mendadi Tominaa Kapua, apa iatu lise’ sumpa tu undinna, na Sukaran aluk, unturo ta’ba Anak mendadi Tominaa Kapua tu sundun tontong sae lakona.

IBRANI 9:11

Apa saemo tu Kristus mendadi Tominaa Kapua, tu oto’na mintu’ kameloan la bu’tu, unnolai tenda la’bi kapua sia la’bi sundun, tangia panggaraga lima, battuananna tangia lu dio mai te lino,

IBRANI 9:15

Iamora bannangnato anna Ia mendadi Toparitangngana basse ba’ru, kumua anna iatu to ditambai ma’din unnappa’ mana’ matontongan tu mangka dialluranni, tonna rampoi kamatean Napangla’bakan kasalan tu napogau’ to naluang basse dolo.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

1 PETRUS 3:5

Belanna susi dukato tonna dolo-dolona mintu’ baine masallo’, tu urrannuan Puang Matua, umpakei duka kalena, anna tunduk lako muanena siamo,

1 PETRUS 5:1

Inde sia tu pa’pakilalangku lako mintu’ penatuammi – belanna pada penatua dukana’ sia to umpemanassa diona mintu’ kamaparrisanNa Kristus, sia umpotaa kamala’biran la dipasombo undinna: –

1 PETRUS 5:10

Puang Matua oto’na mintu’ pa’kamasean tu mangka untambaikomi tete dio Kristus mentama kamala’biran matontonganNa, ke mangkamokomi umperasai kamaparrisan lan attu sangattu’, Ia duka la umpasundunkomi sia umpabantangkomi sia umpamatoto’komi sia umparandangannikomi.

1 YOHANES 1:3

iatu apa kitiromo sia kirangimo, ia dukamo kipa’peissanan pole lako kalemi, anna kamu duka tama kasiulangan lan kasiturusan sisola kami; iatu kasiturusangki iamo kasiturusan kisiulangi Ambe’ sia Yesu Kristus, AnakNa.

YUDAS 1:1

Sura’ iate lu dio mai Yudas, taunNa Yesu Kristus sia siulu’na Yakobus, diparampo lako mintu’ to ditambai tu naluang pa’kaboro’Na Puang Matua Ambe’ sia kadikarimmanan dio mai Yesu Kristus.

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.

KADA OMBO’ LAKO RASULU’ YOHANES 18:20

E, lanna suruga, sia mintu’ to masallo’ sia mintu’ rasulu’, sia mintu’ nabi arrakki, belanna Napaolaiammokomi salunna Puang Matua.