IBRANI 2:4 - Sura' Madatu

⁴ mangka dukamo Nakatottongi Puang Matua tu iannato tete dio tanda kalle-kallean sia tanda mangnga sia ma’rupa-rupa kuasa sia diona kaumpa’kamaseanNa Penaa Masallo’ unturu’ pa’poraianNa.

IBRANI 2:4 ပူးပေါင်းရင်းမြစ်များ

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

MARKUS 16:20

Male nasangmi tinde tau sia ma’pangada’ umba-umba nii, Natundui Puang sia Napamatoto’ tu kada iato sisola tu mai tanda kalle-kallean unturu’i.

MARKUS 6:14

Napelelemi datu Herodes tu diona Yesu, belanna kaleleammo sanganNa, nakua tu tau: Malimbangunmo tu Yohanes Pa’dio’ diong mai to’ to mate, iamoto nakedo tu mintu’ kamatotoran lan Kalena.

YOHANES 15:26

Apa ianna sae tu Panglalan la Kusua lako kalemi dio mai Ambe’, iamotu Penaa Kamanapparan tu lu dio mai Ambe’, iamoto tu la ungkatottongi tu diona Aku.

YOHANES 4:48

Nakuami Yesu ungkuanni: Ianna tae’ mitiro tanda kalle-kallean sia tanda mangnga, tae’ mima’patongan.

PENGGAURANNA RASULU’ 14:3

Iamoto anna torro ba’tu sangapa-apa inde to dio, tu mai rasulu’ sia batta’ ma’kada belanna sande’ lako Puang untonganan kada pa’kamaseanNa, sia umpaden tanda kalle-kallean sia tanda mangnga tu napaombo’ limanna tinde tau.

PENGGAURANNA RASULU’ 4:10

la miissan sola nasang sia mintu’ to Israel, kumua tete dio sanganna Yesu Kristus, to Nazaret, tu mangka mia’ta’ sia Napamalimbangun Puang Matua dio mai to’ to mate, sanga iato anna maleke te tau iate bendan dio tingayomi.

PENGGAURANNA RASULU’ 5:32

Sia kamimo te tu ungkatottongi tu iannate, ten dukato tu Penaa Masallo’ Napa’kamasean Puang Matua lako mintu’ to unturu’I.

EFESUS 1:5

Tu diona pa’kaboro’Na anNa mangka ullampakki’ mendadi to Naanak tete dio Yesu Kristus, situru’ kamasorokanna pa’poraianNa,

EFESUS 1:9

Napasomboammiki’ tu rasia pa’poraianNa situru’ pangala inaanNa, tu inang lannamo penaanNa,

EFESUS 4:7

Apa iatu kita mintu’ mangkamoki’ pantan diserongi pa’kamasean, sitinaya sukaran pamenganNa Kristus.

IBRANI 6:4

Belanna mintu’i tu to paissanmo dipamasiang tu penaanna, sia ussa’ding-sa’dingmo pa’kamase lu dao mai suruga sia umpoba’gimo Penaa Masallo’,